1 Corintios 15:52 - TÄ̧DO Ä̧CUÄ̧ I̧HUȨNȨ

⁵² Röji trompeta rä̧mi̧po̧mȩnä̧, yotäcu ttö'äre yȩbi̧ päi'omenä tö'ärohuächäcuotöjä. Trompeta rä̧mi̧po̧mȩnä̧, 'corupä'i'inätömä ttottächipäcuotö. Ja̧u̧nu̧ o'ca'a yoröiso 'corupä'i'ocotö ttäcuotö. Ujutu'inä tö'ärohuächäcuotöjä.

Nuevo Testamento Uwotjüja

⁵² Jurunä̧tä̧, tti'äre yȩbi̧ päi'a'attü, trompeta rüjí rä̧mi̧po̧mȩnä̧, wa'ü ikuinä̧tü̧mä̧ wa'ü ikuäwokünä̧ ttottächi'äkuotü. Ja̧'wa̧nü̧ ja̧'a̧nä̧ ujutumä̧ ti'ärowächi'äkuotüjä̧.

1 Corintios 15:52 Referans Kwoze

San Mateo 24:31

Umöhuäyotö ángelesrö huȩä̧cua̧, trompeta pä̧i̧cu̧nä̧ rä̧mi̧pö̧nä̧ churutä esetinätörö pa̧ja̧cu̧nä̧ ka̧cuä̧tö̧rö̧ ttö̧ca̧ca̧ta̧ pä'ö.

San Juan 5:25

Iso päi'önä pä'ösä ucuturu, 'corupä'i'inätömä Dios I̧tti̧ i̧huȩnȩ ttä̧ju̧cu̧nä̧ päi'äcua'a. Ttö ja̧u̧mä̧ jitä ja̧'a̧ pä'ösä. Ja̧u̧ru̧ adiu ä̧ju̧cuä̧tö̧mä̧ ttö̧ja̧cuä̧cuo̧tö̧.

San Juan 5:28

Ja̧'hua̧nö̧ jidähuomenä, to̧cu̧'ä̧rä̧tu̧cuä̧'. Yodoji mo̧ro̧ o'ca toi'önä 'corupä'i'inätö i̧huȩnȩ ttä̧ju̧cu̧ mo̧ro̧ päi'äcua'a.

2 Pedro 3:10

Tta̧ttä̧ro̧cö̧ mo̧ro̧ i̧chä̧cua̧do Tu̧ru̧hua̧mä̧. Nä̧u̧cuä̧rä̧tö̧ yodo ttichö'a̧nö̧, i̧chä̧cua̧do. Mo̧ro̧jä̧ra̧'a̧ttö̧ juruhuächi'ö ucuocuäcua'ado. Mo̧ro̧jä̧nä̧ ka̧cuä̧tö̧mä̧ kä̧hua̧tö̧'i̧nä̧, si̧ri̧'cö̧'i̧nä̧ o'ca toi'önä ocuränä cuo'ö icu bettipächäcuotödo. Pi̧jä̧ rȩjȩ'i̧nä̧, pi̧jä̧nä̧ ka̧cu̧'i̧nä̧ o'ca juiyönä cuo'ö icu beipächä̧cuȩdo.

1 Corintios 15:42

Ja̧'hua̧nö̧ jä̧cua̧'a̧ 'corupä'i'ö'cotö ttottächomenä. 'Corupä'i'äjirö, hua'ö icuru 'turätö. Juhuorö'inä ttottächomenä, yoröiso 'corupä'i'ocötä tto̧ä̧chä̧cua̧.

Apocalipsis 8:13

Ja̧u̧nu̧ o'ca'a tochomenä, ya̧tȩ ángel mo̧ro̧jä̧nä̧ co̧ä̧ra̧'a̧, i̧huȩnȩ ä̧ju̧cui̧nö̧sä̧. Ja̧u̧ i̧huȩnȩnä̧ pä̧i̧cu̧nä̧ pä'inö: —Iso päi'önä korotö huämetucuä ángeles ttöäre trompetas ppöttomenä, pi̧jä̧nä̧ ka̧cuä̧tö̧mä̧ yoröiso tta̧'cua̧ tta̧'ȩcu̧ ubara ttuttäcuotö, —pä'inö.

1 Corintios 15:50

Adihuä chö̧jä̧hua̧tö̧, ucuturu ji'äusä, pi̧jä̧ttö̧, ttidepäcu'inä, ttucuojacu'inä yoröiso doächäcuähuoca'a Dios ö̧jo̧mȩ. Koro beipächä̧cuȩ'i̧nä̧, koro beipächocö jä̧cuȩ'i̧nä̧ huihuacuoca'a jä̧cua̧'a̧.

Apocalipsis 8:2

Ja̧u̧nu̧ o'ca'a, ko̧ro̧mö̧ttö̧nö̧ ta̧ju̧nu̧ ángeles Dios ä'ca jo̧mȩ ttö̧ja̧cua̧'a̧ topinösä. Jahuätörö ko̧ro̧mö̧ttö̧nö̧ todäre trompetas ttiyinä̧u̧.

1 Corintios 15:23

Churutä pä̧huä̧ rö̧jo̧mȩnä̧ ttotächäcuotöjä. Äcuomenä ä'canä Cristo tto'ächinödo. Ja̧u̧nu̧ o'ca'a Cristo ichomenä, ja̧u̧ru̧ esetätö ttottächäcuotödo.

1 Tesalonicenses 4:15

Ja̧'hua̧nö̧ ja̧'a̧ttö̧ Tu̧ru̧hua̧ huo̧juȩcuä̧ huȩnȩ ji'ähuätöjä ucuturu. Tu̧ru̧hua̧ ichomenä, ujutumä ji̧nä̧ a̧'cua̧rä̧tö̧mä̧, 'corupä'i'inätö ttä'canämä tto'ächocotö täcuotöjä.