Gipgujetkaluru 11:18 - Yine: Gerotu Tokanchi Gipiratkaluru

¹⁸ Ga wa payine jigekanuwata. Ga wa pjigekanu gapokatka. Ga wa gipnachine gitakyagokikolpapko gapoka gapnuru renekikolupna pwayegrene ga wa ptokanu geneklewatachine ga wa kpashirine, ga wa pgiwaka pikachine, mturune ga wa tsrune. Ga wa rumtukikolupna tyechijne gimtukachine.

Gipgujetkaluru 11:18 Referans Kwoze

Gipgujetkaluru 20:12

Ga wa netna gipnachine tsrune ga wa mturune tuplapije ginaple tunwatachine. Ga wa kiruukaka kopraakalurni. Ga wa sato kiruka kopraaka. Walanwa giweklu kirukate. Ga wa gipnachine gitakyagookikolu kiruukaka yonatikaluruya, rixa kamruretyawakna.

Gipgujetkaluru 19:5

Ga wa pogirchi tuplapijere rushpakya satu tokanchi wane chinachri: Nshikaletgimalwuretanru Woyakalute, pejnurunekgi wayegrengi, ga wa pikjengi, mturune ga wa tsrune.

Gipgujetkaluru 13:10

Kashrewlu ganikachri, kashichkalurupni ralimtanu. Girukokta yoglolewapi giylalewatya, yoglolewapi rumkata giylaletikolupa. Ga wa tyenwa kpashirine kashnantakgognewle ga wa ralixlewlena.

Gipgujetkaluru 22:12

“Pshinitsonu nunanu. Ga wa napnure Gitaymaplu, satkaka nenekyapa rixa kamruretyawaka.

Gipgujetkaluru 15:7

Ga wa satu wa gepkoxamkoje giwekachine genekna payokgipre Goyakalutowrene payokgipre koriproswaga katseplu rumtuwnale giwekgognenatachri gike rixiniko mnikawnakatu Goyakalu.

Gipgujetkaluru 15:1

Ga wa tengogne netyalu satu getkaluru, tsrupotu koglajrewatachri. Payokgipre Goyakalutowrene payokgipre ralipre tsru salewakchikaka waneyalune. Gi rixanu tyekakaya ralipreta Goyakalu gimtuwnale.

Gipgujetkaluru 14:10

wale koxa giranru Goyakalu gimtuwnale wingate, myapjetu giyookaluru. Wale jgekanu girikalurostono giyookalurupa. Ga wa walepni saletpotutkona xirnachriya ga wa gasogreya kpashirine towrechine getanu, ga wa gowega Wgene getanu.

Gewreyone 9:27

Wane rixa gitakikotna yine pakatapje rupninripna, wanepnute rutakyagokikolupna.

Lokasu 1:50

Retwamonunanumtna pagwashlukaka gimuweekakgognenatachinmnunanuka wa pikjene.

Matiyo 5:12

Gimuwatanu. Gimjikpotutanu, gi rixanu tsrupotupni gwenutikolupa tengogneya, gi rixanu wane rixa kojwaakotnina tokanchi geneklewatachinni muchinanu gwachinni gixaya.

Gipgujetkaluru 20:15

Ga wa giweklu kirukate mwagiwaakatkatu xirnachripowga ruknooka.

Gipgujetkaluru 18:6

Papnutanro tixa gapnulewletyawaka. Gepi kata psatkakyegitanro tkamrure pixka. Wa girapistono tutakgatanru, gepi kata putakgatinro.

Gipgujetkaluru 11:2

Ga wa kpashiwakpotuputu maleka gajeru petashatanu. Gi wa pyantatanru. Gi rixanu payine geneekalurni. Ga wa gepkoxamkojmole gepi ksuru kpashiwaka pokchi rakatokanna.

Gipgujetkaluru 19:15

Ga wa ginama rushpakya yoglolewapi gepragaspuru, payinkaka ruylakinripa. Ga wa kanojerchi yowumaje rugirukotanna. Ga wa Wale gakatoklu tapatgatyawaka, Goyakalu pejnuruko Girukotachri jigekanu gimtuwnale wingate yegi.

Gipgujetkaluru 10:7

Seyni wa Goyakalutowreru payokgipre rixinri kowikle gimaklu, wa kowitinpatka, poyagkakpotutikolpatka Goyakalu giyogimatanru, chinyawaka Kiglerpotunanu Tokanchi, wayegrene runkakyawaka, wa tokanu geneklewatachine.

Gipgujetkaluru 13:16

Ga wa wane rixkakna pejnuruneko mturune ga wa tsrune, ponikolune ga wa kwamonurune, gishpakachine ga wa wayegrechine, potuklemyona rutakagimaxikletikolupna waka gijrotna.

Gipgujetkaluru 19:18

Gnikyaplu pogirchinegitu, ga wa solalone gitsrukatenegitu, ga wa gichkolungitu, ga wa kawalyonegitu, ga wa wanna gogo tuplanatachinegitu, ga wa pejnuruneko gishpakachinegitu, ga wa wayegrechine ga wa mturune ga wa tsrunegitu.