ZEPHANIAH 3:4 - DAÜLANGPÜ LAIHING (BSI)

⁴ Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.

ZEPHANIAH 3:4 Referans Kwoze

EZEKIEL 22:26

Ngongpathüi ngelei shahkungnyüthü mangtüknyüke hatü ngelei daülangpü douthü sheihtüknyüke; jomi daülangpü hatü nedaünelangpü nyi baong nehannyu; daülangpü hi nedaünelangpü nyi aa kü hayaoha hanpü neshiüpih shei nyuhnyüke; jomphong touei ngei nedaü-i leihühen shingvaishi jomi Sabbath kü dhüm neshuohnyu.

MALAKI 2:8

Shejao amphong jiüpü lem kübü biendai, hatü ammi nyuhpü venpai longi huluh shuohteke; ngei mü am Levi ami vangpüshuwpü mangtükteke shei Shembüpa Kahvangi enyüke.

HOSEA 9:7

Hanghihen nyihthü ngoikünyüke; Dükpü shangshi hanghihen nyihthü yopailei nyüke; Israel ami ha nyingtuh. Mehenangkü ammei mang ahshi-üng longdaipü nangkü; hatü nejiünepaipü ahdaipü nangkü thibüthü kü ngapa, hatü laangha shennyakthü kü yoipa khih shei deihnyüke.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

ISAIAH 9:15

behe hatü longhivangthüyü shangjing, hatü shahshem nyuhpü thibüthüyü mei.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

1 JOHAN 4:1

Bampü küphüthü, laangha peü kü ammi hingtelem, shejao hathüyü Kahvang leipü laanghathü vaila shei dokei veituh; mehenangkü shahshem thibüthü kahdoknyü kü longi vamei daiteke.

2 KORINT 11:13

Mehenangkü hakei changmeipüthüyü shahshem phongshanthü, lueilemei dükpüthü; jom nyingi Khristalei phongshanthü shei yeiyaei hunyüke.

MATHI 7:15

Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

JEREMIAH 23:32

Shahshem mangh tetei eteipüthü kü ngei khünyüpeih shei Shembüpai enyüke. Jomi ngelei nanglakthü kü shahshem eyei lemnyongei mülangnyüke, shejao ngei jom neshom nevaijü neje. Jomi maaniyao nanglakthü nanglei nedanghünyu shei Shembüpai enyüke.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

1 SAMUEL 2:22

Shaang Eliyü longi viüei behe leidai. Büpalei cheha nyi-i Israel am peü kü nopü hatü ashakshem shadenei chongphopü nyühathü mü mükbongjuyung dükpü jung danteke.

SHAHPHENBÜTHÜ 9:4

Jomphongi büpa kü Baal-Berith phopshem leipü ngin pejempüan yah-ei shuoh, hatü büpai hapa ngini büpa phei mühen shennyaktenthü shakteke.

JEREMIAH 34:19

Judah hatü Jerusalem kü mübüthü, ban tüktükpüthü, ngongpathü, hatü kahdok kü nyupü nanglakthü üami ha aa kü peih-ei kamnya,

EZEKIEL 44:23

Jomi ngelei nanglakthü kü mepa daülangpü hatü mepa nedaüpü nyuhhen, hatü nedaünelangpü hi daülangpü nyi baong hanei huhen.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

EZEKIEL 22:6

“Veituh, Israel ongthü peüi iy yenhühen laophülei wong nonyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.