ZEPHANIAH 3:7 - DAÜLANGPÜ LAIHING (BSI)

⁷ Ngei hapa chingnyü kü, “Hingmei, ammi ngei kü nyemtuh, hatü ngei yeanpü shah yahtuh. Shejema am nyushing nemahtükhen, nevaijü ngelei hanghi am kü nepeiküpih” shei etepih. Shejao jomi dükpü lemphüli kü nyeinya nemeipü düknyüke.

ZEPHANIAH 3:7 Referans Kwoze

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

JEREMIAH 36:3

Üpai nyingpa, mechem Judah ami ngei jom kü shuohhen shei tempü shanghah jung danhenshang, jom peüi jomei mang lemthü kübü mong lephen aokpeih; hapakei vaijema ngei jomei mang hatü jomi shaitükpü mang peü tükhen.”

ZEPHANIAH 3:2

Pinnyüi Shembüpalei ngeü nedan, yeanpü sha neyah, Shembüpa kü hingnelem; Kahvang yopailei neheih.

JEREMIAH 25:5

Jomi am kü, “Shaang am peüi ammei nemeipü lemthü hatü ammei douten kübü mong leptuh. Shejüang Shembüpai am hatü ammei bühipa kü denshing shuohpü kahdokei nyuhen.

JEREMIAH 7:7

ngei den shingvaishi ambü ampa kü shuohpü kahdokei ngei am mü nyuhen.

2 PETER 3:9

Shembüpai lahtükpü nangkü hanei ami deihpükei kaaei nenyu, shejao üpayao nemahtükhüei, shejao peü mong lepei leihahhüpü nangkü am mü nenteiaokei danei nyüke.

JEREMIAH 38:17

Hahepak kü Jeremiah-i Zedekiah kü, “Jeiyong Shembüpa Kahvang, Israel Kahvangi hapakei enyüke: ‘Nüngi Babylon ongpalei lakchongbüthü touei shakei vamdaijema nüngei yangnyu yanghen, hatü hapa chingnyü awi neshamtükhen; nüng hatü am shem nyuhen.

JEREMIAH 8:6

Ngei jom kü lihen hatü banghen etepih, shejao jomi jiüshi ne-enyu; “Ngei mehe ten dükpa?” shei üpayao mong lepei neleinyu. Koyei vehokei mokpükei jom peü laophülei lem kü dainyüke.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

ISAIAH 5:4

Ngei ngelei nyalingngupai kah kü dükpü mü lenei ngei mehe nyeinya dükhenang? Ngei nyalingngupai meipü jükkahen shei ongyangjü, mehekei hapa kü thiokpü phaü ngupai jükpa?

2 SHÜPPÜKENGPÜ 33:11

Hanangkü Shembüpai jom khüei Assyria ongpalei veshan mübüthü shomei Manasseh am khoklatei yepei küp, shong kü nyiamphaaki kentü melangnyiami shatü Babylonei müei dei.

SHAHKÜP 4:16

Hanangkü am shingvaishi baha nevaijü nyüha kei,

KAHBHAO 6:12

Mekei kahdoknyü tendaipa, hangkuthü peü mang lem kü daikem.

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

JOB SHAHSHA APPÜ 36:10

Büpai venpü kü jomei dhaong apei banghünyeih, hatü mang kübü mong lephen shahkung shuohnyeih.

MENVIH KESHO 32:8

Ngei nüng kü daihen lem huhen hatü nyuhphahen; ngei nüng kü veishi shahnying meipü ephahen.

KANDOK 19:20

Shahnying epü bangtuh, hatü nyuhpüvenpü yahtuh, hatü shompülei nüng kon kohpü am leihen.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

JEREMIAH 17:23

Shejao jomi ha nebang hatü mong neshuoh; jomphong ngaümchong haüshi hatü ngei nyuhpüvenpü kü jomi nebangpeih.