Kiglerpotunanu Tokanchi Kpashiri Gwa Yonatanru 21:19 - Yine: Gerotu Tokanchi Gipiratkaluru

¹⁹ Tyenwa china rumatkakyaplu gi pixkalutu gipukchi chinanu rumalwutikolupa Goyakalu. Wane chininitka wane chinru, “Pomkagitanno.”

Kiglerpotunanu Tokanchi Kpashiri Gwa Yonatanru 21:19 Referans Kwoze

2 Petro 1:14

Numatlu wa pshinitsonu ruknokikolupa nomane wa Wutsrukate Geso Kristo chinyawakno.

Kiglerpotunanu Tokanchi Kpashiri Gwa Yonatanru 21:22

Wane chinru Geso, “Nalukiniplu rutukanu wale nuninpotunanuko, ¿gi pixanru pixa? Pomkagitanno pixa.”

Matiyo 10:38

Girukta gi gwanro koroshiteshkita, gi rawgajxigitanno, gi rumukluno Gita.

Wilipone 1:20

Nalukyawakpotuko ga wa nkagwakanshinikanutyawakpotuko, wa gikena nupatewatanu, gi wa popiklerukno wa psolgogneko pixka ga wa xani koxa. Wane nixa wa Kristo tsru potu rixinripa nomaneya, ga wa nuwekinriyapa ga wa nupninriyapa.

Kiglerpotunanu Tokanchi Kpashiri Gwa Yonatanru 12:33

Wane china rumatkakyapna gi pixkalutu gipukchi rupninripa.

Kiglerpotunanu Tokanchi Kpashiri Gwa Yonatanru 18:32

Wane rixa wa poyagkakikolupa Geso wane chinre, wa rumatkakyana gi pixkalutu gipukchi rupninripa.

Kiglerpotunanu Tokanchi Kpashiri Gwa Yonatanru 12:26

Satu kamrurewyegitinno, romkagitanno. Ginakpaktano, wane koxa rawanu nkamrurewyegitjeru. Satu kamrurewyegitinno, Nuru gitakanru kagwakpiratikolupa.

Matiyo 19:28

Geso wane chinna, “Galikaka wane nchina, wa ptowruko gerotewatinipa, wa noyaknu ntuplapijere ntuplatini Gita Yineru Wgenno, waneklu gixa koxa wa nomkagitjengi pamole gepi tuplapije, pguru tuplapijerkaka, ntuplatanu. Pamole gepinerune Gisrayiline gitakyagokanu gixa.

Matiyo 8:22

Geso wane chinru, “Pomkagitanno. Petashatanna gipnachine kapnaletanna wannanunekni gipnachine.”

Kiglerpotunanu Tokanchi Kpashiri Gwa Yonatanru 21:18

Galikakni, galikakni wane nchinyi wa makluji pixini pushrikapchijitnawa. Palukyawaka pya. Wa tsrutsoleji pixini pkanrakanu. Satu gishrikapchijitanyi. Ranikanyi pma maluka yaletyawakanu.”