1 Corintios 2:1 - TÄ̧DO Ä̧CUÄ̧ I̧HUȨNȨ

¹ Iso päi'önä chö̧jä̧hua̧tö̧, Dios i̧huȩnȩ ji'äu chi̧'cho̧mȩnä̧, ucuturu rö̧ȩnä̧ huo̧ju̧nä̧ ttucuocu'a̧nö̧mä̧ ucuocuocö pi̧nö̧sä̧.

Nuevo Testamento Uwotjüja

¹ Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, Dio ütü'kü ji'äu chi̧wä̧chi̧nü̧mä̧, adiu a̧'kua̧ku̧nä̧ aditü ikumä̧ ji'äwokü pinü̧sä̧.

1 Corintios 2:1 Referans Kwoze

1 Corintios 1:17

Cristomä ttörö hue'ocö pi̧nö̧ korotörö bautizando jȩcha̧ pä'ö. Ja̧u̧ hue'inö suronä jȩttö̧ jȩpö̧ icu huȩnȩ jidähua pä'ö. Ja̧'hua̧ta̧nö̧ Cristo dau isodänä 'corupäi'inö huȩnȩ jeruhuocötä ji'äusä.

1 Corintios 2:13

Ujutumä tamönä tu̧huo̧ju̧nä̧ ji'ähuocotöjä ja̧u̧ huȩnȩ. Espíritu Santo u̧huo̧juȩtä̧ra̧'a̧nä̧ ji'ähuätöjä. Ja̧'hua̧nö̧ ja̧'a̧ttö̧ ja̧u̧ Espíritu Santorö ku̧nä̧rä̧tö̧rö̧, Espíritu Santo u̧huo̧juȩtä̧ra̧'a̧nä̧ ji'ähuätöjä.

1 Corintios 2:4

Ja̧'hua̧nö̧ ja̧'a̧ttö̧ ucuturu jidähuomenä, rö̧ȩnä̧ huo̧ju̧nä̧ ttucuocu'a̧nö̧ ji'ähuocö pi̧nö̧sä̧. Iso päi'önä Espíritu Santonä Dios ujurunä ji'ähuinösä.

2 Timoteo 1:8

Tu̧ru̧hua̧ i̧huȩnȩ korotörö ucuocu cudäpecuä'. Ttö Chu̧ru̧hua̧rö̧ cheseta'attö, cärenä pö̧rö̧'i̧nä̧ cudäpecuä'. Dios ujurunä, ttö̧ja̧ suronä jȩttö̧ jȩpö̧ icu huȩnȩ esetö, ucu'inä ubara ttu'i.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

2 Corintios 11:6

Iso päi'önä ttö chucuocuomenä, ya̧tȩ rö̧ȩnä̧ huo̧jua̧ ucuocu'a̧nö̧ chucuocuoca'anä, adiunä huo̧jua̧sä̧ o'ca juiyönä chucuocumä. Ja̧'hua̧ta̧nö̧ ucutucu kä̧nö̧, o'ca juiyönä huo̧ju̧nä̧ jȩpi̧nä̧tö̧jä̧, adiu tocu'ätucua pä'ö.

Apocalipsis 1:2

Chutä Juan, o'ca juiyönä toinömä, iso päi'önä huȩnȩ ji'äu huȩyu̧ti̧nö̧do. Pi̧yȩ huȩnȩ Dioscu, Jesucristocu jittähua'a ä̧ju̧cu̧ huȩyu̧ti̧nö̧do.

1 Juan 4:14

Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.

2 Tesalonicenses 1:10

Ja̧'hua̧nö̧ 'cuäopäcua'a chutä i̧tti̧mö̧, churutä esetätömä, churutä ttucuotarö pä'ö ichö mo̧ro̧ päi'omenä. Ujutu tu̧huo̧juȩti̧nö̧mä̧ cuesetinätucua'attö, ucutu'inä ja̧u̧ru̧ cucuotäcuotöjä.

1 Corintios 1:6

Ja̧'hua̧ ja̧'a̧ Cristo i̧huȩnȩ jidähuinö ta'anö 'cuäopa'a ucuturu.

Hechos 20:21

Judíos ttö̧ja̧rö̧'i̧nä̧, judíos huocotörö'inä ji'ähuinösä pärocuäcutä amöcuädö Diosrö, Tu̧ru̧hua̧ Jesucristorö cuesetätucua pä'ö.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

1 Timoteo 1:11

Dios, adihuä i̧sa̧, adihuä huȩnȩ, suronä jȩttö̧ jȩpö̧ icu hueinö huȩnȩ, ja̧'hua̧nö̧ päa'a. Ja̧u̧ huȩnȩ jidähua pä'ö hueinäcusä.

2 Corintios 10:10

Korotö pä'ätö ttörö: “Chutä cuyäru i̧huȩyu̧to̧mȩnä̧, pä̧i̧cu̧nä̧ jiähua'a cuyärunä. Juhuorö'inä chutä ö̧jo̧mȩnä̧, yoröiso ya̧tȩ jui̧yu̧pa̧ ö̧jö̧'a̧nö̧ kö̧. I̧huȩnȩ'i̧nä̧ adiunä ucuocuocö,” pä'ätö korotömä.

Romanos 16:25

Diosrö eseunu tucuocuaja. Ja̧u̧ jȩä̧cua̧ juhua'a yabonö adiunä 'quiyönä cu̧ja̧cuä̧tu̧cua̧ pä'ö. Ja̧'hua̧nö̧ jȩä̧cua̧ ttö̧ja̧ suronä jȩttö̧ jȩpö̧ icu jidäu huȩnȩ'i̧nä̧, Jesucristorö huo̧juȩcuä̧ huȩnȩ'i̧nä̧ cuesetätucuomenä. Ja̧'hua̧ta̧nö̧ pi̧jä̧ juiyäi'inä, Dios yä̧huä̧i̧nä̧ amöcuädinö tu̧huo̧jua̧ pä'ö iyinö pi̧yȩ adihuä huȩnȩ.

1 Corintios 2:7

Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.