1 Petro 2:6 - Yine: Gerotu Tokanchi Gipiratkaluru

⁶ Giyagni Walepirana chinyongatyawaka: Siyo Magkate nutaklu yoptowaka gwachri sotlu, Tsomitkaluru ga wa kigleru potu. Wale galixachripa gi wa patetko.

1 Petro 2:6 Referans Kwoze

1 Petro 2:4

Walenwa gyayegitanru. Sotlu giwekachri pixka rixa Wale, giknookaluru galikaka yineya, seyni Goyakalu tsomitanruni. Kiglepotni.

Gigwisone 2:20

Panchi kamrupjitkaluru pixkalungi. Kristo yokanatanune ga wa Goyakalu tokanu geneklewatachine wannanwa gistsigi pixkalune. Ga wa Kristo Gesoko sotlu yoptowaka gwachri pixkalutu.

Marko 12:10

¿Gi ge tye yonchiga getyongata? Wa sotlu myoptotkotu kamrupjitachineya, Wale gitaaka yoptowaka gitsejita.

Romanone 10:11

Gi rixanu wane china yonchi: “Pejnuruko Goyakalu galixachripa gi wa patmenuwatanu.”

2 Timotiyo 3:16

Goyakalu gitakanshinikanutlu pejnuruko Wale Tokanu Yonatkaluru. Giyagni pejnuruko Goyakalu yonjixanrukaka walenwa yimaklewle gapi, ga wa chigetjeru gapi, ga wa potukatlewlu gapi, ga wa tseruwakanshinikanrewlu gapi poyagkaklewluyapa,

Kiglerpotunanu Tokanchi Kpashiri Gwa Yonatanru 7:38

Yonchi chinyawaka, Gonu giwekachri yapgatyawaka pixka rixa gishpakletanu ginanwakaya nalixjeru.”

Lokasu 23:35

Wane tunwanatna yine. Retanatna. Tsrukakaluneyma ruxpiranatluna. Wane chinna, “Pimrine rognetkaka. Walenanuko gognetkakinwa wa xani Goyakalu Kristote rixinpakni, ga wa tsomitanru.”

Matiyo 12:18

Getanru nupxakjeru Gita tsomitanru. Nushinikanru potu. Wale gigletanshinikanutno. Giwekikaluru Gitanu nutakanru payine yegi runkakletinri gitakyagoklewlupirana.

2 Petro 3:16

Wane rixyawaka, wa pejnuruko kirukatkakaya, tyepirankakaya runkaklewatya. Wa twukakaya waneru kgimalu tokanchikaka, wa myimaakone ga wa mpoyeginshinikanune katpa rixkakluna, pimri yonatkaluru koxa pixka, wannako ramginripna chinanu.

2 Petro 1:20

Tye gapka gimatanu. Gi satuna tokanchi geneklewatachri tokanu, yonchi gajeru, satupje yineru ginkakpokowakatyawakapni.

Gigwisone 1:4

Wane rixa tsomletwu Wale chinanu ma kamrutkonuwa tye psolchijneko, wa kpashirine wixinripa ga wa muklukanuwnakanepwu Wale getanu.

Yokanatkalune Kamrure 1:16

“Jejine, nomolene, rumkata poyagkakletikolutka wa yonchi Gotnipirana, wa muchikawa chinyawaka Giwekikaluru Kpashiri Tawinamaya. Gotni wa kosekna wa Geso kashichachine.

Lokasu 20:17

Wa Wale retanatna. Wane china, “¿Klunerkoxni wa tye yonatkaluru? Wa sotlu myoptotkotu kamrupjitachineya, wale gitaaka yoptowaka gitsejita.

1 Petro 2:8

Sotlu gitspetkaluru, sotlu gijrukikwaka. Rutakikowakna rutspetyana ma malixkalchinanruna tokanchi.