Kiglerpotunanu Tokanchi Kpashiri Gwa Yonatanru 15:10 - Yine: Gerotu Tokanchi Gipiratkaluru

¹⁰ Gkamrutiniplu nyokanrekaka nushiniklewle gomkagita. Gita pixka Nuru yokanrekaka nkamruta ga wa rushiniklewle nomkagita.

Kiglerpotunanu Tokanchi Kpashiri Gwa Yonatanru 15:10 Referans Kwoze

Kiglerpotunanu Tokanchi Kpashiri Gwa Yonatanru 14:15

“Gishinikinipno gkamrutanru nyokanatanrukaka.

1 Gwa 5:3

Gi rixanu tyenwa Goyakalu gishinikikolu, wa wkamruretyaplu yokanrekaka. Ga wa Wale yokanrekaka gi wa kojwaklewatachrini.

1 Gwa 2:5

Ga wa girukokta gimretatokanutinri, wale galikakni, gishiniklewatachri potu rixkaklu Goyakalu. Tye wkamrutini wumatlu Goyakalu gawinri.

2 Petro 2:21

Gi rixanu kiglemkalu wanna chinanu ma mumatkanumkaluna poyagkaklewlugapo, wanepnute rumatinmakluna ga wa satokyegitinmakluna kpashiri yokanrukaka, wa wanna geneekaluru.

Kiglerpotunanu Tokanchi Kpashiri Gwa Yonatanru 8:29

Gitaymalu wa nyokanatjeru. Gi rutspaltapyano Gitapje nixinri Girchi. Gi rixanu Gita kamrujetlu rugleretjetyawaka.”

Kiglerpotunanu Tokanchi Kpashiri Gwa Yonatanru 4:34

Wane chinna Geso, “Nnijitni wa nkamrutanru nyokanatjeru gishinikanru, ga wa nnikatyaplu kamrure.

1 Tesalonikane 4:1

Giyagni wanepnute, nomolene, wagjitgi ga wa wuykotgi Gitsrukaachi Gesoya, wa wane gixa giykotikowaka wixaya gi gixpoko gimkata yanretanu wa Goyakalu gigleretyawaka, wana gixa yanretanu wa pnute gixa tseruwnaletinripa.

Kiglerpotunanu Tokanchi Kpashiri Gwa Yonatanru 17:4

Gita chinanu pumalwutikolutka tyechijneya. Nnikatatkalu kamrurchi penekyano nkamrutyaplu.

Kiglerpotunanu Tokanchi Kpashiri Gwa Yonatanru 14:31

Seyni rumatinripna tyechijne gajene Girchi nushinikinri, ga wa Girchi yokanatyawakno wane nixa kamrureta. “Ntunwatanu. Gewi gayinitka.

Kiglerpotunanu Tokanchi Kpashiri Gwa Yonatanru 12:49

Gi rixanu gi wa Gitako nushinikanu nunkaklewata, seyni wa nyokanatjeru Girchi, Wale yokanatno wane nchinyawakapa, ga wa nunkakletanrupa.

Gipgujetkaluru 22:14

“Giglenshinikanyegitkalunni gerkamkatnachinwa, rutakikolupna giweklu gagmunate chinanu, ga wa pokchi gipgyaptote jiglokinripna.

Kiglerpotunanu Tokanchi Kpashiri Gwa Yonatanru 14:21

Nyokanrekaka waneyalutu, ga wa wale kamrutachri, walenwa nushinikjeru. Nushinikjeru Nuru gishinikanrupa. Gita gishinikanru. Nupgujetinwa wale yegi.”

1 Korintyone 7:19

Gike rixa sajruka gistaknuchi. Gike rixa msajruka gistaknuchi, seyni Goyakalu yokanatanru kamrutikolupa galikaka.

Gewreyone 7:26

Gi rixanu tye pixkalutu rumkata gixleta sasertote gitsrukate potu wixanupa: kpashiri, muklukanuwnakatu, powralu, kmukochirerune kotspalatikaluru, ga wa tengogne pnute teno gajeru potu.

Kiglerpotunanu Tokanchi Kpashiri Gwa Yonatanru 8:55

Gixa gi gimatlu, ga wa Gita gimatlu. Gi numatlu, nchinanmaka Gita, gixa pixkamka nixanu kayroklerupmakno. Seyni numatlu. Numretatokanutlu.

Kiglerpotunanu Tokanchi Kpashiri Gwa Yonatanru 10:18

Gike konanno nuwekinri, seyni Gitako gitaklu Gitanuko. Nutaaka nutakyaplu. Nutaaka numepe yoptoletyapatnaklu. Wane rixa yokanretno Nuru.”

Kiglerpotunanu Tokanchi Kpashiri Gwa Yonatanru 14:23

Geso gigitlu. Wane chinru, “Girukokta gishinikinipno rumretatokanutanno. Nuru gishinikanru wale. Wale yegi gayanu. Wale yineru yegi gawgognenatanu.

1 Gwa 2:3

Wa tye chinanu wumatlu wa wumatanru Wale, wkamrutyokanretinri.

1 Gwa 2:6

Wa wane chinachri Wale rawinri, wa Wale gixa yanretyawaka pixka rumkata gixa yanreretanu.