Matiyo 10:2 - Yine: Gerotu Tokanchi Gipiratkaluru

² Pamole gepi yokanatanune giwakna walenwa: muchinanu Simo wa Petro chinkaluru, ga wa repuru, Gantirishi, ga wa Santiyako, Sewereyo wgene ga wa repuru Gwa;

Matiyo 10:2 Referans Kwoze

Yokanatkalune Kamrure 1:13

Rapokna. Ratskotna. Tenogruko yana, rawjetyawakna Petro, ga wa Gwa, ga wa Santiyako, ga wa Gantirishi; Wilipi ga wa Tomasu; Wartolo ga wa Matiyo; Santiyako, Galgweyo wgene, ga wa Simo Muchkopiranawatachri, ga wa Gota, Santiyako gepuru.

Matiyo 4:21

Wane yapamtna. Wane retyana pimrine gepi moletkakachine, Sewereyo wgenene: Santiyako ga wa repuru Gwa. Kanawa rawanatna, ruruymana Sewereyo. Ramtanatluna chalnena. Wane tomgiyna.

Kiglerpotunanu Tokanchi Kpashiri Gwa Yonatanru 12:22

Wilipi ginkakaplu Gantirishi. Gantirishi ga wa Wilipi ginkaklu Geso.

Kiglerpotunanu Tokanchi Kpashiri Gwa Yonatanru 6:8

Satu yimakleru Gantirishi, Simo Petro gepuru, wane chinru,

Lokasu 5:10

Waneko pixka rixna Gakowo ga wa Gwa, Sewereyo wgenene, wa Simo gipxaalune. Ga wa Geso wane chinru Simo, “Gi pikanu. Xaniyakawa kyinegaklerpatkayi.”

Matiyo 4:18

Kalile Wennespuwnaga yapanata Geso. Retna gepi moletkakachine: Simo, Petro giwakatletachri, ga wa repuru Gantirishi. Tsru wenu chaluganatna gi rixanu kshimagaklerunni.

Lokasu 11:49

Giyagkoxni rumatkalewleya Goyakalu tokanu wane china, ‘Nyokanyegitanna wanna ntokanu geneklewatachine ga wa nyokanatanune. Pimrinepni ruylatanna. Ga wa pimrinepni kojwakanna.’

Gipgujetkaluru 1:9

Gitni, Gwano, gimolno, ga wa gimumatjerno wa salewakchiya ga wa pogirewatyawa kaya, ga wa kashnantakgognewluya Geso chinanu. Patmoknipreka chinikowaka nwanatini Goyakalu tokanu chinanu ga wa Geso gipgujtatikolu chinanu.

2 Gwa 1:1

Tyenwa wa tsru kirukatni. Tsronupa, tsomitkaluro ga wa twugenenenupa. Wannanwa nushinikanune galikaka. Gi wa gitapjeni seyni koxa pejnuruneko galikakpotunanu tokanchi gimatachine gishinikna,

2 Petro 1:1

Simo Petro kirukate. Walenwa Geso Kristo wayegreru ga wa yokanatanru. Twu kiruka gixa galixachingi chinanupni, gi rixanu Woyakalute ga wa Wognetkakjeru Geso Kristo poyagkaklewle chinanu kiglepotlu wa tokanchi gixa galixanru, wixa galixanru pixkapotuko.

1 Petro 1:1

Petro, Geso Kristo yokanatanru kirukatni. Tsomitkalune, pnu gajene chinanupni, gipalatachine Pontochijneya, Kalasichijneya, Kapatosichijneya, Gasyaya, ga wa Witiniya.

Gewreyone 3:1

Giyagni, nomolene, kpashiringi, patomgakolungi tengogneya, gyanshinikanyegitanru wa yokanatkaluru ga wa sasertotene Gitsrukate potu wupgujtapiranyegitanruya. Walenwa Geso.

Gigwisone 4:11

Waleko genekna pimrine wa yokanatanune rixinripna, ga wa pimrine Wale tokanu geneklewatachine rixinripna, ga wa pimrine Kiglerpotunanu Tokanchi ginkakletachine rixinripna, ga wa pimrine girukotapratachine gapatjetachine yegi rixinripna, ga wa yimaklewatachine rixinripna.

1 Korintyone 15:7

Wanepnute Santiyako getlu. Wanepnute pejnuruneko yokanatkalune getlu.

Yokanatkalune Kamrure 12:2

Gwa yegwakluni Santyakni yoglolewapi ruylajixya.

Yokanatkalune Kamrure 3:1

Petro ga wa Gwa kayinwaka gagjigognepapko kanikna. Kpashiwakapji yana.

Yokanatkalune Kamrure 1:26

Rutakluna gipenoklu wanna chinanu, ga wa rujruka Matiya chinanu gipenoklu. Rutaaka pamole satupjeyma yokanatanune.

Kiglerpotunanu Tokanchi Kpashiri Gwa Yonatanru 21:24

Tyenwa yimakleru gipgujtatachri tyekakapirana. Wale yonatlu tyekakapirana. Wumatlu wa rupgujtalewle galikakpotunanni.

Kiglerpotunanu Tokanchi Kpashiri Gwa Yonatanru 21:20

Ruprotaka Petro. Retlu wa yimakleru wa Geso gishinikanru romkagitjerna, wa rutspanostatkoxjeru nikikowakaya, wa wane chinachri, “Gitsrukaachi, ¿katupni wa psamyokjerupa?”

Kiglerpotunanu Tokanchi Kpashiri Gwa Yonatanru 21:2

Rapatanatna Simo Petro, ga wa Tomasu wa Gepirutu chinkaluru, ga wa Natanayli, Kana gajeru Kalilesreta, ga wa Sewereyo wgenene, ga wa pimrine gepi yimaklene.

Kiglerpotunanu Tokanchi Kpashiri Gwa Yonatanru 20:2

Giyagni tasukamta. Simo Petro yegi tya, ga wa satu yimakleru Geso galukanru. Wane chinna, “Kapna ranikyatkaluna Gitsrukaachini. Gi wumata ginaka rutakanruna.”

Kiglerpotunanu Tokanchi Kpashiri Gwa Yonatanru 13:23

Waneru satu yimakleru Geso gishinikanru, Geso gitspanostatachri.

Lokasu 22:14

Wa gipapko gapokinitka, nikjetikwaka tuplata. Ga wa Waleymana yokanatanune.

Lokasu 22:8

Giyagni Petro ga wa Gwa yokanata. Wane chinna, “Gajewa. Galpokotanru wixanupa wa Tsru Giknoglushgogne wnikanrupa.”

Lokasu 9:10

Ranikna. Rutspalamta wannayma. Papokchi Wetsayta chinikowaka yana, wanna mkoje.

Marko 13:3

Tuplatini wa Goliwa Magkateya kpashiwakapji ginaple, repomgaluna wanna mkoje rixinna, Petro, Santiyako, Gwa, Gantirishi,

Marko 1:29

Wanepnute rushpakamtinitkana ginkaklewawakapjiya, wanna wane yana Simo, Gantirishipji, Santiyakoyma, Gwa koxa.

Matiyo 26:37

Ranikna Petro ga wa gepi Sewereyo wgenene. Yinuwaka wamonuwnaleta. Ga wa kojwakanshinikanutka.

Matiyo 20:20

Giyagni tyayegitlu Sewereyo wgenene ginro twugeneneyma. Tyoptsojityegitlu. Pagixanu tagjitlu.

Matiyo 17:1

Patsrujirgogne giknoginitka, Geso ganikna Petro ga wa Santiyako, ga wa repuru Gwa. Satu magka tenolu ranikna wannapje.

Gipgujetkaluru 22:8

Ga wa gitni Gwano tyekaka jemachrino ga wa getachrino, ga wa njeminitka ga wa netinitka, chiji napoka nyoptsojityegityaplu Goyakalutowrerujixi ginaple, wa tyekaka nekakgitjeru.

Gipgujetkaluru 1:1

Tyenwa Gipgujetkaluru Geso Kristopirana wa Goyakalu genekanru, wayegrene rekakgitinripa pshinitsonu gimkata ginretachrikakapa, rumatkakpirantaplu. Yokanatlu gitowreruya. Wayegreru Gwa yegi yokanatlu.

3 Gwa 1:1

Tyenwa tsru kirukatni. Gishiniikaluru Kayo chinanupa, galikakni nushinikanru.

Gipgujetkaluru 18:20

Gimuwatanu wala chinanu, tengogne gajene ga wa kpashirine, ga wa yokanatkalune, ga wa Goyakalu tokanu geneklewatachine, gi rixanu Goyakalu giklukanuwnayegjixlo gixa chinanu.

Marko 6:30

Yokanatanune rapatjetna Geso yegi. Runkaklewyegitluna ptowruko klunerukta kamrutanrunapirana, wa runkaklewtapinrina.

Kiglerpotunanu Tokanchi Kpashiri Gwa Yonatanru 6:67

Giyagni wane chinna Geso wa pamole gepi, “¿Gi ge galuka yaleta gixa?”

Kiglerpotunanu Tokanchi Kpashiri Gwa Yonatanru 6:70

Geso gigitlu, “¿Gi ge ntsomitgi gixa wa pamole gepirungi? Ga wa gixa satu kamchini.”

Kiglerpotunanu Tokanchi Kpashiri Gwa Yonatanru 6:71

Gota Giskaryote wa Simo wgenepiranni wane china, gi rixanu walepni wa samyokjerupa. Walenwa pamole gepirune rixinrina.