1 Corintios 10:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ttu̧mö̧nä̧ adicuä juäi esetäcuähuämä, jaropi'ätucui.

Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, ttü̧ä̧nä̧wo̧tü̧rü̧ ukuokuä'chümä̧ jȩ'kuä̧tu̧kuä̧.

1 Corintios 10:14 Referans Kwoze

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

1 Juan 5:21

Chi̧tti̧mö̧, koro juäinä cua̧'cua̧ cu̧huȩnä̧rä̧tu̧cuä̧'. Amén.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.

2 Corintios 7:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

2 Corintios 6:17

Ja̧'hua̧nö̧ ja̧'a̧ttö̧ Tu̧ru̧hua̧ pä'ö: Jahuätöttö rä'opächö, i̧mi̧cu̧nä̧ 'quȩ'i̧pä̧chä̧tu̧cui̧. Surojömä mȩcu̧huä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu chȩmä̧cua̧sä̧.

Apocalipsis 13:8

O'ca toi'önä pi̧jä̧nä̧ ka̧cuä̧tö̧mä̧, Cordero 'corupä'i'inö u̧ju̧närä̧'tänä, kä̧cuä̧huä̧ i'co cuyäru'tänä, Dios pi̧jä̧ aditinö mo̧ro̧ i̧huȩyu̧ti̧nö̧'tänä tti̧mi̧ jui'ätömä, ja̧u̧ pä̧i̧cua̧ i̧sa̧rö̧ esehuinätö.

Apocalipsis 2:14

Ja̧'hua̧nö̧ ja̧'a̧nä̧ koro huȩnȩtä̧ pä'ösä ucuru. Ju̧huȩnȩmä̧, Pérgamo ötahuiyänä, cu̧'quȩtȩtu̧cu̧nä̧ korotömä Balaam pä'ö mi̧cua̧ u̧huo̧juȩti̧nö̧ huȩnȩ jarotti'a pä'ocotömä ka̧cuä̧tö̧. Ja̧u̧ Balaammä, Balacrö ji'äu Israel ttö̧ja̧rö̧ u̧huo̧juȩta̧ pä'ö koro juäi cuäcuähuä, ttu̧mö̧nä̧ adicuä juäi iyähuämä cuä̧nö̧, suronä jȩtta̧ pä'ö huo̧juȩti̧nö̧do. Ja̧'hua̧ta̧nö̧ u̧mä̧tö̧ nä̧tö̧rö̧ suronä jȩpö̧ ttö̧ja̧cua̧ pä'ö huo̧juȩti̧nö̧do.

1 Corintios 10:7

Ja̧'hua̧nö̧ ja̧'a̧ttö̧ ttu̧mö̧nä̧ adicuä juäimä cuesetätucuä', jahuätöttö yotöte ttesetinö'a̧nö̧mä̧. Huȩyu̧cuä̧ Huȩnȩ päa'a: “Jahuätö ttö̧ja̧ pä̧mä̧dö̧ ttu̧cuȩ cuä̧nö̧'i̧nä̧ ahuinätödo. Juhua'a cä'ädö ä̧rä̧mi̧'i̧nä̧tö̧do fiesta jȩtta̧ pä'ö.”

2 Corintios 11:11

¿Dä̧bö̧ chucuocua'attö ja̧'hua̧nö̧mä̧? ¿Ucuturu repedoca'a chucuocua'a tä̧ji̧? Diostä huo̧jua̧ ucuturu rö̧ȩnä̧ repeda'amä.

Romanos 12:19

Adihuä chö̧jä̧hua̧tö̧, micuä päi'önä jȩcu̧'ä̧tu̧cuä̧', ucuturu suronä jȩpä̧tö̧rö̧. Ja̧'a̧tä̧ topätucui. Tta̧'ä̧rä̧tu̧cui̧ Diostä ro̧ȩpä̧cua̧'a̧nö̧ jitörö. Huȩyu̧cuä̧ Huȩnȩ päa'a: “Ttömä ro̧ȩcuä̧ ru̧hua̧sä̧. Ttötä ro̧dȩpä̧cua̧sä̧, pä'ö Tu̧ru̧hua̧mä̧.”

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

2 Corintios 12:15

O'ca juiyönä chu̧ju̧nä̧rö̧ eseunu chiyäcua'a̧nö̧. Ttötä chamönä cha̧'cua̧rö̧'i̧nä̧ eseunu iyajisä ucuturu cua̧'cua̧ru̧hua̧tu̧cu̧nä̧ ppä'ädö. Juhuorö'inä ttötä pa̧'a̧nö̧ amöcuädösä, ucuturu juhua'a yabonö rö̧ȩnä̧ repeda'anä, ucututä yoyonö jaropi'ätöjä ttörö.

Filemón 1:1

Ttö Pablo, Cristo Jesúsru cheseta'attö cärenä pä̧nö̧, tö̧jä̧hua̧ Timoteocu pi̧yȩ cuyäru huȩyu̧tu̧ hue'ätöjä ucu Filemónrö, ucuru repetäcuru, ujutucu adiu aditörö.

2 Corintios 12:19

Ja̧'hua̧nö̧ tucuocuomenä, ucutu amöcuädätöjä a̧'cua̧ra̧'a̧: “Jahuätö ttamönä jȩtti̧nö̧ adiunä ucuocuätö ujutu tä'ca jo̧mȩttö̧.” Ja̧'hua̧nö̧mä̧cö̧. Pärocua'acu Dios ä'ca jo̧mȩttö̧ ucuocuätöjä Cristo i̧mi̧nä̧. Adihuä chö̧jä̧hua̧tö̧, o'ca juiyönä ucuocu jȩpä̧tö̧jä̧, juhua'a yabonö rö̧ä̧chö̧nä̧ cuesetätucua pä'ö.

Hechos 15:20

—Ji̧yȩä̧cuȩtä̧ ti̧huȩnȩ huȩyu̧tu̧ huetö'a̧nö̧ ja̧'a̧ jahuätörö korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä ttȩmö̧ juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧. Ja̧'hua̧ta̧nö̧ nu̧'ä̧hua̧rö̧'i̧nä̧, a̧'ä̧u̧ru̧'i̧nä̧ ttucu juiyö'a̧nö̧ ja̧'a̧. Isotö ttucuoja'inä ttucu juiyö'a̧nö̧ ja̧'a̧.

1 Corintios 5:11

Ja̧'hua̧nö̧ chi̧huȩyu̧to̧mȩnä̧, ya̧tȩ Cristonä tö̧jä̧hua̧ pättäcuru ja̧'hua̧nö̧ cue'ächöcu, cuecuhuächätucu juiyäcua'a̧nö̧ pä'inösä. Iso päi'önä ya̧tȩ tö̧jä̧hua̧tö̧ ja̧'hua̧nö̧ jȩpö̧mä̧, ka̧ra̧ irecuarö usu, korotö ttu̧ju̧nä̧rö̧ ta'anö u̧ju̧nä̧ra̧ pä'ö'inä, pi̧jä̧ ttu̧mö̧nä̧ adicuä esetö'inä, yapareu ji'äu'inä, tä̧'ä̧mö̧'i̧nä̧, nä̧u̧cu̧'i̧nä̧, ja̧u̧cu̧mä̧ cu̧cuȩ'i̧nä̧ cucuätucuä'.

1 Corintios 10:15

Ttö adiu ä̧ju̧cuä̧tö̧rö̧ jittäu'a̧nö̧, ji'äusä ucuturu. Ucututä adiu ka̧cuä̧mö̧ amöcuädätucui ttö jidäumä.

1 Corintios 10:19

Ttömä pa̧'a̧nö̧ pädomenä, pä'ocösä ttu̧mö̧nä̧ adicuä juäimä micuähua'a pä'ö. Ja̧'hua̧ta̧nö̧ idepä'inä ja̧u̧ juäi esetö ttiyäjimä korottö'inä abonänö adiumä pä'ocösä.

Hebreos 6:9

Ja̧'hua̧nö̧ ja̧'a̧nä̧ adihuä chö̧jä̧huä̧tö̧, ja̧'hua̧nö̧ tucuocuomenä, ucuturu pä'ocotöjä iso päi'önä huo̧juä̧tö̧jä̧ ucutu cuesetätucuomenä, Dios rö̧ȩnä̧ ppädinä̧u̧jä̧.