1 Corintios 15:2 - TÄ̧DO Ä̧CUÄ̧ I̧HUȨNȨ

² Ja̧'hua̧ta̧nö̧ ja̧u̧ huȩnȩ adiu cuesetätucuttumä, ja̧'a̧tä̧ amöcuädäcuähuä juiyönä jȩcu̧'ä̧tu̧cuo̧ca̧'a̧nä̧, ucutu suronä jȩcu̧'i̧nä̧tu̧cu̧mä̧ jȩpö̧ icuinä̧u̧jä̧ Dios.

Nuevo Testamento Uwotjüja

² Ja̧'wa̧ta̧nü̧ pi̧yȩ jareü wȩnȩnä̧tä̧ ja̧'a̧ kuesetätukuttümä̧, ji̧yȩnä̧tä̧ ku̧ji̧pä̧tu̧kuä̧kua̧'a̧mä̧ surojü ra̧wä̧pi̧jü̧ttü̧; ja̧'wa̧nü̧ jo̧ka̧'a̧ jü̧ttü̧mä̧, yaparetä esetinä̧tü̧jä̧.

1 Corintios 15:2 Referans Kwoze

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

Hebreos 2:1

Ja̧'hua̧nö̧ ja̧'a̧ttö̧ tä̧ju̧cui̧nö̧mä̧ yabonö tesetö'a̧nö̧ ja̧'a̧, adihuä juäi mä̧nä̧ jaroti'ö juiya pä'ö.

Hebreos 3:14

Iso päi'önä äcuomenä tesetinö röji mo̧ro̧ päi'omenä jubö päi'önä tami 'quitächi'öttömä, Cristocu ji̧nä̧ yo̧mȩtȩ tö̧ja̧cuä̧cuo̧tö̧jä̧.

2 Timoteo 1:9

Dios ujutu suronä jȩtö̧ jȩpö̧ icuinö. Ja̧'hua̧ta̧nö̧ adiu tö̧ja̧cui̧ya̧rö̧ pä'ö huoinä̧u̧jä̧. Ujutu yoröiso adiu jȩpo̧co̧tö̧ pi̧nä̧tö̧jä̧. Diostä ujuturu pä̧huä̧ rö̧ji̧nä̧cu̧. Pi̧jä̧ juiyäi Dios ujuturu repe'inö, Cristo Jesúsru teseta'attö.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

Efesios 2:8

Iso päi'önä Dios ucuturu repea'attö, suronä jȩcu̧'ä̧tu̧cu̧ jȩpö̧ icuinö, Cristorö cuesetätucuomenä. Ucutu cuamönätucunä esetocotö pi̧nä̧tö̧jä̧. Diostä ja̧'hua̧nö̧ mippoönä iyinä̧u̧jä̧ cuesetätucua pä'ö.

1 Corintios 1:18

Cristo dau isodänä 'corupäi'inö huȩnȩ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧, ucuocuätö Diosrö esetocotömä. Pi̧yȩmä̧ ujutumä, Diosrö esetätömä, Dios ujuru huȩnȩ pä'ätöjä.

Santiago 2:26

Ttidepä tta̧'cua̧ru̧hua̧ toönämä hua'ö icu. Ja̧'hua̧nö̧ ja̧'a̧ esetötä esetäcuähuämä, adiu jȩä̧cuä̧huä̧ jȩttö̧ juiyöttömä, 'corupäi'äcuähuä jä̧'i̧nö̧'a̧nö̧ jö̧do.

Santiago 2:14

Chö̧jä̧hua̧tö̧, ya̧tȩ “Ttö Jesucristorö esetösä” pä'ömä, adiu jȩä̧cuä̧huä̧ jȩö̧ juiyöttömä, ¿adihua'a tä̧ji̧? Ja̧'hua̧nö̧ ttesetomenä, ¿ttö̧ji̧pä̧cuo̧tö̧ tä̧ji̧?

Hebreos 10:23

Ja̧'hua̧nö̧ tesetomenä, koro tamöcuädoca'a, adiunätä tta̧tä̧rö̧'a̧nö̧ ja̧'a̧. Dios ujuturu iya päinö, o'ca juiyönä i̧yä̧cua̧ päinö ta'anö.

San Lucas 8:13

Korotömä, jacuä jähuä inähuänä ma̧ä̧chö̧ jä̧'i̧nö̧'a̧nö̧ huotö. Jahuätömä Dios i̧huȩnȩ ä̧ju̧cu̧, eseunu esetätö. Ja̧'hua̧nö̧ ja̧'a̧nä̧ ujupo'tiyä juiya'attö, a̧'u̧cua̧'a̧tä̧ esetätö. Ja̧'hua̧ ja̧'a̧ttö̧ Dios i̧huȩnȩ tteseta'attö, jahuätörö suronä 'cuäopomenä jaropi'ätö.

Santiago 2:17

Ja̧'hua̧nö̧ jä̧'i̧nö̧'a̧nö̧ ja̧'a̧ esetäcuähuämä. Adiu jȩ̈ä̧cuä̧huä̧ jȩttö̧ juiyöttömä, ja̧u̧ esetäcuähuämä 'corupäi'äcuähuä jä̧'i̧nö̧'a̧nö̧ jö̧do.

Hebreos 4:14

Jesús, Dios I̧tti̧, do'ächinödo Dios ö̧jo̧mȩ. Ja̧u̧ ji̧nä̧ isocu sacerdote ru̧hua̧ päi'önä kö̧do ujuturu. Ja̧'hua̧nö̧ ja̧'a̧ttö̧ adiunätä esetö tö̧jö̧'a̧nö̧ huotöjä.

2 Tesalonicenses 2:15

Ja̧'hua̧nö̧ ja̧'a̧ttö̧ tö̧jä̧hua̧tö̧, cuami 'qui'ächi'ö ka̧cuä̧tu̧cui̧. Ujutu tu̧huo̧juȩti̧nö̧'i̧nä̧, ucuturu huȩyu̧tu̧ huetinö'inä cunichi'ätucuä'.

Gálatas 3:4

¿Diosrö cuesetätucuei ucuturu 'cuäopinömä micuähuocö jä̧'i̧nö̧'a̧nö̧ jä̧u̧jä̧ tä̧ji̧? Ji̧'qui̧cha̧nö̧tä̧ ppädinä̧u̧jä̧ a̧'cua̧ra̧'a̧.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Romanos 1:16

Ttömä dä'äcuocösä adihuä huȩnȩmä̧. Ja̧u̧ huȩnȩ esetätörö suronä jȩttö̧ jȩpö̧ icu Dios, äcuomenä judíos ttö̧ja̧rö̧'i̧nä̧, ja̧'hua̧ta̧nö̧ judíos huocotörö'inä.

2 Corintios 2:15

Cristo Diosrö adihuä juäi iyömä amehua'a jä̧'i̧nö̧'a̧nö̧ huotöjä ujutumä, Diosrö esetätö ttö̧'quȩtȩnä̧'i̧nä̧, Diosrö esetocotö ttö̧'quȩtȩnä̧'i̧nä̧.

1 Corintios 15:14

Ja̧'hua̧ta̧nö̧ Cristo ttoächoca'a ji̧nö̧ttö̧mä̧, ujutu jitäu huȩnȩ yoröiso micuähuoca'a. Ja̧'hua̧ta̧nö̧ ucutu cuesetinätucu huȩnȩ'i̧nä̧ yoröiso micuähuoca'a.

1 Corintios 1:21

Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

Romanos 11:22

Amöcuädi. Iso päi'önä Dios adihuä i̧sa̧ ja̧'a̧. Ja̧'hua̧nö̧ ja̧'a̧nä̧ pä̧i̧cu̧nä̧ pä'ö chutä hueö jȩpo̧co̧tö̧rö̧. Ma̧'ä̧chi̧nä̧tö̧rö̧ pä̧i̧cu̧nä̧ päa'anä, ucuru adiu jȩi̧nä̧cu̧jä̧. Ja̧'hua̧nö̧ ja̧'a̧nä̧ ucu Dios ppädäcuähuänä cu̧ju̧'a̧nö̧ ja̧'a̧. Ja̧'hua̧nö̧ cu̧ju̧ juiyöttömä, ucu'inä ä̧na̧juȩ 'cui'opö do'opö tticua̧juȩ jä̧'i̧nö̧'a̧nö̧ cuä̧cua̧jä̧.

Hechos 8:13

Simón'inä Jesucristorö esetinödo. Bautizado pä'i'äji'ca̧, Felipecu cue'ächinödo. Felipe ttö̧ja̧ ttieru juäi Dios u̧ju̧ru̧nä̧ jȩo̧mȩnä̧, Simón tocö jä̧'i̧jö̧ topinödo.

Hechos 2:47

Diosrö adiu amöcuädö ucuocuinätödo. Korotö Jesucristorö esetätörö ucuotönö topinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo, Dios ȩma̧'a̧ttö̧.

1 Corintios 11:2

Chö̧jä̧hua̧tö̧, ucuturu eseusä 'cuäopönä ttörö amöcuädö jȩcu̧'ä̧tu̧cuo̧mȩnä̧, ttö jidähuinö huȩnȩ.