ZEPHANIAH 3:5 - DAÜLANGPÜ LAIHING (BSI)

⁵ Shejao daülangpü Shembüpa jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

ZEPHANIAH 3:5 Referans Kwoze

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

YOUNG LAI 3:23

Jomphongü nepjeih ja kei khanha; nüng monglempü longpü nyüke.

MENVIH KESHO 145:17

Shembüpai büpalei lemthü peü kü shahhing enyeih, hatü büpai dükpü lemphü kü bampü kohshi düknyeih.

ZEPHANIAH 3:15

Shembüpai ammei hanghi yahlangteke, büpai ammei vepa ngaümphei yaaktükteke. Shembüpa, Israel amei Ongpa am mü nyüke; am hajük kü mehe kao nenyempih.

ISAIAH 28:19

Hapa meshükpa peihen, hajükpa am yah-ei deihen; nepjeih, nyihnüng, yanüng shei hapai am maoei shanlanghen” shei enyüke. Hapa shahjang danpai am nyemei vünghen.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

SHAHKÜP 23:14

Ammei baümtap daülangi tuhtuh; mehenangkü Shembüpa, ammei Kahvangi am yomhen hatü yanghen hatü vepathü ammei lak kü shuohhen shingvaishi am mü nyüke. Shembüpai am toueipü dok lepdaihen mü nebahnevaipü dou meheyao ammi tedük.

1 PETER 1:17

Shennyak peü kü laophülei dou aimü baong nehani shahphenpü Pa kü ammi nyükjema, wüpküpei nyushi ammi nyemei dhüm shuohpükei nyutuh.

ROM SHAHSHA APPÜ 3:26

Büpai hayü shaangpü hepak kü büpayü daülangshemshepü hatü üpai Jisu kü hinglem büpai dahshakhünyeih shei huhen shingvaishi ha dükteke.

ZEKHARIAH 2:5

Ngeiyü hapa shonei aw pe nyuhen, hatü ngei hapa mongkü hapalei müknyinshekhang vaihen” shei Jeiyong Shembüpai enyüke.

MENVIH KESHO 37:6

Büpai nüng daülangshemshepü vanghela kei nyahühen, nüng shahhing epü heshotapa kübü vanghe kei khanghühen.

JOB SHAHSHA APPÜ 34:10

Hanangkü amphong sholi kohpüthü, Kahvangi nemeipü düknyeih, Jeiyong Kahvangi nejiüpü dou düknyeih shei mechemao tedeih.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

LUK SHAHSHA APPÜ 12:2

Shakei nevamhen mü meheyao küpei neshiü, hatü nenyinghen mü meheyao joshi neshiü.

ZEPHANIAH 2:1

Oh neveüpü jathili, chemi thaituh.

HABAKKUK 1:3

Mehekei nüngi douten dükpü kü, hatü hanghi kü ngei veihünya? Benpülangpü hatü iy-aongmasha ngei shonei nyüke; dehilao hatü neshetnephen vamei nyüke.

MIKA 7:9

Shembüpai mongshih anpü ngei kohen; mehenangkü ngei büpa khüei mang thahteke, büpai ngei shing chingmeilemlingei dah shakei mangling thahshi ngei munenhen. Büpai ngei vangngai touei mühen, hatü büpa yemleipü ngei eehen.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 3:3

Hanangkü vang nekei-i shümlang, hatü ünyü vang nekeinyu; shejao am veüao neveüi büm yuei longteihen dhehilaü kohtü nyüke.

ISAIAH 50:4

Jeiyong Shembüpai nyiupünangpüthü kü mehe eshuohhen ha ngei kü nyuhphopeih. Nepjeih büpai ngei thahümahünyeih, nyuhbüi nyuhpü kü banghen ngelei dhaong thahünyeih.

ISAIAH 45:21

Shahphen shingei peiyei ammei nang etuh: jom chemi shahnying meipü yemtuh! Hapa vamkahen shei üpai shelei mebü teteivanpa? Peihdaipü hepak kübü-üng üpai hapa ehampa? Hapayü ngei, Shembüpai ephei nevaipü je? Ngei mü lenei daülangpü hatü lebü yemleipü Kahvang neshiüpih; Ngei mü lenei lebü üpaao neshiü.

ISAIAH 33:2

Oh Shembüpa, nüngi ham kü phahjishih; hami nüng omdannyeih. Nüngü nepjeih hamei wong, shanghah hepak kü ham yangbü vaikei.

JOB SHAHSHA APPÜ 8:3

Kahvangi shahhing nyonghünyu je? Nevaijü Jeiyong Kahvangi jiüpüang nyonghünyu je?

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

JOB SHAHSHA APPÜ 7:18

nüngi büpa nepjeih dohhen mü, hatü hepak ieyei büpa kü dokei veihen mü hangkuyü meheang?

MENVIH KESHO 92:15

Hapai Shembüpayü shahhing shei hunyüke, büpayü ngelei Yaongnyü; büpa kü nedaünelangpü meheyao neshiü.

EZEKIEL 18:25

Shejao ammi shao, “Shembüpai dükpeyü nejiüang” shei enyüke. Ha bangtuh, Oh Israel phang: Ngelei lemthü nejiüpü je? Ammei lemthü nejiüpü nevaipü je?

HOSEA 14:9

Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

HOSEA 6:5

Hanangkü ngei ngelei thibüthü shomei am mahtükpeih. Ngelei ju kübü shah homei am jütükpeih, hatü ngelei shahphenpü awlah vangngai kei dainyüpeih.