Kiglerpotunanu Tokanchi Kpashiri Gwa Yonatanru 19:15 - Yine: Gerotu Tokanchi Gipiratkaluru

¹⁵ Giyagni wanna saplewata, “¡Puxriikakanru! ¡Puxriikakanru! ¡Koroshishkita putakaganru!” Wane chinna Pilato, “¿Wa koroshishkita nutakanru mpogire?” Rugitluna tsrukakalune sasertotene, “Maleshaywu wpogire. Susapjeni.”

Kiglerpotunanu Tokanchi Kpashiri Gwa Yonatanru 19:15 Referans Kwoze

Lokasu 23:18

Ga wa pejnuruneko gixolune yine pasaplewatkalunni wane chinna, “Puxriikakanru wa Tye. Ga wa Warawasu pkaspukinwu.”

Yokanatkalune Kamrure 22:22

Yijnakotluna wale tokanchi chininpotunanuko. Waneklu saplewpotutna. Wane chinna, “Tye chiji gkoninri wane gixachri. Gi rumkata giwekleta.”

Yokanatkalune Kamrure 21:36

Gi rixanu gixolune gwagajxigitna. Saplewananumtna, “¡Puylaganru!”

Kiglerpotunanu Tokanchi Kpashiri Gwa Yonatanru 19:6

Giyagni retinitkaluna tsrukakalune sasertotene ga wa towrechine, saplewatna. Wane chinna, “¡Koroshishkita putakaganru! ¡Koroshishkita putakaganru!” Pilato wane chinna, “Gixako ganikanutkalu. Koroshishkita gitakanru. Gi rixanu gita gi gikshikyalu wa ruklukanuwninri.”

Kiglerpotunanu Tokanchi Kpashiri Gwa Yonatanru 18:31

Giyagni Pilato wane chinna, “Ganikanru gixa. Giklukanuwnayegjixanru Tokanchi Yokanatkaluru gixanu chinyawaka.” Wane chinruna Goteyone, “Ginanshichkaluru wuylatyaplu satu.”

Matiyo 22:17

Giyagni punkakanwu. ¿Gi pixka getle pixlu Pixa? ¿Wa munanshichkotnige Goteyone genekyaplu wenrukaka wa Pogirchi Susa waka gike?”

Yokanatkalune Kamrure 13:28

Gi rukshika giklukanuwnaletluna rupninripa, seyni Pilato ragjitna ruylatikolupa.