Kiglerpotunanu Tokanchi Kpashiri Gwa Yonatanru 6:71 - Yine: Gerotu Tokanchi Gipiratkaluru

⁷¹ Gota Giskaryote wa Simo wgenepiranni wane china, gi rixanu walepni wa samyokjerupa. Walenwa pamole gepirune rixinrina.

Kiglerpotunanu Tokanchi Kpashiri Gwa Yonatanru 6:71 Referans Kwoze

Gota 1:4

Gi rixanu pimrine yine pochkeruneko yoshmaknawa. Wannanwa muchikawako yonpiranyegitkalunni wa wannanupa tye giklukanuwnayegjixlu. Mupashiregolunni. Goyakalu gimutlewle rupekotluna mpogijpatnuchi. Ga wa satupjerutu tsru potu Girukotlewatachri ga wa Wutsrukate Geso Kristo runutatna.

Yokanatkalune Kamrure 2:23

Walenwa samyookaluru Goyakalu giglepokotyawaka wa rushinikanru, ga wa muchikawako rumatgognenatanru. Wale gixa gixripkakanru ga wa giylatanru wa kmukochirerunemyoya. Koroshishkita gitakjixanru.

Kiglerpotunanu Tokanchi Kpashiri Gwa Yonatanru 13:26

Giyagni rugita Geso, “Waleni Gita genekanrupa psoji gigakachri.” Wale gigaklu psoji. Reneklu Gota Giskaryote, wa Simo wgene.

Matiyo 10:2

Pamole gepi yokanatanune giwakna walenwa: muchinanu Simo wa Petro chinkaluru, ga wa repuru, Gantirishi, ga wa Santiyako, Sewereyo wgene ga wa repuru Gwa;

Matiyo 10:4

Simo Kanani gajeru ga wa Gota Giskaryote samyokjerupa.

Marko 14:10

Gota Giskaryote satu pamole gepi rixinri yayegitna tsrukakalune sasertotene samyokyaplu Geso wanna yegi.

Kiglerpotunanu Tokanchi Kpashiri Gwa Yonatanru 2:2

Chanixka koxa Geso ga wa yimaklene kashimyolu yegi.

Kiglerpotunanu Tokanchi Kpashiri Gwa Yonatanru 6:64

Seyni wanena pimrine gixate wa malixkane.” Gi rixanu Geso gimata yinuwakikoluyakawa ginnaktanwa malixkane, katupni wa samyokjerupa.

Kiglerpotunanu Tokanchi Kpashiri Gwa Yonatanru 6:70

Geso gigitlu, “¿Gi ge ntsomitgi gixa wa pamole gepirungi? Ga wa gixa satu kamchini.”

Kiglerpotunanu Tokanchi Kpashiri Gwa Yonatanru 12:4

Satu yimakleru Gota Giskaryote, Simo wgene, wa samyokjerupa, wane china,

Kiglerpotunanu Tokanchi Kpashiri Gwa Yonatanru 13:2

Rali nachinewletinitkana kamchi gajitletkakatkalu Gota, wa Simo Giskaryote wgene, samyokyapatkalu.

Kiglerpotunanu Tokanchi Kpashiri Gwa Yonatanru 20:24

Wa Tomasu, satu wa pamole gepi rixinrina, wa Gepirutu chinkaluru, gi wannayma wane rawanata wa Geso gapkapini. Giyagni wane chinruna pimrine yimaklene, “Gitsrukaachi wetatka.”