1 Corintios 11:17 - TÄ̧DO Ä̧CUÄ̧ I̧HUȨNȨ

¹⁷ Jitämä pi̧yȩmä̧ chi̧huȩyu̧to̧mȩnä̧, eseunu huȩyu̧to̧cö̧sä̧. Ucutumä ppäsähuipö cucuocuätucuomenä, adiunä jö̧ juiyönä, surojö a̧'cua̧rö̧nä̧ jȩpä̧tö̧jä̧.

Nuevo Testamento Uwotjüja

¹⁷ Pi̧yȩ, yaboku jäwä chi̧wȩyu̧to̧mȩnä̧mä̧, chesewo̧ko̧u̧jä̧; isopäi'ünä̧ ji̧nä̧ ji̧yȩtȩnä̧ ku̧ka̧ka̧kuä̧tu̧kuo̧mȩnä̧mä̧, adiu jȩtta̧jü̧ jueimä̧ yaboku surojuo'ekutä jȩ'kuä̧tu̧kua̧'a̧ttü̧.

1 Corintios 11:17 Referans Kwoze

1 Pedro 2:14

Ja̧'hua̧ta̧nö̧ ru̧hua̧ ippeyä ruhuotö'inä huettö'a̧nö̧ jȩpä̧tu̧cui̧. Jahuätö suronä jȩpä̧tö̧rö̧ ttö̧tä̧bo̧ta̧ pä'ö hue'ähuotö. Ja̧'hua̧ta̧nö̧ adiu jȩpä̧tö̧rö̧ ttesehua pä'ö hue'ähuotö.

Hebreos 10:25

Korotö cultora̧'a̧, Diosrö ttucuocuomecu 'cho̧co̧tö̧ jȩttö̧'a̧nö̧mä̧, jȩtö̧ juiyö'a̧nö̧ ja̧'a̧ ujutumä. Ujutumä, korotö korotönörö juhua'a yabonö adiu ppätädö'a̧nö̧ ja̧'a̧. Iso päi'önä Tu̧ru̧hua̧ ichä̧cuȩ mo̧ro̧ ötö'cöhuächa'a topö, ja̧'hua̧nö̧ jȩtö̧'a̧nö̧ ja̧'a̧.

1 Corintios 14:23

Ja̧'hua̧nö̧ ja̧'a̧ttö̧ ucutumä o'ca toi'önä iglesia ruhuä ca̧ca̧tö̧ cucuocuätucuomenä, ttö̧ja̧ ttieru huȩnȩ ucuocu pä̧nö̧, korotömä, Diosrö esetocotömä, dottächöttömä ucuturu ä̧ju̧cu̧, pättäcuotö a̧'cua̧ra̧'a̧: “Pitömä suripächö ucuocuätö” pättäcuotö.

1 Corintios 11:22

¿Ucutu cu̧cuȩ cuä̧nö̧ cuahuätucua pä'ö jui'ätöjä tä̧ji̧ cuojusode? Ucutumä ja̧'hua̧nö̧ jȩcu̧'ä̧tu̧cuo̧mȩnä̧, Diosrö esetätörö cujö'cätucu jui'ö jȩpä̧tö̧jä̧. Ja̧'hua̧ta̧nö̧ korotö jui'ätörö ttödäpecunä jȩpä̧tö̧jä̧. ¿Tta̧'a̧nö̧ pä'ö jidähua'ajä̧ttö̧ ucuturu? ¿Eseunu jidähua'a̧nö̧ tä̧ji̧? Isocö̧. Ja̧'hua̧nö̧mä̧cö̧.

1 Corintios 14:26

Jitämä chö̧jä̧hua̧tö̧, pa̧'a̧nö̧ jȩä̧cuä̧huä̧nä̧ adihua'a pä'ösä. Ucutumä cuppäsähui'ätucuomenä, korotömä ra̧huä̧huä̧ ra̧'ä̧tö̧, korotömä huo̧juȩcuä̧ huo̧juȩtä̧tö̧, korotömä Dios iyähuä huȩnȩ ji'ähuätö, korotömä ttö̧ja̧ ttieru huȩnȩ ucuocuätö, korotömä ttö̧ja̧ ttieru huȩnȩ ttucuocuäji ji'ähuätö. Ja̧'hua̧nö̧ jȩcu̧'ä̧tu̧cuo̧mȩnä̧, adihua'a iso päi'önä Diosrö esetätö juhua'a yabonö tteseta pä'ö jȩcu̧'ä̧tu̧cu̧ttu̧mä̧.

1 Corintios 11:2

Chö̧jä̧hua̧tö̧, ucuturu eseusä 'cuäopönä ttörö amöcuädö jȩcu̧'ä̧tu̧cuo̧mȩnä̧, ttö jidähuinö huȩnȩ.

1 Corintios 11:34

Ya̧tȩ ppäi rö̧jä̧cu̧mä̧, chutä ojusodenä u̧cuȩ ucuäcua'a̧nö̧, Dios ro̧ȩpö̧ juiya pä'ö ucuturu cuppäsähui'ätucuomenä. Koro juäi huȩnȩ ttötä chichomenä, chu̧cuo̧cuä̧cua̧sä̧.

1 Corintios 11:20

Ja̧'hua̧nö̧ jȩcu̧'ä̧tu̧cuo̧mȩnä̧ i̧mi̧cu̧nä̧ amöcuädä'chö, ucutu cuppäsähui'ätucuomenä Santa Cena jȩcu̧'ä̧tu̧cua̧ pä'ö, Tu̧ru̧hua̧rö̧ pä̧huä̧ rö̧jo̧mȩnä̧ jȩpo̧co̧tö̧jä̧.

Romanos 13:3

Ruhuotö huettö ta'anö jȩpö̧ ka̧cuä̧tö̧mä̧, ye'ecuocotö ruhuotörö. Ja̧'hua̧ta̧nö̧ suronä jȩpä̧tö̧mä̧, ye'ecuätö ruhuotörö. ¿Ucu ru̧hua̧rö̧ yecuäcuähuä juiyönä cu̧ja̧ pä'öjä tä̧ji̧? Adiu jȩpö̧ kä̧hui̧. Ja̧'hua̧nö̧ jȩcu̧'o̧mȩnä̧, ucuru pä̧cua̧ ru̧hua̧ adiu jȩpö̧jä̧ pä'ö.