ZEPHANIAH 3:8 - DAÜLANGPÜ LAIHING (BSI)

⁸ Shembüpai enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

ZEPHANIAH 3:8 Referans Kwoze

JOEL 3:2

Ngei jatthü peü thaihen, hatü Shahphenpü Kahjilei müei deihen. Halei jomi ngelei nanglakthü khüei lemphü nemeipü dükpü nangkü ngei jom kü shahphenhen; Mehenangkü jomi ngelei nanglakthü jatthü touei haitükpeih, hatü ngelei kahdok hantükpeih.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

MIKA 7:7

Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

MENVIH KESHO 27:14

Shembüpa omdantuh, wong kohtuh, monglongtuh, Shembüpa omdantuh.

2 PETER 3:10

Shejao Shembüpalei nyih gühpa hük leshi peikahen, hatü hapheikü vangshothü ngeü longpü mü peihdaihen, hatü vangsho leipü douthü kemei awi hahtükhen, hatü kahdoknyü hatü haleipü lemphü shamtükhen.

SHAKEI VAMPÜ 16:14

Hathüyü kahshih laanghathü Jeiyong Kahvangei longpü nyih kü vehok hokhen shingvaishi kahdoknyü bahiyang peü kübü ongthü touei nanglakthü nyükei thaihühen nyangeihepü dou dükei daipü nyuteke.

MATHI 25:32

Jatthü peü büpa touei thaihen, hatü mi yombüi mi khong kübü yumthü khaattükpükei büpai nanglakthü hük kübü hük shei hantükhen,

HABAKKUK 2:3

Mehenangkü ittükpü hepak shingvaishi shao-üng manghkhang hük nyüke; Hapayü dohpütenpü nang enyüke; hatü ha shahshem nevai. Hapayü pheidaijoong dantuh, hapa hingmei jiüshasha, nepheidaipih.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

SOLOMONEI KESHO 8:6

Nüngei mongei ngeiyü füoshang shingpükei, nüngei bhagchong kü füoshang shingpükei tuhtuh; Mehenangkü bampeyü dipükei wong kohshi, mükhüh mongyungao mahngchong keiha phahji neshiü. Hapayü bahpü aw keiha, wong kohpü awlom kei hahtüknyüke.

KANDOK 20:22

“Hapa ten kü ngei khanghen!” shei te-e; Shembüpa kü hinglemei dantuh, hatü büpai ha dükkahen.

MENVIH KESHO 123:2

Chongphopathüi laophülei shembülei lak kü veipü keiha, chongpholathüi laophülei shembü lanyülei lak kü veipü keiha, büpai ham kü mangphahji thahshi hamei müki Shembüpa, hamei Kahvang kü veinyeih.

MENVIH KESHO 62:5

Kahvang kü mon ngelei laanghai nenmü omdannyeih; ngei monglemhenü büpa leipü mon dangnyeih.

MENVIH KESHO 62:1

Kahvang kü ngelei laanghai nenmü omdannyeih; büpa leipü mon yemleipü peinyeih.

MENVIH KESHO 37:34

Shembüpa omdantuh, büpalei lem jiüshangi tuhtuh, hatü büpai nüng kahdoknyü mükjüp danghühen longeianshihhen; nemeipüthü mahpü nüngi eehen.

MENVIH KESHO 37:7

Shembüpa touei nenmü nyutuh, hatü nenteipai büpa omdantuh; shennyakthüi laophülei lem kü aokpü dangpü eeyei, hatü nemeipü küpjanthü kü aokpü dangpü eeshingkü nüng mongteshang.

MENVIH KESHO 12:5

“Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

SHAKEI VAMPÜ 16:1

Hapheikü phopshem leipü ngeü longpü hük vangsho phongshanthü nyet kü, “Daituh, hatü Kahvangei mongshih nükshung nyet kahdoknyü kü khüpeishuoh” shei epü ngei dan.

MENVIH KESHO 79:5

Meshük lushi, Oh Shembüpa, nüngi den kü mongshihhen? Nüngei mongshih aw kei bahhen je?

MENVIH KESHO 79:6

Nüngei mongshih nüng nenyingpü jatthü kü, hatü nüngei men kü nenyükpü ongchingthü kü khapeishuoh.

ISAIAH 14:26

Hapayü kahdoknyü kemei shingvaishi temtükpü küpjan; hapayü jatthü peü hanghihüpü lak.

JEREMIAH 10:25

Nüng nenyingpü jatthü kü, nüngei men kü nenyükpü nanglakthü kü nüngei mongshih khüpeishuoh. Mehenangkü jomi Jakob lühtük; jomi büpa chemjalak kü lühtüktü büpalei kahdok mangtükpeih.

HAGGAI 2:22

hatü ongchingthü khaptükhen, hatü jatthülei ongching wong ngei mahtükhen; ngei koyei kharithü hatü ha müpüthü, koyeithü hatü ha kü uopüthü jomei yannah kü-üng mahkemhen” shei etuh.

ISAIAH 34:2

Mehenangkü Shembüpai jatthü peü kü mongshih-ei nyüke; büpalei mongpuk jomei veshanthü mü nyüke. Büpai jom peü mahtükhen, büpai jom jühen lanei shuohtükhen.

ISAIAH 63:6

Ngei mongshih-ei jatthü peü shouptükpeih, ngei mongmangei jom peü ngümtükpeih, hatü jomei iy kahdokei yenhüpeih” shei Shembüpai enyüke.