Yokanatkalune Kamrure 5:39 - Yine: Gerotu Tokanchi Gipiratkaluru

³⁹ Wa Goyakalunu chininipa gi gimkata nikatletanru, gma mukshikikotupa Goyakalu gyagotinri.” Wane rixa gishinikanutletna Kamalye.

Yokanatkalune Kamrure 5:39 Referans Kwoze

Matiyo 16:18

Seyni Gita koxa wane nchinyi, pixni Petroyi, ga wa tye tsru sotlu gogotemta nkamrutanru gapatjetikowaka Gitanu. Gi wa gipnachine gishyatikowaakaako gichkolu gapatjetachine pixka.

Yokanatkalune Kamrure 7:51

“Shikonshinikanurungi. Gixni msajruka gistaakongajgi ga wa gijnakopnaya koxa. Giwekikaluru Kpashiri gyagotgognenata, gitsrukatenniko pixka. Waneko pixka gixa gixa.

1 Korintyone 1:25

Gi rixanu Goyakalu manshinikannumka yine pnute kanshinikanurni. Ga wa Goyakalu gigroklemka yine pnute gichkolni.

Yokanatkalune Kamrure 11:17

Giyagni wa Goyakalu renekinna waleko genekashlu koxa wa wixako pixka, wa Gitsrukaachi Geso Kristo galixachinwu, ¿gi gixachripno gita numkata gimaletletyapmaklu Goyakalu?”

Yokanatkalune Kamrure 9:5

Wane china, “¿Katyi Pixa, Gitsrukaachi?” Wane chinru, “Gitni Geso, wa pixa kojwakanruno.

Yokanatkalune Kamrure 6:10

Gi wa rumkata gaaliretluna rumatkaleya, gi wa Giwekikaluru koxa yanumkakjeru.

Lokasu 21:15

Gi rixanu Gita genektokanutangi ga wa gimatkalewle ma mumkata satkakletanruna, gi koxa rumkata yoptopiiretanruna pejnuruneko gkamnixjene.

Yokanatkalune Kamrure 23:9

Tsru saplechi rixna. Palnana yonchikgapine Gwariseyonesreta gwachine. Yawrotna. Wane chinna, “Gi satuna gektutu wukshikyalu tye jeji. Gikta xani wa giwekikaluru giynumatinri waka Goyakalutowreru.”

1 Korintyone 10:22

¿Wanxakakanruge Gitsrukaachi? ¿Wale pnute muchkonurunrawge wixa?