1 Corintios 15:3 - TÄ̧DO Ä̧CUÄ̧ I̧HUȨNȨ

³ Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

Nuevo Testamento Uwotjüja

³ Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;

1 Corintios 15:3 Referans Kwoze

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

Gálatas 1:4

Ja̧'hua̧ta̧nö̧ 'corujuoächa pä'ö iyähuinö ujutu suronä jȩtö̧ jȩpö̧ icua pä'ö, pi̧jä̧ surojä̧jä̧ttö̧ ȩma̧tö̧ pä'ö Tä'o Diosrö pä̧huä̧ rö̧jo̧mȩnä̧.

1 Juan 2:2

Jesucristomä suronä jȩtö̧ töcö icu. Ujututä suronä jȩtö̧tä̧mä̧cö̧, o'ca toi'önä suronä jȩttö̧ töcö icu.

Gálatas 1:12

Pi̧jä̧ ttö̧ja̧ttö̧ ȩmo̧cö̧ pi̧nö̧sä̧. Ja̧'hua̧ta̧nö̧ yoröiso huo̧juȩcuo̧cö̧sä̧ pi̧jä̧ ttö̧ja̧ttö̧mä̧. Ja̧'hua̧nö̧ ttu̧huo̧juȩtä̧'i̧nö̧ juäimä, chutä Jesucristotä u̧huo̧juȩti̧nä̧cu̧sä̧.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Romanos 4:25

Dios hue'inö Jesúsru 'corupäi'a pä'ö, ujutu suronä jȩtö̧ imitähua pä'ö. Ja̧'hua̧ta̧nö̧ Dios Jesúsru tto'ädinö, ujuturu jȩa̧ pä'ö chutäcu ji̧nä̧ ji̧yȩtȩ huotö ta pä'ö.

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

2 Corintios 5:21

Cristomä yoröiso suronä jȩpo̧cö̧ pi̧nö̧. Juhuorö'inä ujuturu repe'ö, ya̧tȩ suronä jȩpö̧rö̧ jȩtta̧'a̧ jä̧'i̧nö̧'a̧nö̧ jȩpi̧nö̧do Dios Cristorö, ujutu tesetiyarö pä'ö. Ja̧'hua̧ta̧nö̧ ja̧u̧ru̧ esetö, Diosrö pä̧huä̧ rö̧jo̧mȩnä̧ adiunä tö̧ja̧cua̧ pä'ö jȩpi̧nö̧do.

1 Corintios 11:23

Pi̧yȩ huo̧juȩcuä̧ huȩnȩ ucuturu chu̧huo̧juȩti̧nö̧mä̧, Tu̧ru̧hua̧ huo̧juȩti̧nö̧ ttörö. Ja̧u̧nu̧ yodo, Tu̧ru̧hua̧ Jesúsru ttiyä̧cuȩ yodo, chutä i̧ri̧si̧ ȩmo̧po̧'ö̧ 'chu̧'ä̧ri̧nö̧do u̧mö̧nä̧.

Hechos 3:18

Ja̧'hua̧nö̧ jȩcu̧'ä̧tu̧cuo̧mȩnä̧, Dios päinö ta'anö 'cuäopina'a o'ca toi'önä Dios i̧huȩnȩ jiäcuähuä isotö mo täbocö jittähuinömä. Jahuätö ä'canä jï'ähuinätö Cristo ubara ttuhuäcua'amä.

San Juan 1:29

Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

1 Pedro 1:11

Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Romanos 3:25

Dios hue'inö I̧tti̧ Jesucristorö sacrificio päi'önä 'corupäi'a pä'ö, ttö̧ja̧ suronä jȩttö̧ jȩpö̧ icua pä'ö. Ja̧'hua̧nö̧ Dios ȩmö̧ Jesucristorö esetätörö. Pä'äji ka̧cui̧nä̧tö̧ suronä jȩtta̧'a̧nä̧, Dios ami 'qui'ächi'inö. Ja̧'hua̧nö̧ ja̧'a̧ttö̧ ttö̧ja̧ ttu̧huo̧jua̧ pä'ö Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö, hue'inö Jesucristorö.

San Mateo 26:28

Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätö ttö̧jä̧ suronä jȩttö̧ jȩpö̧ icua pä'ö.

1 Pedro 3:18

Iso päi'önä Cristomä ya'utenätä o'ca toi'önärö suronä jȩttö̧ jȩpö̧ icua pä'ö ubara ttu'u 'corupä'i'inö. Chutä yoröiso adihuä i̧sa̧ ja̧'a̧nä̧, ujutu suronä jȩpä̧tö̧mä̧ suronä jȩtö̧ jȩpö̧ icu, ubara ttu'inö Dios ö̧ja̧'a̧cu̧ ti̧'cha̧ pä'ö. Chutä idepämä 'corupäi'äja'anä, a̧'cua̧ru̧hua̧ pä'äji ta'anö tto'ächäji'ca̧ ki̧nö̧.

Hebreos 5:3

Ja̧'hua̧ta̧nö̧ chutä'inä ijuiyuhua'attö, sacrificio jȩpö̧, jä'epö ucuocu Diosrö chutä suronä jȩö̧'i̧nä̧, pi̧jä̧ ttö̧ja̧ suronä jȩttö̧'i̧nä̧.

Hebreos 5:1

Pi̧jä̧ttö̧ sacerdote ru̧hua̧mä̧, pi̧jä̧ ttö̧ja̧ttö̧ pojopö topö ku̧nä̧hua̧, Diosrö jä'epö ucuocua pä'ö, Dios pi̧jä̧ ttö̧ja̧rö̧ ppäda pä'ö. Ja̧'hua̧ta̧nö̧ pi̧jä̧ ttö̧ja̧ suronä jȩtto̧mȩnä̧, sacrificios jȩpö̧ Diosrö jä'epö ucuocu.

1 Corintios 11:2

Chö̧jä̧hua̧tö̧, ucuturu eseusä 'cuäopönä ttörö amöcuädö jȩcu̧'ä̧tu̧cuo̧mȩnä̧, ttö jidähuinö huȩnȩ.

San Mateo 26:24

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧ yoröiso uhuäpächinö juiyöttömä, adihuaja'a.

San Lucas 24:25

Ja̧'hua̧ ja̧'a̧ Jesús pä'inödo jahuätörö: —Yoröiso huo̧juȩcuä̧mä̧, huo̧jui̧po̧co̧tö̧jä̧. Dios i̧huȩnȩ jiäcuähuä isotö o'ca juiyönä jittähuinömä recuometä huo̧jui̧pä̧tö̧jä̧.

Hechos 8:32

Huȩyu̧cuä̧ Huȩnȩttö̧ pi̧yȩ huȩnȩ ucuocuinödo: Ovejarö cuä'ö tticua pä'ö ttȩpa̧'a̧ jä̧'i̧nö̧'a̧nö̧, oveja i̧tti̧rö̧ uhuo'che cuittomenä 'corunä ö̧ja̧'a̧ jä̧'i̧nö̧'a̧nö̧, chutä'inä 'corunä ki̧nö̧do.

Hechos 17:2

Pablo judíos ttu̧huo̧jui̧'i̧nodenä doächä'ijö ta'anö, juhuorö'inä do'ächinödo. Huäbodäcuä mo̧ro̧ ttö̧ja̧ 'cuättächi'ö mo̧ro̧ Dios i̧huȩnȩ Huȩyu̧cuä̧ Huȩnȩttö̧ rä'epö ucuocuinödo jahuätörö.