1 Corintios 14:30 - TÄ̧DO Ä̧CUÄ̧ I̧HUȨNȨ

³⁰ Ja̧'hua̧nö̧ ja̧'a̧nä̧ ya̧tȩ ucuocuomenä, ka̧ra̧rö̧ ä̧ju̧cuä̧rö̧ pö̧rö̧, ami iso'quinä Dios koro u̧huo̧juȩtö̧ttö̧mä̧, ä'canä ucuocuäjimä yotäcu 'coruchi'ö ttä̧ju̧cuä̧cua̧'a̧nö̧ ka̧ra̧rö̧, Dios u̧huo̧juȩtä̧cu̧ru̧.

Nuevo Testamento Uwotjüja

³⁰ Ja̧'wa̧nü̧ ja̧'a̧nä̧, juȩnȩ pȩjä̧tü̧ttü̧, ya̧tȩrü̧ Dio ji̧yȩtȩ i̧jȩpü̧ttü̧mä̧, ä̧kuo̧mȩnä̧ ukuokuäjimä̧ 'koruchi'i.

1 Corintios 14:30 Referans Kwoze

1 Corintios 14:26

Jitämä chö̧jä̧hua̧tö̧, pa̧'a̧nö̧ jȩä̧cuä̧huä̧nä̧ adihua'a pä'ösä. Ucutumä cuppäsähui'ätucuomenä, korotömä ra̧huä̧huä̧ ra̧'ä̧tö̧, korotömä huo̧juȩcuä̧ huo̧juȩtä̧tö̧, korotömä Dios iyähuä huȩnȩ ji'ähuätö, korotömä ttö̧ja̧ ttieru huȩnȩ ucuocuätö, korotömä ttö̧ja̧ ttieru huȩnȩ ttucuocuäji ji'ähuätö. Ja̧'hua̧nö̧ jȩcu̧'ä̧tu̧cuo̧mȩnä̧, adihua'a iso päi'önä Diosrö esetätö juhua'a yabonö tteseta pä'ö jȩcu̧'ä̧tu̧cu̧ttu̧mä̧.

1 Corintios 14:6

Ja̧'hua̧nö̧ ja̧'a̧ttö̧ chö̧jä̧hua̧tö̧, ucuturu topö ichö, koro cuieruhuätucu huȩnȩ chucuocuttumä, ¿adiu ppä'ädösä tä̧ji̧ ucuturu? Isocö̧. Koro huȩnȩ, Diosrö adiu cuesetätucu huȩnȩ jidäuttutä, ja̧u̧ adihua'a ucuturu. Ja̧'hua̧ta̧nö̧ koro huo̧juȩcuä̧nä̧, Dios iyähuä huȩnȩ, ja̧u̧ru̧tä̧, Diosrötä, adiu cu̧huo̧juä̧tu̧cua̧rö̧ pä'ö jidähuomenä, adiu ppä'ädösä ucuturu.

1 Corintios 14:29

Ja̧'hua̧ta̧nö̧ Dios iyähuä huȩnȩ'i̧nä̧ ttucuocuomenä, ta̧ju̧ru̧tä̧, huämetucuärötä hue'ätucui. Jahuätö ttucuocuomenä, korotömä ttucuocumä ttä̧ju̧cuä̧rä̧cuo̧tö̧.

1 Corintios 14:31

Ja̧'hua̧nö̧ jȩpö̧ ucutumä o'ca toi'önä Dios iyähuä huȩnȩ ku̧nä̧rä̧tö̧mä̧ cucuocuätucuäcua'a̧nö̧ ka̧ra̧ cädomenä, ka̧ra̧'i̧nä̧ ucuocu. Ja̧'hua̧nö̧mä̧ o'ca toi'önä huo̧jui̧pö̧ cujuruhuäcuotöjä̧.