Kiglerpotunanu Tokanchi Kpashiri Gwa Yonatanru 1:1 - Yine: Gerotu Tokanchi Gipiratkaluru

¹ Yinuwakikolu wane rawa Tokanchi. Ga wa Tokanchi Goyakaluymananru. Ga wa Tokanchinwa Goyakalu.

Kiglerpotunanu Tokanchi Kpashiri Gwa Yonatanru 1:1 Referans Kwoze

Kiglerpotunanu Tokanchi Kpashiri Gwa Yonatanru 17:5

Ga wa xani, Nuru, penekanno noyaknu, wa Pixastsi nwini noyaknunanu tye psolchijneko mawanatkanuwa.

Gipgujetkaluru 19:13

Ga wa mkachri granchi yoshmookaluru gitakachrini. Ga wa giwaka wane chinka Goyakalu Tokanu.

Kolosane 1:17

Ga wa Walenwa muchikawluru potu pejnurkakako pnute. Ga wa Wale chinanukni wane rixa pejnurkakako.

Kiglerpotunanu Tokanchi Kpashiri Gwa Yonatanru 1:14

Tokanchiko manewata. Wixatskala rawanatapa. Wetlu royaknu. Girchi satupjerutu Gituru goyaknu waneylu. Kgimutlewaklerpotni. Galikakpotni.

Gipgujetkaluru 22:13

Gitni wa muchinanu yongano ga wa ralipre yongano, wa muchichachrino ga wa ralipreno, ga wa yinuwakachrino ga wa yoptukyawakno.

Kiglerpotunanu Tokanchi Kpashiri Gwa Yonatanru 1:2

Yinuwakikolu Tyenwa Goyakaluyma.

Gipgujetkaluru 1:8

“Gitni wa muchinanu gwachri yongano ga wa ralipre yongano.” Wane china wa Gitsrukaachi Goyakalu, wa wanerutu, ga wa muchikawluru, ga wa ginachripa, pejnuruko Girukotachri.

Wilipone 2:6

Walenwa Goyakalu gixyawakpotuko rixinri, gi wa rushinika gitakletnawa wa Goyakalu pixka rixinripa.

Matiyo 1:23

Waneplo sato makloji mapnokatowa kamshiropni. Toturu tushpakawgenetanu. Rutakgiwakatanruna Gemanwuru. Walenwa yokaakaluru: Wixaymalu Goyakalu.

Gipgujetkaluru 21:6

Ga wa wane chinno, “Wane gixkalurutkani. Gitni wa muchinanu gwachri yongano ga wa ralipre yongano, wa yinuwakachrino ga wa ralipreno. Wa gonunnagatewatachripa Gita genekanru gonu gishpakgatyawaka giwekgatachri gonu genekashatkaluru.

Gewreyone 13:8

Rixyawakgognenanukni Geso Kristo kapetgogneni ga wa xani, ga wa psolu gwashlepotunanukopa gike rixiniko mnikawnakatupa.

1 Gwa 5:20

Ga wa wumatlu Goyakalu Wgene ginapinri, ga wa renekanshinikantapwu wumatyaplu galikakpotunanu Goyakalu. Ga wa galikakpotunanu Goyakalu gawinri, ga wa Gituru Geso Kristo gawinri, tyenwa galikakpotunanu Goyakalu, ga wa giweklu gike rixiniko mnikawnakatu.

1 Timotiyo 3:16

Wupgujtatlu wa tsrupotunanni giyogimanatkaluru gipashichkalurupirana: Manewatachri retika Kristo. Poyagkakachri gekakgitkalurni Giwekikaluruya. Goyakalutowreruneya retika. Payine yegi ginkakletikaluru. Galixkalurni tyechijneya. Yoptotkalurni goyaknuchygi.

Kiglerpotunanu Tokanchi Kpashiri Gwa Yonatanru 16:28

Girchi yegi nushpakamtya. Tyechijne nuna. Nuknokamtanutnaklu tyechijne. Girchi yegi nyanutka.”

Gipgujetkaluru 1:17

Ga wa gita getinitkalu gijixipta nyawnamtya gipnachri pixka. Giyagni Wale gitakamyogogotno potuklemyoteya. Wane chinno,

Kiglerpotunanu Tokanchi Kpashiri Gwa Yonatanru 20:28

Wa Tomasu gigitlu. Wane chinru, “¡Nutsrukate! ¡Noyakalute!”

Tito 2:13

Wkagwakgognenatanru gimalwutachinepwu wa rupgujewninripa yochigleyma tsru potu Woyakalute wa Wognetkakjeru Kristo Geso.

Gewreyone 7:3

Gike ruruta. Gike runrota. Rutsrukatenni mapiranyegitni. Gi yinuwakgognetya. Gi koxa nikawnagiwekletyawakako. Goyakalu Wgene pixka gixkaluru. Mutuka sasertotetlegognenatkatu.

Gipgujetkaluru 3:14

“Wane pixa yonyegletanru Goyakalutowreru Lawtisi gapatjetyachine chinanu: Tyepirankaka china wa Wane gixkalurupa, wa gipgujtalewatachri poyagkakachri ga wa galikakpotu, wa Goyakalu giyakotanrukaka yinuwakjixachri.

Gigwisone 3:9

Ga wa nutaaka nekakgityaplu gi pixka giglepokle rixa wa giyogimanatkaluru wa muchikawgognepotuyakawa yogimanatkaluru Goyakalu yegi. Walenwa ptowrunanuka giyakotachri.

Gipgujetkaluru 1:2

Wale Gwa gipgujtatlu Goyakalu tokanu ga wa Geso Kristopirana gipgujtatikolu, ga wa retanru pejnunanuka.

1 Gwa 5:7

Gi rixanu mapni wa gipgujtatachrikaka.

Romanone 9:5

Wannanni wa gitsrukachinni. Wannanni wa Kristo gimaneya. Walenwa Goyakalu pejnurkakayako gimalwutkalurgognenanu. Wane gixkalurupa.

Kiglerpotunanu Tokanchi Kpashiri Gwa Yonatanru 1:18

Gikena getlu Goyakalu gi pagogneko. Girchistsi gwachri, satupjerutu Gituru, Wale ginkakletlu.

Gipgujetkaluru 2:8

“Wane pixa yonyegletanru Goyakalutowreru Smirna gapatjetachine chinanu: Tyepirankaka china wa muchichachri ga wa ralipre, wa gipnachrinanni ga wa giwekachritka.

2 Petro 1:1

Simo Petro kirukate. Walenwa Geso Kristo wayegreru ga wa yokanatanru. Twu kiruka gixa galixachingi chinanupni, gi rixanu Woyakalute ga wa Wognetkakjeru Geso Kristo poyagkaklewle chinanu kiglepotlu wa tokanchi gixa galixanru, wixa galixanru pixkapotuko.

Gipgujetkaluru 1:11

“Wa petanrukaka kiruka pyonatanru. Ga wa pyokanatanro payokgipre gapatjetyachinyegkaka: Gigwiso, ga wa Smirna, ga wa Perkamo, ga wa Tiyatira, ga wa Sarti, ga wa Wilatelgi, ga wa Lawtise.”

Lokasu 24:53

Psolgogneko kpashiwakapji rawna. Goyakalu rumalwutna.

Kiglerpotunanu Tokanchi Kpashiri Gwa Yonatanru 8:58

Wane chinna Geso, “Galikakni, galikakni wane nchingi, Gawrani mwakanuwa, nwatka Gita.”

Kolosane 1:15

Kristonwa metkotu Goyakalu yaglu. Walenwa muchinanu wugenetkaluru pejnuruko giyakotkaluru pnute.