Kiglerpotunanu Tokanchi Kpashiri Gwa Yonatanru 1:45 - Yine: Gerotu Tokanchi Gipiratkaluru

⁴⁵ Wilipi gikshiklu Natanayli. Wane chinru, “Wukshikatkalu Moysisi yonyegitanru Tokanchi Yokanatkaluruya, ga wa tokanchi geneklewatachine koxa yonyegitanru. Gesni, wa Gosi wgene, Nasare Gajeru.”

Kiglerpotunanu Tokanchi Kpashiri Gwa Yonatanru 1:45 Referans Kwoze

Lokasu 24:27

Moysisi kirukate yinuwakya ga wa pejnuruneko tokanchi geneklewatachine kirukate, yokakyegitna pejnuruko yonpiranyegitkalurni Wale.

Matiyo 2:23

Wane yatka. Pokchi rawatka, Nasare chinkaluru, poyagkakikolupa tokanchi geneklewatachri tokanu: Nasare gajeru chinikolupa.

Lokasu 24:44

Ga wa Wale wane chinna, “Tyenwa ntokanu nunkakyagi wa gixa yegi nwanatiniwa. Wa rumkata poyagkaakota pejnurkakako Gitapirana yonatkaluru, wa Moysisi Tokanu Yokanatkaluruya, ga wa Goyakalu tokanu geneklewatachine kirukateya, ga wa Shikalchi kirukateya.”

Lokasu 4:22

Pejnuruneko pogitlu. Ruglajyegitluna rumutlewle tokanuya, wa yanumatinri. Wanna wane china, “¿Gi ge Gosi wgenekni wa Tye?”

Kiglerpotunanu Tokanchi Kpashiri Gwa Yonatanru 18:7

Giyagni rumepe gepomgaletatnakna, “¿Katu gijga?” Wanna wane china, “Geso Nasare gajeru.”

Marko 6:3

¿Gi ge kyosokoklerukni tye, wa Mariya wgene, wanna Gosi, wa Gota, Simo wanna yegwaklu? ¿Gi wa gewna wixayma repurone?” Wale rutspenshinikanutyana.

Matiyo 21:11

Ga wa gixolune wane china, “Tyenwa Geso, Nasare Kalilesreta giyakatyachri, tokanchi geneklewatachri.”

Yokanatkalune Kamrure 22:8

“Giyagni gita gigita, ‘¿Katyi Pixa, Gitsrukaachi?’ “Wane chinno, ‘Gitni Geso, Nasare gajeru, pixa kojwakanruno.’

Yokanatkalune Kamrure 10:38

Wa Geso, Nasare gajeru, wa Goyakalu Giwekikaluru Kpashiri gipkakyegitanru, ga wa giyaklu koxa. Wa Wale pnumnu yapananumta. Kigleru kamrunanumta: rutuukakna pejnuruneko tsru kamchi kapsakletanune, gi rixanu Waleymalu Goyakalu.

Kiglerpotunanu Tokanchi Kpashiri Gwa Yonatanru 21:2

Rapatanatna Simo Petro, ga wa Tomasu wa Gepirutu chinkaluru, ga wa Natanayli, Kana gajeru Kalilesreta, ga wa Sewereyo wgenene, ga wa pimrine gepi yimaklene.

Lokasu 2:4

Giyagni Kalilchijne gajeru pokchi Nasare yiyatka Gosi. Gotchijne kanika. Tawi pokchi ya Wele chinikowaka. Tawiklopishni wale. Tawnineru.

Marko 14:67

Wa tetinri wa Petro rolkanatini, tyopukgatlu. Wane china, “Pixni Waleymalutyi, Geso Nasare gajeru.”

Matiyo 13:55

¿Gi ge kyosokokleru wgenekni wa Tye? ¿Gi ge Mariya chinkalurokni wa runro? ¿Ga wa repurune Santiyako ga wa Gosi, ga wa Simo, ga wa Gota chinkalune?

Yokanatkalune Kamrure 26:9

“Giyagni gita galikaka gishinikanuwtapa numkata kamrureta gixo nkamnixyaplu giwaka Nasare Gajeru Geso.

Yokanatkalune Kamrure 3:6

Petro wane china, “Maleshayno sroschi, gi wa koriko. Seyni satu waneyno. Wale nenekyi. Geso Kristo Nasare gajeru giwakaya, palnanu. Pyananu.”

Yokanatkalune Kamrure 2:22

“Jejine, Gisrayiline gyijnakotanru tye tokanchi: Geso, Nasare gajeru, Walenwa jeji Goyakalu kiglepiranyegiru rixkakanru gixyegiya ruyaklekakaya, ga wa koglajrekakaya, ga wa getkalurkakaya. Tyenwa Goyakalu kamrutanru Waleya gixatskalaya, gimatyawaka koxa gixa.

Kiglerpotunanu Tokanchi Kpashiri Gwa Yonatanru 19:19

Yonatkoxlu Pilato jigyegitikolupirana. Koroshishkitaptostsi rutaklu. Wane chinyongata: Geso, Nasare Gajeru, Goteyone Pogire.

Kiglerpotunanu Tokanchi Kpashiri Gwa Yonatanru 18:5

Rugitluna, “Geso, Nasare gajeru.” Wane chinna Wale, “Gitni.” Wannaymakoxlu Gota samyokjeru.

Kiglerpotunanu Tokanchi Kpashiri Gwa Yonatanru 6:42

Wane chinna, “¿Gi ge Gesokni wa tye, wa Gosi wgene, wa ruru, ga wa runro wumatna? ¿Gi rixkoxge wane china wa Tye, ‘Tengogne gijrukyachrino?’ ”

Lokasu 3:23

Waleko Geso mapamole walapustsitka. Gosi wgene kagwakikaluru.

Matiyo 10:3

Wilipi ga wa Wartolo, Tomasu ga wa Matiyo gijgawenutachri, Santiyako, Galgweyo wgene, ga wa Tateyo.

Lokasu 2:48

Wa retinitkaluna, ruglajitna. Runro wane chinru, “Noturu, ¿klu chinanu wane pixwu? Gi rixanu, gita ga wa puru gijgayi. Kachingajpotwu.”

Kiglerpotunanu Tokanchi Kpashiri Gwa Yonatanru 1:44

Wetsayta Pokchi gajerni Wilipi. Walenwa Gantirishi ga wa Petro pokchi.

Kiglerpotunanu Tokanchi Kpashiri Gwa Yonatanru 6:5

Giyagni tunogiygaleta Geso. Retna gixolune yine ginyegityawaklu. Geso wane chinru Wilipi, “¿Ginaka wagjitapinro jimapro wa nikinripna wanna?”

Kiglerpotunanu Tokanchi Kpashiri Gwa Yonatanru 6:7

Wilipi gigitlu, “Gepi pacha wenroluto jimapro gi poyagotanu satkaka ptsotsotajkaka yoptotinripna.”

Kiglerpotunanu Tokanchi Kpashiri Gwa Yonatanru 12:21

Giyagni wa nyi gapyegitlu Wilipi, Wetsayta, Kalilesreta gajerunanu. Ragjitluna. Wane chinruna, “Wumole, waluka getletlu Geso.”

Kiglerpotunanu Tokanchi Kpashiri Gwa Yonatanru 14:8

Wilipi wane chinru, “Gitsrukaachi, pekakgitanwu wa Girchi. Poyagota wixa chinanu.”

Lokasu 18:37

Runkakluna wa Geso Nasare Gajeru giknogamta.