Gipgujetkaluru 14:11 - Yine: Gerotu Tokanchi Gipiratkaluru

¹¹ Ga wa wanna tsru salewnalepgya gatskogognenatanu gike rixiniko mnikawnakatupa. Gi rapnanutanunna gogi ga wa goyechno, wa kmatsuru ga wa wale yaglu yoptsojityegitachinepni, ga wa girukokta yoptotlu giwaka gimaxikle.”

Gipgujetkaluru 14:11 Referans Kwoze

Gipgujetkaluru 19:3

Rumepe wane chinretna, ¡Gimalwutanru Goyakalu! Tyoxikikolupgya gatskogognenatanu gike rixiniko mnikawnakatupa.

Gipgujetkaluru 20:10

Giyagni kamchi gitsrukate yokwitjerna, xirnachri ga wa gasogre xirnachripowga ruknooka. Wanekoxna kmatsuru ga wa gixashatachri Goyakalu Tokanu geneklewatachri. Saletpotgognenatkona gogi goyechno gike rixiniko mnikawnakatu.

Matiyo 25:46

“Wane yanunna saletikowakapna gike rixiniko mnikawnakatu. Ga wa poyagkakachine wane yanna giwekikowaka gike rixiniko mnikawnakatu.”

Matiyo 25:41

“Wanepnute wane nchinankoxna wa nkegnetesreta gwachine, ‘Gixrikinno, kamakpiratkalungi. Xirnachri gyanu gike rixiniko muwnakatu, tsru kamchi chinanu galpokotkaluru ga wa gitowrenenupa.

Gipgujetkaluru 18:18

Ga wa saplewjektetna retinrina tyoxikikolupgya. Wane chinna, “¿Girupni tye tsru pokchi pixkalutu?”

Gipgujetkaluru 14:9

Ga wa satu Goyakalutowreru mapa chininri gomkagitna. Gichkoplajiya wane china, “Girukokta yoptsojityegitlu kmatsuru ga wa wale yaglu, ga wa girukokta gijrota ga wa gimyo gimaxikole yoptotachri,

Gipgujetkaluru 11:15

Ga wa payokgipre rixinri Goyakalutowreru kowita. Ga wa tengogne gichkolu plaschi wane, wane chinachri: Tyechijne pogirewatyawaka Wutsrukatenutkani ga wa Kristotenutkani. Ga wa Wale pogirewgognenatanu gike rixiniko mnikawnakatupa.

Gipgujetkaluru 7:12

Goyakalunupni gimalwuru, ga wa goyaknuchi, ga wa gimatkalchi, ga wa poyagnutikolu, ga wa kagwakpiiru, ga wa giyaklu, ga wa muchkonchi rixgognenatanu gike rixiniko mnikawnakatupa. Wane gixkalurupa.”

Gewreyone 1:8

Seyni wa Gituru wane china: “Pogirewle tuplapijere, Goyakalu, gwagognenatachripni gike rixiniko mnikawnakatupni. Ga wa pogirewatyawaka kanojere, poyagkaklewlu kanojerni.

Gipgujetkaluru 22:5

Ga wa maleshpatkalu goyechno wane. Ga wa gi galuukaluropni yochpiikaluro pokamlanu. Gi wa tkachi pokamlanuko. Gi rixanu Gitsrukaachi Goyakalu pokamlatyegitanna. Ga wa wanna pogirewgognenatanutka gike rixiniko mnikawnakatu.

Gipgujetkaluru 13:12

Ga wa muchinanu kmatsuru pixka rixa gitaakotu koxa wale psolpotuyako, wale getanu. Ga wa psolchijneko ga wa chiji gwachine yoptsojitjixa, yoptsojityegityapluna wa muchinanu kmatsuru, wa gistaakaluru gipninripmaka gitukachritka.

Matiyo 11:28

“Ginanu Gita yegi, pejnurunekgi gama kamrurewletachingi, gitjitachingi. Gita gapnankakanutkagi.

Gipgujetkaluru 13:15

Ga wa reneeka ruweekakyaplu kmatsuru yaglu, wa kmatsuru yaglu yanumatinripa. Ga wa reneeka ginnakokta ruylajixyapa wa kmatsuru yaglu myoptsojityegitkane.

Gipgujetkaluru 13:17

Ma mumkata gagjiretinitipna ga wa gishankalu mumaxikolenena kmatsuru giwaka waka giwakpejnu.

Gipgujetkaluru 18:9

Wala ruchiyagatanna ga wa rukegeknanuwatanrona tyechijne pogirene, walayma gapoklewatachine ga wa tixje ponikowashatachine, wa wanna getiniplu tyoxikikolupgya.