Kiglerpotunanu Tokanchi Kpashiri Gwa Yonatanru 14:21 - Yine: Gerotu Tokanchi Gipiratkaluru

²¹ Nyokanrekaka waneyalutu, ga wa wale kamrutachri, walenwa nushinikjeru. Nushinikjeru Nuru gishinikanrupa. Gita gishinikanru. Nupgujetinwa wale yegi.”

Kiglerpotunanu Tokanchi Kpashiri Gwa Yonatanru 14:21 Referans Kwoze

Kiglerpotunanu Tokanchi Kpashiri Gwa Yonatanru 14:15

“Gishinikinipno gkamrutanru nyokanatanrukaka.

1 Gwa 5:3

Gi rixanu tyenwa Goyakalu gishinikikolu, wa wkamruretyaplu yokanrekaka. Ga wa Wale yokanrekaka gi wa kojwaklewatachrini.

1 Gwa 2:5

Ga wa girukokta gimretatokanutinri, wale galikakni, gishiniklewatachri potu rixkaklu Goyakalu. Tye wkamrutini wumatlu Goyakalu gawinri.

2 Gwa 1:6

Ga wa tyenwa gishiniklewlu, wa wkamrujetanru Goyakalu yokanrekaka gixyawakpotuko. Tyenwa Goyakalu yokanre wa yinuwakikoluyakawa gixa jemletyawaka. Waneko pixka gkamrutanu.

Kiglerpotunanu Tokanchi Kpashiri Gwa Yonatanru 16:27

Gi rixanu Girchiko galukgi gi rixanu gixa galukno, ga wa galixno Goyakalu yegi nuyakatya.

Lokasu 11:28

Wale wane china, “Wanna galikakni giglenshinikanyegitkalune wa Goyakalu tokanu yijnakotachine ga wa kamrutachine.”

Kiglerpotunanu Tokanchi Kpashiri Gwa Yonatanru 15:14

Gixni wa numatanungi wa gkamrutinri nyokanatyagi.

Gipgujetkaluru 3:20

Gita gipgyapto nwa. Nuylaylagipgyaptoteta. Satu jeminri ntokanu ga wa kotpukgipgyaptotetini, njiglokyegitanru wale. Nnikanu waleyma ga wa wale Gitayma.

Gipgujetkaluru 22:14

“Giglenshinikanyegitkalunni gerkamkatnachinwa, rutakikolupna giweklu gagmunate chinanu, ga wa pokchi gipgyaptote jiglokinripna.

2 Korintyone 4:6

Gi rixanu Goyakalu wa wane chinachri, “Pokamlalu mapshagawaka gatajiwnini,” Walenwa gatajitlu waji, pokamlawyegityapwu rumatikolu Goyakalu goyaknu wa Kristogojiya.

Gipgujetkaluru 2:17

Wa kajnakopnalu yijnakotanru wa Giwekikaluru chinyawakna wa gapatjetachinkaka. Gaalirewatachri neneka nikletanru mana yogimatkaluru. Ga wa nenekanru klatsotlejirpotu, ga wa sotluji yonatkaluru gerotu giwakchi satuna mumatanutu. Seyni yoptotachripjepa gimatanru.

Kiglerpotunanu Tokanchi Kpashiri Gwa Yonatanru 17:23

Wanna nwinri Gita ga wa Pixa Gita pwinri, satupjerune rixpotutinripna, wa tye psolchiijneko gajene gimatinripa Pixa yokanatyano, ga wa pushinikyana Gita pushinikiniko pixka.

1 Gwa 3:1

¡Gi pagishiniklewlenanukta rixwu Girchi, wa Goyakalu wgenene wchinikolu! Ga wa wane wixa. Wale chinanu tyechijne gajene gi gimatwu gi rixanu gi rumatluna Wale.

2 Tesalonikane 2:16

Waleko Wutsrukate Geso Kristo ga wa Goyakalu Wuru wa wushinikjeru, ga wa gimnanuklu gike rixiniko mnikawnakatu wenekjeru, ga wa kigle kagwaklu wenekjeru rumutlewleya,

Kiglerpotunanu Tokanchi Kpashiri Gwa Yonatanru 16:14

Wale chinanu numalwutikolupa, gi rixanu Gitanu rawanu. Walepirana runkakangi.

Kiglerpotunanu Tokanchi Kpashiri Gwa Yonatanru 14:18

“Gi wa murungi nuknokamtanu. Nyayegitangi.

2 Timotiyo 4:22

Gitsrukaachi pixaymapa. Gimutkalunepgi.

2 Korintyone 3:18

Pejnurunekwu wixa wa mushyagojitkanwu wetlu Gitsrukaachi goyaknu. Ganigapi pixka wixa getletyalu. Kashrijetananumtkalunwu Waleko yaglu wixinri pogirewlukakananumnu. Waneko pixka wixka wa Giwekikaluru chinanu Gitsrukaachinu.

Yokanatkalune Kamrure 22:18

Netlu wane nchinjeru, ‘Pshiretanu. Giyampotu pyanutka Gerosaleya. Gi rixanu wanna gi yopto gipgujtaletanyi Gitaya.’

2 Korintyone 12:8

Wale chinanu mapa kata nagjitlu Gitsrukaachi gita yegi ruxrikakyaplu.