Kiglerpotunanu Tokanchi Kpashiri Gwa Yonatanru 4:42 - Yine: Gerotu Tokanchi Gipiratkaluru

⁴² Wane chinrona suxo, “Gi wa ptokanuya walixatka, gi rixanu wixpotuko jematkalu. Wumata galikakpotunanu rixinri Tyenwa wa tye psolchijne gajeneko gognetkakachripatka.”

Kiglerpotunanu Tokanchi Kpashiri Gwa Yonatanru 4:42 Referans Kwoze

1 Gwa 4:14

Ga wa wixa getlu, ga wa wupgujtatlu Girchi yokanatlu Gituru wa tye psolchijne gajeneko Gognetkakachri rixinripa.

1 Gwa 5:20

Ga wa wumatlu Goyakalu Wgene ginapinri, ga wa renekanshinikantapwu wumatyaplu galikakpotunanu Goyakalu. Ga wa galikakpotunanu Goyakalu gawinri, ga wa Gituru Geso Kristo gawinri, tyenwa galikakpotunanu Goyakalu, ga wa giweklu gike rixiniko mnikawnakatu.

Kiglerpotunanu Tokanchi Kpashiri Gwa Yonatanru 1:29

Waleprikgogne Gwa getlu Geso wale yegi yachri. Wane china, “Getanru Gowega Wgene Goyakalunu, tye psolchijneko gajene konmukochiretachri.

1 Timotiyo 4:10

Gi rixanu tye chinanukni wyaprewata ga wa wyagotlewata, gi rixanu wkagwakyalu Goyakalu giwekachri. Walenwa pejnuruneko yine Gognetkakachri, ga wa galixachine galikakni.

2 Korintyone 5:19

Wane rixa, wa Kristo rawa Goyakalu. Psolchijne gajeneko rupoyikgayegitinri Waleyegiko. Gi rutakyegitna mukochirna. Wixa yegi rutaklu tokanchi gipoyikgayeglewlupirana.

Yokanatkalune Kamrure 4:12

“Gi satuna rawa gognewatikaluru. Gi rixanu maleshlu pagiwaka tengogne rapukote renekikolna yine, wa wale chinanu wumkata gognetletikolupa.”

Kiglerpotunanu Tokanchi Kpashiri Gwa Yonatanru 17:8

Gi rixanu wa tokanchi wa penekyano, nenekatkana. Yoptotatkaluna. Rumatatkaluna galikakpotunanu Pixa yegi nuyakatinri. Ga wa ralixna Pixa yokanatyano.

Kiglerpotunanu Tokanchi Kpashiri Gwa Yonatanru 4:29

“Ginanu. Getapanru satu jeji, wa pejnuruko nixyawaka nchinjeru. ¿Kristo getkokatkanwa Wale?”

Lokasu 2:32

Pokamlatachripni payinyegiya gipgujewnakakachripa. Ga wa payinerutene Gisrayiline yochigyegitachripni.”

Kiglerpotunanu Tokanchi Kpashiri Gwa Yonatanru 11:17

Giyagni rapokinitka Geso, rumatatkalu gepkoxamkojgognetkani kapnatikolutka.

Matiyo 1:21

Tushpakawgenetanu toturu. Geso pgiwakatanru. Gi rixanu Wale gognetkakanna rayinerutene mukochireyna.”

Kiglerpotunanu Tokanchi Kpashiri Gwa Yonatanru 4:41

Gixo wanepnute galixa Geso tokanuya.

Yokanatkalune Kamrure 5:31

Wale Goyakalu potuklesretate tsru potu rutakanru Gitsrukaachi rixinripa ga wa Gognetkaklewatachri, renshinikankakyapna Gisrayiline kaspukamukochiretikolupna.

Yokanatkalune Kamrure 13:23

“Rupiratyawakpotuko waleklopishaneya Goyakalu gipgujewnakaklu Geso, Gisrayiline Gognetkakachritka.

1 Gwa 2:2

Walenwa wmukochire gipekole. Gi wa wixanupjeni seyni koxa psolchijne gajenenni.