3 Gwa 1:11 - Yine: Gerotu Tokanchi Gipiratkaluru

¹¹ Nushinikanru, gi wa pyimanru gektutu seyni wa kigleru galikaka. Kigleru kamrutachri walenwa Goyakalu giyakatyachri. Gektutu kamrutachri, gi wa Goyakalu reta.

3 Gwa 1:11 Referans Kwoze

Gigwisone 5:1

Giyagni Goyakalu yimjetachinepgi rushinikanune wugenene pixka.

1 Petro 3:11

Katjitanru gektutu. Kigleru kamrutanu. Rujganru giglewanshinikanrewlu ga wa romkagitanru.

Kiglerpotunanu Tokanchi Kpashiri Gwa Yonatanru 3:20

Wa pejnuruneko mugletu kamrutachine gagnanutlu pokamlalu. Gi wa pokamlalu yegi yana ma mekakgi giklukanuwnaletikotupna kamrurna.

1 Petro 3:13

¿Katu gektutetangi wa kigleru jmererune potu gixinipa?

2 Timotiyo 3:10

Ga wa pixa getjenatlu nunkaklewle, ga wa nixjetyawaka, ga wa nushinikjetyawaka, ga wa nalixlewle, ga wa nmapognanre ga wa nushiniklewle, ga wa nkashnantakgognewle,

1 Gwa 2:29

Wa gimatinri poyagkakachri rixinri Geso, gimatkoxlu wa girukokta poyagkaklewlu kamrutachri Wale wugenetika.

1 Tesalonikane 2:14

Gi rixanu gixa, wumolene, Gotesreta gajene Goyakalu gapatjetanunkaka Kristo Geso gwachine yimachinetkagi. Gi rixanu wanna salewnale pixkalutu nsalewniya gixa. Wa gixa gimolene chinanu nsalewna, waneko pixka rixna wanna: wa Goteyone chinanu salewnana.

1 Tesalonikane 1:6

Ga wa wixa yimachingi gixatka, ga wa Gitsrukaachi yimachingi gixatka. Tsru salewakchiya gyoptotyalu tokanchi gimuwleyma Giwekikaluru Kpashiriya.

Kiglerpotunanu Tokanchi Kpashiri Gwa Yonatanru 12:26

Satu kamrurewyegitinno, romkagitanno. Ginakpaktano, wane koxa rawanu nkamrurewyegitjeru. Satu kamrurewyegitinno, Nuru gitakanru kagwakpiratikolupa.

Kiglerpotunanu Tokanchi Kpashiri Gwa Yonatanru 10:27

Nowegatene jematokanutno. Gita gimatna. Romkagitnona.

Gewreyone 6:12

Giyagni gi wa gma mernuwatanu gonuka, seyni gipiratkalurkaka yoptotachine gyimanu galixlewluya ga wa gakotanshinikanrewluya.

1 Korintyone 11:1

Gita yimjetachinepgi, gita pixka Kristo yimjetachrino.

1 Korintyone 4:16

Giyagni nagjitgi wa gyimyapno.

Wilipone 3:17

Nomolene, gixa mkoje gyimanno. Getanna wanna wane gixachine wa wane wixini gixa yimanunwu pixka.

1 Gwa 3:10

Tye chinanu pgujru ginnanwa Goyakalu wgenene ga wa ginnanwa kamchi gitsrukate wgenene. Girukta gi wa poyagkaklewata ga wa girukta gi wa gishiniklu gimole, gi wa Goyakalu ruyakatya.

1 Gwa 4:1

Nushinikanune, gi galixanna pejnuruneko giwekikalurune, seyni gimata getanna gikta Goyakalu giyakatyachinni. Gi rixanu gi gepikna gixashatachine Goyakalu tokanu geneklewatachine tyechijne gipgujewniyachine.