1 Corintios 15:56 - TÄ̧DO Ä̧CUÄ̧ I̧HUȨNȨ

⁵⁶ Suronä jȩä̧cuä̧huä̧mä̧ ppäda'a 'corupäi'äcuähuä ujuturu suronä 'cuäopa pä'ö. Ja̧'hua̧ta̧nö̧ täbocö hueähuä huȩnȩ ppäda'a suronä jȩä̧cuä̧huä̧.

Nuevo Testamento Uwotjüja

⁵⁶ Isopäi'ünä̧ wa'are i̧wi̧ra̧ri̧mä̧ suronä̧ jȩä̧kuä̧wä̧ ja̧'a̧ ja̧'wa̧ta̧nü̧ surojü jȩä̧kuä̧wä̧ ujurumä̧ weäwä wȩnȩ ja̧'a̧.

1 Corintios 15:56 Referans Kwoze

Romanos 4:15

Moisés hueähuä huȩnȩ ttu̧ju̧nä̧ro̧mȩnä̧, tä̧bo̧cuä̧ ka̧'a̧. Hueähuä huȩnȩ juiyomenä, tä̧bo̧cuä̧'i̧nä̧ juiya'a.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

San Juan 8:24

Ja̧'hua̧nö̧ ja̧'a̧ttö̧ ucutu suronä jȩcu̧'ä̧tu̧cua̧'a̧ttö̧, hua'ö cuicuäcuotöjä pä'äjisä. Ttötä chamönä ucuocuäcuäu jidähuäjimä, cuesetätucu juiyöttömä, suronä jȩcu̧'ä̧tu̧cua̧'a̧ttö̧, hua'ö cuicuäcuotöjä.

Romanos 5:20

Moisés hueähuä huȩnȩ ichina'a, suronä jȩä̧cuä̧huä̧ rö̧ä̧cha̧ pä'ö. Ja̧'hua̧nö̧ ja̧'a̧nä̧ suronä jȩä̧cuä̧huä̧ rö̧ä̧cha̧'a̧nä̧, Dios ppädäcuähuä suronä jȩä̧cuä̧huä̧ttö̧'i̧nä̧ abonänö rö̧ä̧chi̧na̧'a̧.

San Juan 8:21

Jesús pä'äji ta'anö ucuocu pä'inödo: —Ttö chi̧'chä̧cua̧sä̧. Ucutumä ttörö cusätucuomenä, suronä jȩcu̧'ä̧tu̧cua̧'a̧ttö̧ hua'ö cuicuäcuotöjä. Ttö chi̧'chä̧cua̧'a̧, 'cho̧co̧tö̧jä̧.

Romanos 5:17

Ja̧'hua̧ ja̧'a̧ttö̧ ya̧tȩ ubo suronä jȩa̧'a̧ttö̧, o'ca toi'önä ttö̧ja̧ hua'ä ttö̧ja̧ juo'ähuinätö. Ja̧'hua̧nö̧ ja̧'a̧nä̧ chutä Jesucristo jȩi̧nö̧mä̧, ya̧tȩ suronä jȩi̧nö̧ttö̧'i̧nä̧ abonänö adihua'a. O'ca toi'önä Dios chutäcu ji̧nä̧ ji̧yȩtȩ huotö tta pä'ö jȩä̧u̧mä̧, kä̧cuä̧huä̧ i'co ttu̧ju̧nä̧rä̧cuo̧tö̧, Jesucristorö tteseta'attö.

Hebreos 9:27

Ja̧'hua̧ ja̧'a̧ttö̧ o'ca toi'önä ya'utenä 'corupätti'äcuotödo. Ja̧u̧nu̧ o'ca'a: “Ucu adiu jȩpi̧nö̧jä̧”, “Ucu suronä jȩpi̧nö̧jä̧” pä̧cua̧ Dios o'ca toi'önärö.

Romanos 5:15

Ja̧'hua̧nö̧ ja̧'a̧nä̧ Dios mippoönä iyömä, Adán suronä jȩi̧nö̧'a̧nö̧ jo̧cö̧. Iso päi'önä ya̧tȩtä̧ suronä jȩa̧'a̧ttö̧, recuätö ttö̧ja̧ hua'ö icuinätö. Ja̧'hua̧nö̧ ja̧'a̧nä̧ kä̧cuä̧huä̧ i'co Dios iyömä, ya̧tȩnä̧tä̧ Jesucristonä o'ca toi'önärö rö̧ȩnä̧ adihua pä'ö.