1 Korintyone 7:30 - Yine: Gerotu Tokanchi Gipiratkaluru

³⁰ Wa chiyagatachine wa mchiyagatkane pixka rixanna. Ga wa gimuwatachine wa mumuwatkane pixka rixanna. Ga wa gagjitachine maleshayalune pixka rixanna.

1 Korintyone 7:30 Referans Kwoze

Kiglerpotunanu Tokanchi Kpashiri Gwa Yonatanru 16:22

Giyagni xani gixa koxa galikakni kachinolu geta. Seyni netanutnakgi ga wa gimuwgajitanu. Gikeko koningi gimuwle.

Lokasu 6:25

¡Gi wanengi gixa jinanurungi xani! gi rixanu nachichachinepgi. ¡Gi wanengi gixa xawakni gitsolguwatachingi! gi rixanu wamonuwatachinepgi, chiyagatachinepgi.

Lokasu 6:21

Giglenshinikanyegitkalungi xani nachichachingi, gi rixanu jinanurunepgi. Giglenshinikanyegitkalungi chiyagatachingi xani, gi rixanu gitsolguwatachinepgi.

Gipgujetkaluru 18:7

Wane tixa galixkotletnawa ga wa tponikowashatinri wanekpejnu penekanro tsalewnapotutinri ga wa twamonuwatinri. Gi rixanu wane chingajita, “Gita pogirewatachrono tuplatachrono. Gi wa mkapyalno. Gike nixiniko wamonchi netanu.”

Gipgujetkaluru 7:17

Gi rixanu gowega Wgene wa pogirchi tuplapijere ganikajiteswaji gwachri girukotanna. Gonu gishpakgatyawaakaka giwekgatachrigonu yegi kosekanna. Ga wa Goyakalu sheyiygaletanna pejnuruko ktechgaya.”

Lokasu 16:25

“Gawra wane china, ‘Wiwi, pushinkapanru wa puwekanatini pyoptojenatanru kigleru wane pixle. Ga wa Lasaro koxa gektutu yoptojenatanru. Giyagni wa xani gewi gimnanukikalurni wale, ga wa pixa salewnagognenatachripatkayi.

1 Korintyone 7:29

Ga wa wane nchina, nomolene. Gi gogogneru. Wa wanerutuwagogne kganunrolune wa mganunrone pixka rixanna.

1 Korintyone 7:31

Wa tyechijne gajerkaka wane gixletachine, gi wa wane gixletpotutachine pixka rixanna. Gi rixanu tyegognepoga giknoganu.