1 Corintios 15:47 - TÄ̧DO Ä̧CUÄ̧ I̧HUȨNȨ

⁴⁷ Äcuomenä ttö̧ja̧ i̧sa̧ pi̧jä̧ redä'ca i̧sa̧ppȩttö̧ a̧di̧cua̧ pi̧nö̧do. Ja̧u̧nu̧ o'ca'a pi̧nö̧mä̧, Tu̧ru̧hua̧ pi̧nö̧mä̧, mo̧ro̧jä̧ra̧'a̧ttö̧ ichinödo.

Nuevo Testamento Uwotjüja

⁴⁷ Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

1 Corintios 15:47 Referans Kwoze

San Juan 3:31

Mo̧ro̧jä̧ra̧'a̧ttö̧ ichömä, o'ca toi'önä ujututtu'inä abonänö ju̧ru̧hua̧do. Pi̧jä̧nä̧ kö̧mä̧, ihueye pi̧jä̧ ttö̧ja̧ i̧sa̧do. Pi̧jä̧ jähuä'inä ucuocu. Ja̧'hua̧nö̧ ja̧'a̧nä̧ mo̧ro̧jä̧ra̧'a̧ttö̧ ichömä, o'ca toi'önä ujututtu'inä abonänö ju̧ru̧hua̧do.

2 Corintios 5:1

Ujutu huo̧juä̧tö̧jä̧ pi̧yȩmä̧. Iso päi'önä tidepä, recuo ko̧cö̧mä̧, be'epö tticuttumä, Dios mo̧ro̧jä̧ra̧'a̧ttö̧ korode tojusode aditinödo, yoröiso beipocode, ttö̧ja̧ ttu̧mö̧nä̧'i̧nä̧ adicuocode.

1 Corintios 15:45

Ja̧'hua̧nö̧ ja̧'a̧ttö̧ Huȩyu̧cuä̧ Huȩnȩ päa'a: “Iso päi'önä äcuomenä ttö̧ja̧ i̧sa̧ pi̧jä̧ttö̧ a̧di̧cua̧ pi̧nö̧do Adánmä.” Ja̧'hua̧ta̧nö̧ rö̧ji̧nä̧ ichinömä Adánmä, tta̧'cua̧rö̧ iyähuä i̧sa̧ pi̧nö̧do.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

Hechos 10:36

Iso päi'önä Dios hue'inö Jesucristo, Israel ttö̧ja̧rö̧ jiähua pä'ö i̧huȩnȩ, adihuä huȩnȩ, eseunu kä̧cuä̧huä̧ huȩnȩ. Chutä Jesucristo o'ca toi'önä Ttu̧ru̧hua̧ päi'önä kö̧.

San Juan 6:33

I̧ri̧si̧mä̧, Dios iyömä, mo̧ro̧jä̧ra̧'a̧ttö̧ mȩyȩhui̧nö̧do. Ja̧u̧mä̧ pi̧jä̧ ttö̧ja̧rö̧ kä̧cuä̧huä̧ iyö.

San Mateo 1:23

Ja̧u̧ Dios i̧huȩnȩ jiäcuähuä i̧sa̧ pa̧'a̧nö̧ pä'inödo: Yajute isajumä, uborö yoröiso jerupajumä, muchaju jä̧cua̧ju̧. Ki̧tti̧mä̧, ubomä, u̧huä̧pä̧chä̧cua̧mä̧. Ja̧u̧ ji̧'qui̧cha̧hua̧ i̧mi̧mä̧ Emanuel pättäcuotödo. Ja̧'hua̧nö̧ i̧mi̧ mi̧cua̧'a̧ pä'ätöjä: Dios ujutucu kö̧, pä'ö.

1 Corintios 15:46

Äcuomenä mo̧ro̧jä̧ jähuä ichoca'ado. Äcuomenä pi̧jä̧ jähuä ja̧'a̧do. Ja̧u̧nu̧ o'ca'a mo̧ro̧jä̧ jähuä ja̧'a̧do.