1 Corintios 10:29 - TÄ̧DO Ä̧CUÄ̧ I̧HUȨNȨ

²⁹ Ja̧'hua̧nö̧ pädomenä, ka̧ra̧ amöcuädötä pä'ösä, ucutä cuamöcuädömäcö̧. Ja̧'hua̧ta̧nö̧, ka̧ra̧ chutä amönä amöcuädö jȩö̧'a̧nö̧, ttö'inä ja̧'hua̧ta̧nö̧ ¿dä̧bö̧ jȩchä̧cua̧'a̧jä̧ttö̧? pä'ö jä̧cu̧huȩ'ä̧cua̧jä̧.

Nuevo Testamento Uwotjüja

²⁹ Ukutu kuamükuädätukumä̧ pä'oküsä, kkorotü tta̧mü̧kuädü pä'üsä. Jua̧u̧nu̧mä̧ ¿Tta̧'a̧nü̧ pä'ü, ttü wȩnȩ juiyünä̧ jȩchü̧mä̧, kka̧ra̧ amükuädomȩnä̧ pä̧ttä̧kua̧ cha'ajä̧ttü̧?

1 Corintios 10:29 Referans Kwoze

1 Corintios 9:19

Ttömä ka̧ra̧ huȩ'ä̧hua̧mä̧cö̧sä̧. Juhuorö'inä o'ca toi'önä Cristorö tteseta pä'ö, huȩ'ä̧hua̧ i̧sa̧ jö̧'a̧nö̧ kö̧sä̧.

2 Corintios 8:21

O'ca juiyönä uhuäunä jȩta̧ pä'ätöjä Tu̧ru̧hua̧ ä'ca jo̧mȩttö̧'i̧nä̧, pi̧jä̧ ttö̧ja̧ ttä'ca jo̧mȩttö̧'i̧nä̧.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

1 Tesalonicenses 5:22

O'ca juiyönä surojöttö rä'opächätucui.

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

1 Corintios 9:1

Ttömä Jesús huȩ'ä̧hua̧sä̧. Ja̧'hua̧nö̧ ja̧'a̧ttö̧ pi̧jä̧ ttöja̧rö̧ ädätocösä. Ttömä Tu̧ru̧hua̧ Jesúsru topinösä. Ja̧'hua̧ta̧nö̧ ucutumä Tu̧ru̧hua̧ hueö jȩcho̧mȩnä̧ esetinätöjä.