1 Corintios 15:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧ta̧nö̧ ja̧'a̧nä̧ Cristo ttoächoca'a ji̧nö̧ttö̧mä̧, ucutu cuesetinätucu yoröiso micuähuoca'a ucuturu. Ji̧nä̧ suronä jȩcu̧'ä̧tu̧cu̧nä̧tä̧ cue'ächätöjä.

Nuevo Testamento Uwotjüja

¹⁷ ja̧'wa̧ta̧nü̧ Crito wa'arettü ttoächoka'a ji̧nü̧ttü̧mä̧, ukutu kua̧'kua̧ ku̧wȩnä̧rä̧tu̧ku̧'i̧nä̧ mikuäwoka'atä kua̧'kua̧ wȩnä̧rä̧tü̧jä̧; ja̧'wa̧ta̧nü̧ surojü jȩ'kuä̧'i̧jä̧tu̧ku̧'i̧nä̧ jȩpü̧ ikuoka'a ji̧yȩnä̧tä̧ kka̧kua̧ja̧tü̧jä̧.

1 Corintios 15:17 Referans Kwoze

Romanos 4:25

Dios hue'inö Jesúsru 'corupäi'a pä'ö, ujutu suronä jȩtö̧ imitähua pä'ö. Ja̧'hua̧ta̧nö̧ Dios Jesúsru tto'ädinö, ujuturu jȩa̧ pä'ö chutäcu ji̧nä̧ ji̧yȩtȩ huotö ta pä'ö.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

1 Corintios 15:14

Ja̧'hua̧ta̧nö̧ Cristo ttoächoca'a ji̧nö̧ttö̧mä̧, ujutu jitäu huȩnȩ yoröiso micuähuoca'a. Ja̧'hua̧ta̧nö̧ ucutu cuesetinätucu huȩnȩ'i̧nä̧ yoröiso micuähuoca'a.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

Romanos 5:10

Ujutu Dios aboiyotö pi̧nä̧tö̧jä̧. Ujutu ja̧'hua̧nö̧ jȩta̧'a̧nä̧'i̧nä̧, Diosmä hue'inö I̧tti̧rö̧ 'corupäi'a pä'ö, ahuaruhuä päti'a pä'ö. Ja̧'hua̧ ja̧'a̧nä̧ ujutu ahuaruhuä tö̧ja̧cua̧'a̧ttö̧, Dios I̧tti̧ ö̧ja̧'a̧ttö̧, juhua'a yabocutä tta̧huä̧rä̧cua̧ ujuturu.

1 Corintios 15:2

Ja̧'hua̧ta̧nö̧ ja̧u̧ huȩnȩ adiu cuesetätucuttumä, ja̧'a̧tä̧ amöcuädäcuähuä juiyönä jȩcu̧'ä̧tu̧cuo̧ca̧'a̧nä̧, ucutu suronä jȩcu̧'i̧nä̧tu̧cu̧mä̧ jȩpö̧ icuinä̧u̧jä̧ Dios.

Hechos 5:31

Ja̧u̧ru̧ tto'ädö, Dios u̧huo̧jua̧'a̧nä̧ hueinäcu ru̧hua̧ ö̧ja̧ pä'ö, suronä jȩttö̧ jȩpö̧ icu ö̧ja̧ pä'ö, Israel ttö̧ja̧ pärocuäcutä ttamöcuädomenä, suronä jȩtti̧nö̧ jȩpö̧ icua pä'ö.

1 Corintios 15:16

Ja̧'hua̧nö̧ ja̧'a̧ttö̧ 'corupä'i'ö'cotö ttottächäcua'a juiyöttömä, chutämä, Cristomä tto'ächocö pi̧na̧ji̧do.