1 Gwa 5:1 - Yine: Gerotu Tokanchi Gipiratkaluru

¹ Pejnuruneko Geso wa Kristo rixinri galixachine, wannanwa Goyakalu wugenetikna. Girukokta gishiniklu wugenetachri, wugenetkaluru koxa rushinika.

1 Gwa 5:1 Referans Kwoze

1 Gwa 2:29

Wa gimatinri poyagkakachri rixinri Geso, gimatkoxlu wa girukokta poyagkaklewlu kamrutachri Wale wugenetika.

Kiglerpotunanu Tokanchi Kpashiri Gwa Yonatanru 8:42

Wane chinna Geso, “Wa Goyakalu girutkamka, galukanmakno galikaka. Gi rixanu Goyakalu yegi nuyakatya Gita. Gewi napoka. Gi rixanu koxa gi wa Gitako nushinikanu nuna, seyni Wale yokanatno.

1 Gwa 4:7

Nushinikanune, wushiniikakanu, gi rixanu gishiniklewlunwa Goyakalu giyakatyachri. Girukokta gishiniklewata Goyakalu wugenetika, ga wa rumatlu Goyakalu.

1 Gwa 3:14

Wixa gimatlu gi gipnachinetkawu, seyni giwekachinetkawu, gi rixanu wushinikna wumolene. Ga wa mushiniklewatkatu gipnapotutachrini.

1 Gwa 5:4

Gi rixanu girukokta Goyakalu wugenetikaluru gaalixlu tye psolchijne gajerkakako. Ga wa gaalixlewatachri, tye psolchijne gajerkakako gaalixikolupa, walenwa walixle.

1 Gwa 4:20

Girukokta wane chinini, “Gita gishiniklu Goyakalu,” ga wa rayegixlu gimole, kayroklerni. Gi rixanu mushinikmoletkatu wa retanru, gi rumkata gishinikletlu Goyakalu wa ma metanutu.

1 Gwa 3:9

Girukokta Goyakalu wgene rixinritka, gi wa mukochirewata. Gi rixanu Wale gitakleji gwalu. Gi rumkata mukochirewleta, gi rixanu Goyakalu wugenetika.

Kiglerpotunanu Tokanchi Kpashiri Gwa Yonatanru 3:3

Rugita Geso. Wane chinru, “Galikakni, galikakni wane nchinyi, wa mumepe gishpakletkatu gi rumkata getletlu Goyakalu pogirewatyawaka.”

Matiyo 16:16

Rugita Simo Petro. Wane china, “Pixni Kristoyi. Goyakalu giwekachri Wgenyi.”

1 Gwa 2:10

Ga wa gishinikmoletachri pokamlawaka rawa. Maleshaylu mukochirewkaklewlu.

Kiglerpotunanu Tokanchi Kpashiri Gwa Yonatanru 15:23

Nayegixjeru Nuru koxa rayegixa.

1 Gwa 4:2

Tye chinanu gimatanru Goyakalunu Giwekikaluru. Pejnuruneko giwekikalurune Geso Kristo gipgujtatachine wa manchi runyatka, walenwa Goyakalu giyakatyachrini.

1 Petro 1:3

Gimalwutkalurni Goyakalu, Wutsrukate Geso Kristo Giru. Wa tsru potu retwamonrewle chinanu, rumepe gishpaakakletatnakwu. Kagwaklewlu giwekachri waneywu wixinripa Geso Kristo yotunre chinanu gipnachinetskalaya.

Santiyako 1:18

Waleko rushinikanuya Wale wugenetwu galikakpotunanu tokanchiya. Muchinanu potu wutakikolupa ruyakotanrukakaya. Yiglepotuko jigekanuwatachinepgi

Kiglerpotunanu Tokanchi Kpashiri Gwa Yonatanru 6:69

Wixa galixa. Wumatyi wa Kristoyi pixinri, Goyakalu giwekachri Wgenyi.”

1 Gwa 3:17

Girukokta waneya tyechijne gajeru wane rixle ga wa reta magletinri gimole ga wa rushyanshinikanyegitlu ma metwamonutyaplu ¿gi rixpoko gishiniklewleta Goyakalu gishiniklewleya?

Yokanatkalune Kamrure 8:36

Gatnugapo yapananumtna. Gongastsi rapokna. Wane china suxone girukotachri, “Petanru gonu. ¿Klu gimaletlu nkatikolupa?”

Kiglerpotunanu Tokanchi Kpashiri Gwa Yonatanru 1:3

Ptowrunanuka kamrutka Waleya. Wale mwaknu gikenna kamrutka wa gwachritka.

1 Gwa 5:5

¿Katni wa tye psolchijne gajerkakako gaalixachri? Walekni girukokta Geso wa Goyakalu Wgene rixinri galixachri.

1 Gwa 5:18

Wumatlu wa girukokta Goyakalu wugenetikaluru gi wa mukochirewata. Seyni wa Goyakalu Wugenetikaluru, Geso, gimretlu. Ga wa mugletu gi wa kamruklu.

Lokasu 7:5

Gi rixanu rushinikanerutwu. Wale kamrupjijixlu wunkaklewawaklepji.”

Yokanatkalune Kamrure 8:37

Wilipi wane chinru, “Psolpotuyako pajiya palixini, pumkatlu.” Giyagni rugita. Wane china, “Nalixlu wa Geso Kristo Goyakalu Wgene rixinri.”