1 Corintios 14:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ttö̧ ¿tta̧'a̧nö̧ jȩchä̧tto̧? Cha̧'cua̧ru̧hua̧nä̧'i̧nä̧, chu̧huo̧jua̧'a̧nä̧'i̧nä̧ Diosrö chucuocuomenä, adihua'a. Ja̧'hua̧ta̧nö̧ cha̧'cua̧ru̧hua̧nä̧'i̧nä̧ chu̧huo̧jua̧'a̧nä̧'i̧nä̧ ra̧do̧mȩnä̧, adihua'a.

Nuevo Testamento Uwotjüja

¹⁵ ¿Jua̧u̧nu̧mä̧ tokutä jȩchä̧kua̧'a̧jä̧ttü̧? toku ttoka'anü̧, cha̧'kua̧rü̧ i̧sa̧nä̧ chukuokua'anä̧'i̧nä̧, chamükuädünä̧mä̧ chu̧wo̧jua̧ pä'ü ja̧'a̧; cha̧'kua̧rü̧ i̧sa̧nä̧ ra̧da̧'a̧nä̧'i̧nä̧, chamükuädünä̧mä̧ chu̧wo̧jua̧ pä'ü ja̧'a̧.

1 Corintios 14:15 Referans Kwoze

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

Efesios 6:18

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Judas 1:20

Ja̧'hua̧nö̧ ja̧'a̧nä̧ ucutu, chö̧jä̧hua̧tö̧, adihuä Dios i̧huȩnȩ rö̧ä̧chö̧nä̧ adiu esetö ka̧cuä̧tu̧cui̧. Espíritu Santo ujurunä ucuocuätucui Diosrö.

1 Corintios 14:19

Ja̧'hua̧nö̧ ja̧'a̧nä̧ o'ca toi'önä ppäsähuipö, korotörö ppä'ädö ji̧'qui̧cha̧nö̧tä̧ ttä̧ju̧cu̧nä̧ chucuocuomenä, rö̧ȩnä̧ ttieru huȩnȩ ucuocuäcuähuättö'inä abonänö adihua'a ttörö.

1 Corintios 10:19

Ttömä pa̧'a̧nö̧ pädomenä, pä'ocösä ttu̧mö̧nä̧ adicuä juäimä micuähua'a pä'ö. Ja̧'hua̧ta̧nö̧ idepä'inä ja̧u̧ juäi esetö ttiyäjimä korottö'inä abonänö adiumä pä'ocösä.

Romanos 3:5

Ja̧'hua̧nö̧ ja̧'a̧nä̧ korotö ujutu suronä jȩtö̧ tottomenä, “Diosmä adiu jȩpö̧” pättöttömä, ¿tta̧'a̧nö̧ tamöcuädäcua'ajä̧ttö̧ ujutumä? Dios ujuturu ro̧ȩpo̧mȩnä̧, ¿suronä jȩpö̧ tä̧ji̧? Ja̧'hua̧nö̧ pädomenä, pi̧jä̧ ttö̧ja̧ ttucuocu'a̧nö̧ ucuocusä.

Romanos 1:9

Ja̧'hua̧ta̧nö̧ Dios I̧tti̧ i̧huȩnȩ o'ca juiyönä cha̧'cua̧ eseunu jidähua'attö, Dios huo̧jua̧ ucuturu amöcuädö Diosrö chucuocumä.

Filipenses 1:18

¿Tta̧'a̧nö̧ pä'ö? Huäinä ttucuocuä. Adiunä'inä ttucuocuttumä, a'cuoyäunu ttucuocuttumä, Cristo i̧huȩnȩ ucuocuätö. Ja̧'hua̧nö̧ ja̧'a̧ttö̧ ttucuocua'a eseusä. Koronö'inä chȩsȩhuä̧cua̧sä̧.

Romanos 8:31

Ja̧'hua̧nö̧ ja̧'a̧ttö̧ ¿tta̧'a̧nö̧ pätäcua'ajä̧ttö̧? Dios ujuturu tta̧huä̧rö̧ttö̧mä̧, ¿dijä̧ttö̧ suronä jȩä̧cua̧ ujuturu?

Hechos 21:22

Juhua'a yabonö ancianos huotö pä'inätödo: —Ja̧'hua̧nö̧ ja̧'a̧ttö̧, ¿tta̧'a̧nö̧ jȩtä̧cua̧'a̧jä̧ttö̧? Ucu cuichäja'a ttä̧ju̧cuo̧mȩnä̧, ttö̧ja̧ ttö̧ca̧ca̧cui̧'ä̧cuo̧tö̧.

1 Corintios 14:14

Ttömä Diosrö ucuocu pä̧nö̧, chieru huȩnȩ chucuocuttumä, iso päi'önä cha̧'cua̧ru̧hua̧nä̧tä̧ ucuocusä, chucuocuäjimä chä̧ju̧cuo̧ca̧'a̧nä̧.

1 Corintios 14:26

Jitämä chö̧jä̧hua̧tö̧, pa̧'a̧nö̧ jȩä̧cuä̧huä̧nä̧ adihua'a pä'ösä. Ucutumä cuppäsähui'ätucuomenä, korotömä ra̧huä̧huä̧ ra̧'ä̧tö̧, korotömä huo̧juȩcuä̧ huo̧juȩtä̧tö̧, korotömä Dios iyähuä huȩnȩ ji'ähuätö, korotömä ttö̧ja̧ ttieru huȩnȩ ucuocuätö, korotömä ttö̧ja̧ ttieru huȩnȩ ttucuocuäji ji'ähuätö. Ja̧'hua̧nö̧ jȩcu̧'ä̧tu̧cuo̧mȩnä̧, adihua'a iso päi'önä Diosrö esetätö juhua'a yabonö tteseta pä'ö jȩcu̧'ä̧tu̧cu̧ttu̧mä̧.

Santiago 5:13

Ucututtu ya̧tȩrö̧ barauttumä, Diosrö ucuocu'a̧nö̧ ja̧'a̧. Ucututtu ya̧tȩ eseunu ö̧jö̧ttö̧mä̧, Diosrö eseunu ra̧huä̧huä̧ ra̧u̧'a̧nö̧ ja̧'a̧.