1 Corintios 12:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ ka̧ra̧rö̧ adiu eseta pä'ö iyö ja̧u̧tä̧ Espíritu Santo. Ka̧ra̧rö̧ na̧'ä̧chä̧tö̧rö̧ aditö icua pä'ö iyö.

Nuevo Testamento Uwotjüja

⁹ Ja̧'wa̧ta̧nü̧ Jua̧u̧ Epíritu-nä̧tä̧ kkorotümä̧ i̧yä̧u̧ tta̧'kua̧ wȩnä̧rä̧kuä̧wä̧ ttu̧ju̧nä̧ra̧ pä'ü'i̧nä̧ ja̧'wa̧ta̧nü̧ kkorotümä̧ i̧yä̧u̧ na̧nȩpä̧tü̧rü̧ aditü ikuäwä'i̧nä̧, jü̧nä̧.

1 Corintios 12:9 Referans Kwoze

2 Corintios 4:13

Huȩyu̧cuä̧ Huȩnȩ päa'a: “Esetö kä̧nö̧ ucuocuinösä.” Ja̧'hua̧ta̧nö̧ ujutu'inä ja̧'hua̧nö̧ esetö ucuocuätöjä.

Efesios 2:8

Iso päi'önä Dios ucuturu repea'attö, suronä jȩcu̧'ä̧tu̧cu̧ jȩpö̧ icuinö, Cristorö cuesetätucuomenä. Ucutu cuamönätucunä esetocotö pi̧nä̧tö̧jä̧. Diostä ja̧'hua̧nö̧ mippoönä iyinä̧u̧jä̧ cuesetätucua pä'ö.

1 Corintios 13:2

Ja̧'hua̧ta̧nö̧ Dios iyähuä huȩnȩ jidäuttumä, o'ca juiyönä ttö̧ja̧ ttieru huȩnȩ chu̧huo̧ju̧ttu̧mä̧'i̧nä̧, o'ca juiyönä pi̧jä̧ huo̧juä̧huä̧ chu̧huo̧ju̧ttu̧mä̧'i̧nä̧, o'ca toi'önärö repedoca'anä, yoröiso yapareutä jȩpö̧sä̧. Ja̧'hua̧ta̧nö̧ rö̧ȩnä̧ esetö, möä'ca chupporädäcua'a̧nö̧ pä'ö chesetöttö'inä, chahuaruhuärö repedoca'anä, yoröiso yapareutä jȩpö̧sä̧.

Hebreos 11:33

Diosrö esetö, korotö tti̧rȩjä̧ra̧'a̧ rohuäu tti̧'cho̧mȩnä̧, juruhuinätödo. Ja̧'hua̧ta̧nö̧ adiunä hue'inätödo. Dios jahuätörö ppäda päinö ȩmi̧nä̧tö̧do. Yä̧hui̧tö̧ ttä'inä mö̧'ȩpi̧nä̧tö̧do.

1 Corintios 12:30

¿O'ca toi'önä na̧'ä̧chä̧tö̧rö̧ aditö icuätöjä tä̧ji̧? ¿O'ca toi'önä ttieru huȩnȩ ucuocuätöjä tä̧ji̧? ¿O'ca toi'önä ttieru huȩnȩ ttucuocuäji o'ca'a, ji'ähuätöjä tä̧ji̧? Ja̧'hua̧nö̧mä̧cö̧.

1 Corintios 12:28

Ja̧'hua̧nö̧ ja̧'a̧ttö̧ Dios pa̧'a̧nö̧ hue'inödo iglesia ruhuärö. Äcuomenä Jesús hue'ähuotörö hue'inödo. Ja̧u̧nu̧ o'ca'a, Dios i̧huȩnȩ Diosttö ȩmä̧huä̧ ji'ähuätörö hue'inödo. Ja̧u̧nu̧ o'ca'a, Dios i̧huȩnȩ huo̧juȩtä̧tö̧rö̧'i̧nä̧, ttö̧ja̧ ttieru juäi jȩpä̧tö̧rö̧'i̧nä̧, na̧'ä̧chä̧tö̧rö̧ aditö icuätörö'inä, korotörö ppä'ädätörö'inä, korotö ä'canä amöcuädö, jȩpö̧ ppä'ädätörö'inä, korotö ttieru huȩnȩ ucuocuätörö'inä hue'inödo Dios.

San Marcos 16:18

Ttu̧mö̧nä̧ 'chu̧ttä̧dä̧cuo̧tö̧ ä̧ca̧tö̧rö̧. Ni̧yȩcuä̧ ttauttu'inä, ni̧yȩcuo̧co̧tö̧. Ja̧'hua̧ta̧nö̧ na̧'ä̧chä̧tö̧rö̧ ttu̧mö̧nä̧ mȩ'ö̧ aditö tticuäcuotö, —pä'inödo Jesús.

Hechos 5:15

Na̧nȩpä̧tö̧rö̧ mä̧ni̧yä̧nä̧ rä'epö rötinätödo sabana'cuanä'inä, huä̧ri̧sa̧nä̧'i̧nä̧, Pedro 'cuäopomenä a̧'cua̧juä̧ yotöcunä ttuhuämenä 'cuäo'a pä'ö.

San Lucas 10:9

Juhuorö na̧nȩpä̧tö̧rö̧mä̧ aditö icuätucui. Ja̧'hua̧nö̧ ja̧'a̧ ji'ähuätucui jahuätörö: “Täcö Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a.”

San Lucas 9:2

Dios Ru̧hua̧ päi'önä ö̧jä̧cuȩ huȩnȩ jittähua pä'ö hueinä̧u̧do, na̧nȩpä̧tö̧rö̧'i̧nä̧ aditö tticua pä'ö.

San Marcos 6:13

Ja̧'hua̧ta̧nö̧ recuätö espíritus suropätörö rä'epö icuinätödo. Ja̧'hua̧ta̧nö̧ recuätö na̧'ä̧chä̧tö̧rö̧ a̧dȩ tu'epö, aditö tticuinä̧u̧do.

San Mateo 21:21

Jesús ädätinödo: —Iso päi'önä pä'ösä ucuturu, ucutu jarodäcuähuä juiyönä cuesetätucuttumä, juhuäi jȩchä̧ji̧ttö̧'i̧nä̧ abonänö jȩcu̧'ä̧tu̧cu̧'a̧nö̧ ja̧'a̧. Ja̧'hua̧ta̧nö̧ ji'caja möä'ca päcuhuätucuttumä: “Pporächi'ö jacuoto ma̧'ä̧chi̧”, pporächi'ö jacuoto ma̧ä̧chä̧cua̧'a̧.

San Mateo 10:8

Lepra ttöttahuiyä märichei na̧'ä̧chä̧tö̧rö̧'i̧nä̧, koro juäi na̧'ä̧chä̧tö̧rö̧'i̧nä̧ aditö icuätucui. 'Corupä'i'ätörö'inä tto'ädätucui. Espíritus suropätörö'inä rä'epö icuätucui. Ucutu ja̧u̧ ujurumä micuä juiyönä cuȩmä̧jä̧tu̧cu̧ ta'anö, korotörö'inä ja̧u̧ ujurunä micuä juiyönä ppä'ädätucui.