Kiglerpotunanu Tokanchi Kpashiri Gwa Yonatanru 14:20 - Yine: Gerotu Tokanchi Gipiratkaluru

²⁰ Walegogne gimatanu wa Girchi nwinri, ga wa Gita gwa gixa, ga wa gixa nwa Gita.

Kiglerpotunanu Tokanchi Kpashiri Gwa Yonatanru 14:20 Referans Kwoze

Kiglerpotunanu Tokanchi Kpashiri Gwa Yonatanru 17:26

Gita gimatkakna pgiwaka, ga wa numatkakanna, wa gishiniklewlu wa pushinikyano wanna rawinripa, ga wa wanna nwinripa.”

Kalatane 2:20

Giyagni gi wa gita giwekatka, seyni gita ruwekyatka Kristo. Ga wa xawakni nomaneya nuwekinritka, Goyakalu Wgene galixikolu chinanu nuweka. Walenwa nushinikjeru. Walenanuko geneknawa gita chinanu.

1 Gwa 4:12

Gi pagogneko gi satuna getlu Goyakalu. Wa wushiniikakini, Goyakalu gwawu ga wa rushiniikakpotutwu.

Kiglerpotunanu Tokanchi Kpashiri Gwa Yonatanru 14:10

¿Gi ge palixno wa Gita Girchi nwinri, ga wa Girchi Gita rawa? Wa tokanchi nunkakyagi, gi wa Gitako nonshinikanu wane nchina. Seyni wa Girchi Gita gwachri Wale kamrutlu wa kamrurchikaka.

Romanone 8:1

Giyagni maleshpotutkalu ruklukanuwninritkana wa Kristo Geso gwachinetka, wa galixachinetka.

Kiglerpotunanu Tokanchi Kpashiri Gwa Yonatanru 10:38

Wa nkamrutinri, gimka galixanno Gita, galixanru kamrurchi, gimatyapatkalu, gimatgognenatinripa wa Girchi gwano Gita, ga wa Gita Girchi nwa.”

2 Korintyone 13:5

Getjetinwa gixnanuko gikta kalixaklerungi. Gimata getanshinikanutinwa. ¿Gi ge gimata gixa wa gixa rawinri wa Geso Kristo, galikakmigjengi gma mixinitipa?

Kolosane 1:27

Wanna kpashirine, panenetskala gwiyachine, raluka gimatkakleta Goyakalu wa giyogimanatkaluru ponikolewlepiranaya. Tye kgoyaknuru ponikolewlunwa Kristo, gixa gitokote gwachri. Walenwa goyaknu kagwakikolu.

Kiglerpotunanu Tokanchi Kpashiri Gwa Yonatanru 16:26

Walegogne gixa gagjitanu ngiwakaya. Gi wane nchingi Gita gagjitanru Girchi gixa chinanupa.

Kolosane 2:9

Gi rixanu Kristomane rawa psolpotuko Goyakalpoga mmagatikatu.

Kolosane 1:19

Gi rixanu Goyakalu gigleretyawaka Kristo rawinripa psolpotunanuyako.

Kiglerpotunanu Tokanchi Kpashiri Gwa Yonatanru 6:56

Wa nnikgitutjeru, ga wa nuragragatjeru Gita rawa. Wale Gita gwa.

2 Korintyone 5:17

Giyagni wa Kristo gwachritka, walenwa gerotu giyakotkalurutka. Ruknogashamtatka kapokotu. Giyagni gerotutkani.

Kiglerpotunanu Tokanchi Kpashiri Gwa Yonatanru 17:11

Gi wa tyechijnetkano, ga wa wanna tyechijne gwawa. Pixa yegi nyanu Gita. Nuru kpashiri, pgiwakaya pumretanna wa penekyano, satupjerune rixinripna, Wixa pixka.

Kiglerpotunanu Tokanchi Kpashiri Gwa Yonatanru 16:23

Walegognepa gike gagjitanno gixa. Galikakni, galikakni wane nchingi, klunerukokta gagjitanru Girchi ngiwakaya Wale genekangi.

Gigwisone 2:10

Gi rixanu wixni wa Goyakalu kamrure. Kristo Gesoya giyakotkalurunwu wa kigleru kamrurchikaka wkamrutinripa. Wa Goyakalu galpokognaputanrutka tyekaka wuyaninripa.

1 Korintyone 1:30

Wale giyakatya gixa Kristo Gesoya. Walenwa wixa gimatkalewle Goyakaluya, ga wa wixa poyagkaklewle, ga wa Walenwa kpashiri wixikolu ga wa Walenwa wkoshpakjixikolu,

Kiglerpotunanu Tokanchi Kpashiri Gwa Yonatanru 17:7

Xawakni rumatatkaluna pejnurkakako penekyano Pixa ruyakatya.

2 Korintyone 12:2

Numatlu satu jeji Kristonu. Pamole gepkoxamkoje walaputkani gishatkapkalurutkani. Mapa chininri tengogne raniika walekta. Manchi rawinri gi numata ga wa manchi mwakatu gi numata. Goyakalu gimata.

2 Korintyone 5:19

Wane rixa, wa Kristo rawa Goyakalu. Psolchijne gajeneko rupoyikgayegitinri Waleyegiko. Gi rutakyegitna mukochirna. Wixa yegi rutaklu tokanchi gipoyikgayeglewlupirana.

Romanone 16:7

Galukanna Ganroniko ga wa Gonya, nomolene, gitayma gostujenatkalune gimatkalune potu yokanatanune yegi. Wanna koxa muchi gwayegletachine Kristo gitaya.

Kiglerpotunanu Tokanchi Kpashiri Gwa Yonatanru 14:11

Galixanno Girchi nwinri, ga wa Girchi Gita rawa. Gma wane gixkanupa, galixanno kamrurchiyako.