Gipgujetkaluru 8:12 - Yine: Gerotu Tokanchi Gipiratkaluru

¹² Ga wa gepkoxamkoje rixinri gitowreru kowita. Ga wa rumtuuka satupje mapate tkachi, ga wa satupje mapate ksuru, ga wa satupje mapate katagirkaka. Giyagni satupje mapate tyekaka ruchpokinripa. Ga wa satupje mapate gogi gi pokamlata. Ga wa goyechno waneko pixka rixa.

Gipgujetkaluru 8:12 Referans Kwoze

Gipgujetkaluru 6:12

Ga wa patsrujire rixinri gipre kgimaxikolero kotpukinitka, netatka. Ga wa wanetkalu tsru giyolikchijru. Ga wa tkachi ksaji rixa kawshistugalu mkachri kapixiru pixka. Ga wa psoluko ksuru granchi pixka rixa.

Gipgujetkaluru 9:18

Tye mapa tsru salewakchikaka kamakatna satupje mapate yinni. Wa xirnachriya ga wa kapgyaluya, ga wa gasogreya, wannanama gishpakyachriya.

Gipgujetkaluru 9:15

Giyagni kaspuukatkana wa gepkoxamkoje towrechine wa galpokotkalune gipapko ga wa gogi ga wa ksuru ga wa walapu chinanu wa satupje mapate yine ruylatinripna.

Marko 13:24

“Seyni walegognekakpatka ruknoginpatka wale salewakchi, wa tkachi gichpokanu. Wa ksuru gi wa pokamlatanu.

Matiyo 24:29

“Wa ruknoginitka tyegogne gajeru salewakchi, waneklu: Ruchpokanu tkachi. Ga wa ksuru gi wa pokamlatanu. Ga wa tengogne tujirotini katagirkaka. Wa gichkolkaka tengogne gajeru kowshiwshitko

Gipgujetkaluru 12:4

Ga wa ginshi kosetyalu satupje mapate katagirkaka tengogne gajerkaka. Tyechijne ruknooka. Ga wa gimnu gitsruka wa suxo gishpakawgenetachropatka getanu tunwata nikawgenetyaplo wa rushpakinipa.

2 Korintyone 4:4

Wannani tyegogne goyakalute maygalenshinikanune rixkakanna wa malixkanena, ma matajiwnayegityapna Kiglerpotunanu Tokanchi, Kristo goyaknupirana pokamlale. Walenwa Goyakalu yaglu.

Lokasu 21:25

“Waneplu getkalurkaka tkachiya, ga wa ksuruya, ga wa katagirkakaya, ga wa tye psolchijneyako payinemnunanuka salewnale. Wa tsru wenu sejrewnale ga wa gishpurga yowjere nutanshinikankakinna.

Marko 15:33

Tumananutkani ruchpokatka psolchijnepotunanuyako kayinwakasreta rapokinpotunanuko.

Matiyo 27:45

Tumananutkani ruchpokatka tkachi psolchijnepotunanuyako. Kayinwakasreta rapokinpotunanuko rumrekatka.

Yokanatkalune Kamrure 2:20

Kashrijewnanu tkachi. Ruchpokanu. Ga wa ksuru jraplu, ma mapookanuwachi Gitsrukaachi tsru koglajrugogne.

Gipgujetkaluru 16:10

Ga wa pamyo rixinri Goyakalutowreru kmatsuru tuplapijere rupkakaproswagatlu walenu. Ga wa mapshagalutkani wale pogirewatyawaka. Ga wa gichino chinanu rashkannutanna.