1 Corintios 16:2 - TÄ̧DO Ä̧CUÄ̧ I̧HUȨNȨ

² 'Cuäopönä o'ca juiyönä semana äcuomenä mo̧ro̧ ja̧'a̧nä̧, cu̧ju̧nä̧rä̧tu̧cu̧ttu̧ iyätucui hua'adö ttu̧ju̧na̧ pä'ö. Ja̧'hua̧nö̧ ä'canä hua'adö cu̧ju̧nä̧tu̧cua̧'a̧ttö̧, ttö chichomenä cuahuaruhuärö jä'epocotöjä.

Nuevo Testamento Uwotjüja

² Semana-ttü̧mä̧ domiku̧ jü̧ta̧'a̧nü̧, 'kȩ'ȩpü̧ rütätukui, kuȩmä̧jä̧tu̧ku̧'a̧kuä̧, wa'adü rütätukui, jua'amä̧ chichomȩnä̧mä̧ täkü ku̧ka̧ka̧kuä̧tu̧ku̧ juiyäkua'anü̧.

1 Corintios 16:2 Referans Kwoze

Hechos 20:7

Ja̧'hua̧nö̧ ja̧'a̧ semana ä'canä mo̧ro̧ pan 'te'chäu ca̧ca̧cui̧pi̧nä̧tö̧jä̧. Pablo Jesucristorö esetätörö huo̧juȩti̧nö̧, ja̧u̧nu̧tä̧ mo̧ro̧ juomenä rätopa pä'ö. Juhua'a yabocutä ji'ähuinö yodo kä'co päi'önä.

San Lucas 16:10

“A̧'u̧cu̧nä̧tä̧ u̧ju̧nä̧rö̧nä̧ adiu jȩpö̧mä̧, ja̧'hua̧ta̧nö̧ rö̧ȩnä̧ u̧ju̧nä̧ro̧mȩnä̧'i̧nä̧, adiu jȩpö̧. Ja̧'hua̧ta̧nö̧ a̧'u̧cu̧nä̧tä̧ u̧ju̧nä̧rö̧nä̧ suronä jȩpö̧mä̧, ja̧'hua̧ta̧nö̧ rö̧ȩnä̧ u̧ju̧nä̧ro̧mȩnä̧'i̧nä̧ suronä jȩpö̧.

Apocalipsis 1:10

Ju̧huȩnȩ chö̧jo̧mȩnä̧, ya'ute ttö̧ja̧ 'cuättächi'ö mo̧ro̧, Espíritu Santo ujurunä ma̧i̧nä̧cu̧sä̧. Chabo ja̧'a̧nä̧ttö̧ ya̧tȩ i̧huȩnȩ pä̧i̧cu̧nä̧ ucuocua'a, trompeta ucuocua'a jä̧'i̧nö̧'a̧nö̧ ä̧ju̧cui̧nö̧sä̧.

San Juan 20:19

Ja̧u̧nu̧ mo̧ro̧tä̧, semana äcuomenä mo̧ro̧, yodo päi'omenä, Jesús u̧huo̧juȩtä̧u̧ ca̧ca̧cui̧nä̧tö̧do. Ttö̧ca̧ca̧cui̧'ode äpate 'quiyönä mö̧'ȩpi̧nä̧tö̧do, judíos ttö̧ja̧rö̧ ye'ecu. 'Quiyönä mö̧ttȩpä̧ji̧ o'ca'a, Jesús do'ächi'ö, ttö'quȩtȩnä̧ kä̧mä̧dö̧, te'äu pä'inödo: —Eseäcuähuä ku̧nä̧rä̧tu̧cui̧.

San Lucas 24:1

Semana äcuomenä mo̧ro̧ päi'omenä, yo̧ȩi̧ a̧mö̧cuä̧ri̧nö̧ ja̧'a̧, jahuätö nä̧tö̧ pä'äji ta'anö idorära̧'a̧ 'chi̧nä̧tö̧do, amehuoya jo̧mȩ päi'önä ttȩmä̧ja̧'a̧ ȩpö̧. Korotö nä̧tö̧'i̧nä̧ jahuätöcu 'chi̧nä̧tö̧do.

San Juan 20:26

Ko̧ro̧mö̧ttö̧nö̧ huäbodäcuä mo̧ro̧ o'ca'a, Jesús u̧huo̧juȩtä̧u̧ pä'äji ta'anö ca̧ca̧cui̧pi̧nä̧tö̧do. Ja̧u̧nu̧mä̧ Tomás jahuätöcu pi̧nö̧do. Ja̧'hua̧ ja̧'a̧ttö̧ äpate 'quiyönä mö̧ttȩpä̧ji̧ o'ca'a Jesús do'ächi'ö, ttö̧'quȩtȩnä̧ kä̧mä̧dö̧, te'äu pä'inödo jahuätörö: —Eseäcuähuä ku̧nä̧rä̧tu̧cui̧.

San Marcos 14:8

Piju isaju jȩjö̧mä̧ jȩpä̧jä̧ju̧. Ttörö amehuoya dajepomenä, ttörö ttu'turäcua'a ä'canä jȩpä̧jä̧ju̧.

2 Corintios 8:10

Ttötä chamöcuädö'inä ji'äusä ucuturu ppädäda pä'ö. Ucutu ni̧po̧ a̧'ȩnä̧ pä'ötä iyö jȩpi̧nä̧tö̧jä̧. Ja̧'a̧tä̧ jȩpo̧co̧tö̧ pi̧nä̧tö̧jä̧. Iso päi'önä eseunu iyö jȩpi̧nä̧tö̧jä̧.