1 Corintios 10:11 - TÄ̧DO Ä̧CUÄ̧ I̧HUȨNȨ

¹¹ Täbocö ja̧u̧ juäi o'ca juiyönä 'cuäopina'ado ujutu tä̧do̧tö̧ mi̧nä̧rö̧. Ja̧'hua̧ta̧nö̧ Huȩyu̧cuä̧ Huȩnȩ huȩyu̧cua̧'a̧ ujuturu, jitä mo̧ro̧ röji mo̧ro̧ ka̧cuä̧tö̧rö̧, tä̧bo̧tö̧.

Nuevo Testamento Uwotjüja

¹¹ Pi̧yȩmä̧ o'kajuiyünä̧tä̧ tü̧tä̧mü̧mi̧nä̧rü̧mä̧ 'kuäopina̧'a̧, ujutu tu̧wo̧jua̧ pä'ü, ja̧'wa̧ta̧nü̧ wȩyu̧tu̧ rütäwämä̧ pȩja̧'a̧, ujuturu wo̧juȩtü̧, rüjí mo̧ro̧ kka̧kuä̧tü̧rü̧.

1 Corintios 10:11 Referans Kwoze

Romanos 15:4

O'ca juiyönä täbocö Huȩyu̧cuä̧ Huȩnȩ jiäumä, ujuturu huo̧juȩtö̧ huȩyu̧cua̧'a̧, ta̧'cua̧ pö̧nö̧ tö̧ja̧ pä'ö, Dios i̧huȩnȩ ppädäcuähuänä eseunu tta̧tä̧ra̧ pä'ö.

Romanos 13:11

Ja̧'hua̧nö̧ jȩpä̧tu̧cui̧. Amöcuädätucui porächäcuähuometä ja̧'a̧ ttu'udittömä, Jesucristo ujuturu ȩmö̧ ichäcuome tö'cö juoächa'a, tesetinö pä̧nä̧ttö̧'i̧nä̧ abonänö.

1 Juan 2:18

Chi̧tti̧mö̧ huotö, mo̧ro̧ beipächäcuome tö'cöhuächa'a. Ucutu ä̧ju̧cui̧nä̧tö̧jä̧ Cristo a̧bo̧i̧ya̧ i̧chä̧cua̧ pä'ö. Jitä Cristo aboiyotö recuätö ka̧cuä̧tö̧. Jahuätö ttichina'attö, ujutu huo̧juä̧tö̧jä̧ mo̧ro̧ beipächäcuome tö'cöhuächa'a pä'ö.

1 Corintios 9:10

Ujuturutä amöcuädö pä'inödo. Iso päi'önä ujuturu amöcuädö pä'inö ja̧u̧ huȩnȩ. Ya̧tȩ rȩjȩ aditö'inä, ka̧ra̧ ya̧mö̧ di'cö'inä, o'ca juiyönä aditätö jo̧mȩ päi'omenä, tta̧'ä̧rä̧tö̧ ttȩma̧ pä'ö jitötä ttu̧cuȩ.

Filipenses 4:5

Adiu amöcuädö jȩcu̧'ä̧tu̧cua̧ja̧ o'ca toi'önärö. Tu̧ru̧hua̧ ichäcuome tö'cöhuächa'a.

Romanos 4:23

Ja̧u̧ru̧ Dios jȩpi̧nö̧ chutäcu ji̧nä̧ ji̧yȩtȩ i̧sa̧ ja̧ pä'ö huȩyu̧cuä̧mä̧, ya̧tȩrö̧tä̧ Abrahamrötä huȩyu̧cuo̧ca̧'a̧.

Hebreos 10:25

Korotö cultora̧'a̧, Diosrö ttucuocuomecu 'cho̧co̧tö̧ jȩttö̧'a̧nö̧mä̧, jȩtö̧ juiyö'a̧nö̧ ja̧'a̧ ujutumä. Ujutumä, korotö korotönörö juhua'a yabonö adiu ppätädö'a̧nö̧ ja̧'a̧. Iso päi'önä Tu̧ru̧hua̧ ichä̧cuȩ mo̧ro̧ ötö'cöhuächa'a topö, ja̧'hua̧nö̧ jȩtö̧'a̧nö̧ ja̧'a̧.

Hebreos 10:37

Huȩyu̧cuä̧ Huȩnȩ, päa'a: Jurunänö, iso päi'önä jurunänö i̧chä̧cua̧mä̧ i̧chä̧cua̧. Recuo tta̧'ä̧ro̧cö̧.

1 Corintios 7:29

Chö̧jä̧hua̧tö̧, pa̧'a̧nö̧ ji'äusä: Recuome ka̧cuo̧co̧tö̧jä̧ pi̧jä̧nä̧mä̧. Ja̧'hua̧nö̧ ja̧'a̧ttö̧ jitä mo̧ro̧ kä̧mä̧dö̧, ttirecuorö ku̧nä̧rä̧tö̧mä̧, ttirecua toa'a jä̧'i̧nö̧'a̧nö̧, ttö̧ja̧cuä̧tu̧cuä̧cua̧'a̧nö̧.

San Mateo 13:39

Ja̧u̧ surä'cua ku̧ni̧nö̧mä̧, ähuettä pi̧nö̧do. Koro settinömä yodoji röji mo̧ro̧ päi'omenä, jä̧cuȩ päa'a. Ja̧'hua̧ta̧nö̧ se'inätömä ángeles pi̧nä̧tö̧do.

San Mateo 13:40

Ja̧'hua̧ta̧nö̧ surä'cua que'ö icu ocuränä ku tticu'a̧nö̧ jä̧cua̧'a̧ yodoji röji mo̧ro̧ päi'omenä.

Romanos 13:12

Täcö yodo beipächi'a'a. Mo̧ro̧ tö'cöhuächi'a'a pärocuä. Ja̧'hua̧nö̧ ja̧'a̧ttö̧ jaroti'ö'a̧nö̧ ja̧'a̧ yo̧ö̧ jȩä̧cuä̧huä̧mä̧. Ja̧'hua̧ ja̧'a̧ tȩa̧u̧nä̧ tö̧jö̧'a̧nö̧ ja̧'a̧, surojö tto̧ȩpä̧ra̧ pä'ö.

1 Corintios 10:6

Ja̧u̧mä̧ o'ca juiyönä 'cuäopina'ado, ujutu topö suronä amöcuädö jȩtö̧ juiya pä'ö, jahuätö jȩtti̧nö̧'a̧nö̧.

Gálatas 4:24

Pi̧yȩ huȩnȩtö̧ pättö'a̧nö̧ jö̧. Jahuätö nä̧tö̧ ta̧ju̧nä̧mä̧ Diosmä todärenä tti̧huȩyu̧ta̧ pä'ö hueina'a jä̧'i̧nö̧'a̧nö̧ ja̧'a̧. Koromä Agarrö pä'ö päömä Sinaí möä'cattö i̧huȩyu̧ti̧nö̧ pä'ö päa'a. Ja̧u̧ huȩyu̧cuä̧ esetö uhuäpächätömä ttumöhuäyotö tta pä'ö uhuäpächätö.