1 Corintios 14:24 - TÄ̧DO Ä̧CUÄ̧ I̧HUȨNȨ

²⁴ Ja̧'hua̧nö̧ ja̧'a̧nä̧ ucutumä o'ca toi'önä Dios iyähuä huȩnȩ jicuhuähuätucuttumä, ka̧ra̧mä̧, Diosrö esetocömä, do'ächö, o'ca juiyönä jicuhuähuätucua'a ä̧ju̧cuo̧mȩnä̧, chutä suronä jȩö̧mä̧ a̧mö̧cuä̧dä̧cua̧.

Nuevo Testamento Uwotjüja

²⁴ ja̧'wa̧nü̧ ja̧'a̧nä̧, o'katoi'ünä̧ Dio i̧mi̧nä̧ jittäwa'a, Dio-rü esetokü, jȩru̧pa̧ do'ächi'ü ä̧ju̧ku̧ttü̧mä̧ chutätä u̧wo̧juä̧kua̧, ji̧yȩja̧mä̧ isopäi'ünä̧ ja̧'a̧.

1 Corintios 14:24 Referans Kwoze

1 Corintios 2:15

Juhuorö'inä ka̧ra̧mä̧ Espíritu Santorö ku̧nä̧rö̧mä̧, ja̧u̧mä̧ o'ca juiyönä ka̧cuä̧mö̧ huo̧jua̧. Ja̧'hua̧ta̧nö̧ korotömä ja̧u̧ru̧ pä'ö suronä ucuocuocotö.

Hechos 2:37

Ja̧'hua̧nö̧ ja̧'a̧ Pedro jiähua'a ttä̧ju̧cuo̧mȩnä̧, tta̧'cua̧ tta̧ päi'önä ä̧ju̧cu̧ jä'epinätödo Pedrorö'inä, korotö Jesús hue'ähuotörö'inä: —Chahuaruhuä, ¿tta̧'a̧nö̧ jȩtä̧cua̧'a̧jä̧ttö̧?

San Juan 4:29

Ttö̧ja̧rö̧ pä'inäjudo: —Ya̧tȩ ttö o'ca juiyönä jȩchi̧nö̧mä̧ ji'ähuäjirö topächätucui. Cristo pättinäcu, ¿pidetä tä̧ji̧?

San Juan 16:8

Chutä ichomenä, pi̧jä̧ ttö̧ja̧rö̧ suronä jȩtta̧'a̧ u̧huo̧juȩtä̧cua̧. Ja̧'hua̧ta̧nö̧ adihuä jueä̧mä̧ mä̧nä̧ huȩnȩ'i̧nä̧ u̧huo̧juȩtä̧cua̧ jahuätörö. Ja̧'hua̧ta̧nö̧ Dios jahuätörö: “Ucu adiu jȩpö̧jä̧”, “Ucu suronä jȩpö̧jä̧” pä̧cuȩ huȩnȩ u̧huo̧juȩtä̧cua̧.

1 Corintios 14:1

Cuahuaruhuärö repecuhuätucuäcua'a̧nö̧ jä'epätucui. Ja̧'hua̧ta̧nö̧ Diosrö jä'epätucui churutä pä̧huä̧ rö̧jo̧mȩnä̧ iyätucuacu pä'ö Espíritu Santo jähuä. Chutä iyähuä huȩnȩ jicuhuähuätucua pä'ö jä'epätucui.

1 Corintios 14:16

Ja̧'hua̧ta̧nö̧ ucumä cua̧'cua̧ru̧hua̧nä̧tä̧ Diosrö eseunu cucuocuttumä, cua̧hua̧ru̧hua̧ cuippeyänä ä̧ju̧cu̧ pö̧mä̧ ieruhuomenä, ja̧u̧mä̧ yoröiso ucucu ji̧nä̧ yo̧mȩtȩ Diosrö eseunu ucuocuocö, ä̧ju̧cuo̧ca̧'a̧ttö̧ cucuocumä.