Yokanatkalune Kamrure 10:38 - Yine: Gerotu Tokanchi Gipiratkaluru

³⁸ Wa Geso, Nasare gajeru, wa Goyakalu Giwekikaluru Kpashiri gipkakyegitanru, ga wa giyaklu koxa. Wa Wale pnumnu yapananumta. Kigleru kamrunanumta: rutuukakna pejnuruneko tsru kamchi kapsakletanune, gi rixanu Waleymalu Goyakalu.

Yokanatkalune Kamrure 10:38 Referans Kwoze

Lokasu 4:18

Gita rawa Gitsrukaachinu Giwekikaluru. Gi rixanu Wale tsomitno Kiglerpotunanu Tokanchi nenekyapna kwamonurune. Wale yokanatno kashikanotkalune yegi nunkakletyaplu gishpakikolupirana. Ga wa maygalene yegi, gimrekgalupirana. Nkoshpakyapna kapsakletkalune.

Yokanatkalune Kamrure 2:22

“Jejine, Gisrayiline gyijnakotanru tye tokanchi: Geso, Nasare gajeru, Walenwa jeji Goyakalu kiglepiranyegiru rixkakanru gixyegiya ruyaklekakaya, ga wa koglajrekakaya, ga wa getkalurkakaya. Tyenwa Goyakalu kamrutanru Waleya gixatskalaya, gimatyawaka koxa gixa.

Kiglerpotunanu Tokanchi Kpashiri Gwa Yonatanru 3:34

Gi rixanu wa Goyakalu yokanatanru, Kristo, Goyakalu tokanu runkakleta. Gi rixanu gi reneklu Goyakalu Giwekikaluru kyagolu.

Gewreyone 1:9

Pushiniklu poyagkaklewlu, ga wa payegixlu mukochri. Giyagni Goyakalu, Poyakalute, giyokgogotyi tsru gimjiklungi pupxalune pnute.

Kiglerpotunanu Tokanchi Kpashiri Gwa Yonatanru 3:2

Tyenwa goyechno yayegitlu Geso. Wane chinru, “Rawi, wumatyi Goyakalu yegi ginyachriyi yimaklewatachri pixinripa. Gi rixanu gike gimkata kamruretlu tyekaka getkaluru wa Pixa kamrutanrukaka waleyma ma mixkanumka Goyakalu.”

Matiyo 12:28

Wa Giwekikaluru Goyakalunu chinanu Gita maleka giknokinna kamchine, galikakni gixyegitkalu Goyakalu pogirewatyawaka.

Lokasu 3:22

Wale yegi Giwekikaluru Kpashiri gijrukatka, kamanemnuru. Motkoko pixka rixmanemta. Waneylu tokanchi tengogneya wane chinachri, “Pixni Noturyi nalukanruyi. Pixa gigletanshinikanutno.”

Kiglerpotunanu Tokanchi Kpashiri Gwa Yonatanru 10:32

Rugitna Geso, “Gixo kigleru kamrurchi nekakgitgi Girchiya. ¿Giru kamrurchi tyekaka chinanu nsotlujetanmakno?”

Kiglerpotunanu Tokanchi Kpashiri Gwa Yonatanru 16:32

Gipapko ginanu, runatka, gitspalkakanu. Satkaka rawyawaka yanu. Gitapje giknokamtanu. Seyni gi Gitapjeni, gi rixanu Gitaymalu Girchi.

1 Gwa 3:8

Wa mukochri kamrutachri Satanasyonni wale. Gi rixanu Satanasyo reyinuwakleyakawa mukochirewata. Wale chinanukni rupgujewnapa Goyakalu Wgene, maleshpotlu rixkakyaplu Satanasyo kamrure.

Kiglerpotunanu Tokanchi Kpashiri Gwa Yonatanru 6:27

Gkamrurewatanu gi wa niikaluru gamgachri chinanu, seyni wa waneyapgi gwagognenatachri giwekinri mnikawnakatupa niikaluru chinanu gkamrurewatanu. Walenwa Gita Yineru Wgenno genekangi. Gi rixanu Girchi, Goyakaluko gimaxikoletno Gita.”

Matiyo 9:35

Papokchimnunanuka yapa Geso, tsru pokchikaka ga wa mtserutu pokchikaka. Runkaklewawaklepjikakna runkaklewananumtya. Runkakletananumtlu Kiglerupotunanu Tokanchi pogirewatyawakapirana. Rutuukakananumtlu pejnuruko yayixlukaka, ga wa pejnuruko gagijewakchi yinyegiya.

1 Petro 5:8

Kanshinikanurunepgi, ga wa giyokachinepgi. Wa gkamnixjerni kamchi gitsrukate, tsru mgenoklu gigritachri pixkalutu yotaljeta. Rujgalu niklokanrupa.

Lokasu 9:42

Ranikiniwalu, kamchi yotkakanru. Shipchojtakakpotutanru. Ga wa Geso chigetjetlu kamchi puchotlewatachri. Rutuukaklu mturu. Ruru renekatkalu.

Matiyo 12:15

Rumatinitka Geso, wane yiyatka. Gixolune yine gomkagimtlu. Pejnuruneko rutuukaka.

Marko 6:6

Ruglajita wa ma malixleyna. Sajrukamta papokchikaka walesreta. Runkaklewata.

Lokasu 9:56

Papokchi yatkana.

Yokanatkalune Kamrure 10:37

Gixa gimatlu tokanchi pogitkaluru psoluko Goteya. Kalile yinuwakya. Wane chininitka katlu wa Gwa runkakletanru.

1 Gwa 2:20

Seyni gixa waneygi giyokyegitikolu Kpashiriya. Ga wa psoluko gimata. Gi wa gma mumatkalchinanru galikakpotunanu tokanchi nyonyegitgi,

Matiyo 9:19

Palnamta Geso. Romkagimtlu yimakleneyma.