1 Corintios 11:22 - TÄ̧DO Ä̧CUÄ̧ I̧HUȨNȨ

²² ¿Ucutu cu̧cuȩ cuä̧nö̧ cuahuätucua pä'ö jui'ätöjä tä̧ji̧ cuojusode? Ucutumä ja̧'hua̧nö̧ jȩcu̧'ä̧tu̧cuo̧mȩnä̧, Diosrö esetätörö cujö'cätucu jui'ö jȩpä̧tö̧jä̧. Ja̧'hua̧ta̧nö̧ korotö jui'ätörö ttödäpecunä jȩpä̧tö̧jä̧. ¿Tta̧'a̧nö̧ pä'ö jidähua'ajä̧ttö̧ ucuturu? ¿Eseunu jidähua'a̧nö̧ tä̧ji̧? Isocö̧. Ja̧'hua̧nö̧mä̧cö̧.

Nuevo Testamento Uwotjüja

²² ¿Ukutumä̧ kuojusodetuku jui'ätüjä̧ tä̧jí̧, ku̧kuȩ kukuätukuomȩmä̧ ja̧'wa̧ta̧nü̧ kuäwätukuomȩmä̧? ¿Tta̧'a̧nü̧ pä'ü Dio iäre igresia suronä̧ jȩ'kuä̧tu̧kua̧'a̧jä̧ttü̧ ja̧'wa̧ta̧nü̧ usurä isotürü dä'ä ttukuepätukua'ajä̧ttü̧? ¿Däjé pädätukuäkuttü̧? ¿pi̧yȩ jȩ'kuä̧tu̧kua̧'a̧mä̧ adiwa'a pä'ü, chesewa'a ukuturumä̧?

1 Corintios 11:22 Referans Kwoze

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

1 Timoteo 3:15

Jurunänö chichö juiyöttömä, Dios i̧tti̧mö̧ kä̧cuä̧huä̧ cu̧huo̧jua̧ pä'ö huȩyu̧tu̧sä̧. Jahuätömä, Dios i̧tti̧mö̧mä̧, Dios kö̧rö̧ esetätö. Jahuätömä adihuä huȩnȩ esetö tta̧'ä̧rä̧tö̧.

1 Timoteo 3:5

Ja̧u̧mä̧ i̧tti̧mö̧rö̧'i̧nä̧, ahuaruhuärö'inä tta̧huä̧rä̧cuä̧huä̧nä̧ ieruttumä, ¿tta̧'a̧nö̧ tta̧huä̧rä̧cua̧'a̧jä̧ttö̧ Diosrö esetätörö?

1 Corintios 11:17

Jitämä pi̧yȩmä̧ chi̧huȩyu̧to̧mȩnä̧, eseunu huȩyu̧to̧cö̧sä̧. Ucutumä ppäsähuipö cucuocuätucuomenä, adiunä jö̧ juiyönä, surojö a̧'cua̧rö̧nä̧ jȩpä̧tö̧jä̧.

1 Corintios 11:2

Chö̧jä̧hua̧tö̧, ucuturu eseusä 'cuäopönä ttörö amöcuädö jȩcu̧'ä̧tu̧cuo̧mȩnä̧, ttö jidähuinö huȩnȩ.

1 Corintios 15:9

Ttömä korotö Jesús hue'ähuotöttö'inä abonänö usurä i̧sa̧sä̧. Ttörömä Jesús huȩ'ä̧hua̧ pättö juiyö'a̧nö̧ ja̧'a̧, Diosrö esetätörö suronä jȩchi̧na̧'a̧ttö̧.

1 Corintios 11:34

Ya̧tȩ ppäi rö̧jä̧cu̧mä̧, chutä ojusodenä u̧cuȩ ucuäcua'a̧nö̧, Dios ro̧ȩpö̧ juiya pä'ö ucuturu cuppäsähui'ätucuomenä. Koro juäi huȩnȩ ttötä chichomenä, chu̧cuo̧cuä̧cua̧sä̧.