1 Petro 3:22 - Yine: Gerotu Tokanchi Gipiratkaluru

²² Wa Wale tengogne yachritka. Goyakalu potuklesretate rawa. Goyakalutowrene ga wa tsru gitaakalune, ga wa gichkolune yijnakotlu.

1 Petro 3:22 Referans Kwoze

Gewreyone 9:24

Gi rixanu gi wa myochi kamrutikaluru kpashiwaka jigloka Kristo, wa galikakpotunanu kpashiwaka yaglupje, seyni tengogne gajeru kpashiwakpotuko jigloka, wa xawakni Goyakalu getanu rupgujewninripa wixa chinanu.

Gewreyone 12:2

Geso yegi yigatachinepwu, walixlewle muchichachri ga wa poyagkakachri. Gimuwlu chinanu Wale ginaple gitaakaluru, Wale kashnantaklu koroshishkita. Gike rixanru patewluni. Ga wa tuplatatka. Goyakalu tuplapijere potuklesretate tuplatatka.

Gewreyone 10:12

Seyni Geso pakatapje ganiklu giylatkalurupa mukochri chinanu. Wanekluyakawa Goyakalu potuklesretate tuplagognenatatka,

Marko 16:19

Wa Gitsrukaachi gali yanumsayegletinitkana, tengogne yoptotikatka. Tuplatatka Goyakalu potuklesretate.

Gewreyone 8:1

Tyepirana gonra wane chinkalurkaka: Tye pixkalutu sasertote Gitsrukate potu waneywu. Walenwa tsru potu tengogne gajeru tuplapijere potuklesretate tuplatachri.

Gewreyone 6:20

Wixa chinanu wane jiglokatka wa wkosekjeru Geso. Walenwa Sasertote Gitsrukatpotgognenanuko, Marchisite gitakikolu pixka.

Kolosane 3:1

Giyagni Kristoyma yotunkaakalune gixini, teno gajerkaka gijganu, Kristo yegi, Goyakalu potuklesretate tuplatachri.

Romanone 8:38

Giyagni nalixa gita, gi wa gipukchiko, gi wa giwekluko, gi wa kamchineko, gi wa tsrukakaluneko, gi wa kgiyaklewakleruneko, gi wa xanirutuko, gi wa ginachripako,

Romanone 8:34

Kristonwa gipnachri. Wanepnute Walenwa yotunkaakaluru. Walenwa Goyakalustsi potuklesreta gwachri. Wale koxa giykoyegitwu wixa.

Matiyo 22:44

Gitsrukaachi wane chinru Nutsrukate, ‘Ptuplatanu npotuklesretate, wa nutakinpotukna Pixa kamnixjene pujixipta rapukote.’

Gewreyone 1:3

Psolpotuyako Ruru goyaknu ratajiwniya. Wale pixkapotuko rixa, ga wa ptowrupotunanuka yostatachri ruyakle tokanuya. Wa powratmukochiretinitkawu, teno Gajeru kgoyagknuru potuklesretate tuplata.

1 Korintyone 15:24

Wanepnutepa yoptukyawakapni. Waneklu Goyakalu, Girchi yegi samyokiniplu pogirewatyawaka, wa nikatinpatkalu pejnurkakako girukotikowaka ga wa pejnurkakako tsru gitakikowaka, ga wa pejnurkakako muchkowatikowaka.

Yokanatkalune Kamrure 3:21

Galikakni rumkata tengogne chipetletlu wa rugletkoklungognepotunanuko ptowruko. Wale runkakleta Goyakalu, Walenune kpashirine tokanchi geneklewatachinnamaya, muchikawa potu gwapachinni.

Yokanatkalune Kamrure 1:11

Wanna wane chinkoxna, “Jejine, Kalile gajene, ¿klu wane ntunwanatya, tengogne gyiganata? Waleko Geso tengogne yoptotikaluru gixyegiya, waneko pixka rixa ginretanu gishingatiniko pixkalu tengogne yinitka.”

Marko 12:36

Wa waleko Tawi wane china wa Giwekikaluru Kpashiriya: Gitsrukaachi wane chinru Nutsrukate, Ptuplatanu npotuklesretate, Wa nutakinpotukna pkamnixjene pujixipta rapukote.

Gewreyone 1:13

Gi rixanu gi pagogneko gi wane chinru satu gitowreru: “Npotuklesretate ptuplatanu, pkamnixjene nutakinpotunanuko pujixi gitspangaprepa.”

Lokasu 20:42

Gi rixanu waleko Tawi wane china Shikalchi kirukateya: Gitsrukaachi wane chinru Nutsrukate: ‘Ptuplatanu npotuklesretate,

Matiyo 28:18

Rapyegitinitkana Geso, ruynumsatna. Wane chinna, “Psolpotuko nutakika tengogne ga wa chiji.

Gewreyone 1:6

Ga wa wanepnute wa tyechijne ranikinitkalu muchinanu tsru Gituru, wane china: “Pejnuruneko Goyakalutowrerune yoptsojityegitanru.”

Gewreyone 4:14

Giyagni waneywu tsru sasertote Gitsrukate potu tengogne yachritka. Walenwa Geso Goyakalu Wgene. Giyagni wumretgognenatanru wupgujtalewle.

Kiglerpotunanu Tokanchi Kpashiri Gwa Yonatanru 13:32

Goyakalu gimalwutikolupa Gita chinanu, Goyakalu chinanu koxa Gita gimalwutikolupa. Xaniyakawa numalwutikolupa Goyakalu chinanu.