ZEPHANIAH 3:3 - DAÜLANGPÜ LAIHING (BSI)

³ Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.

ZEPHANIAH 3:3 Referans Kwoze

HABAKKUK 1:8

Jomei koyeithüyü shahnyü mao shangshi moknyüke, het aeipü shuw mao mangpüba nyüke. Jomei koyei veshanthü tailu kahdok leipü peinyüke, jomü alang hahying kü laongpükei laongnyüke.

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

EZEKIEL 22:6

“Veituh, Israel ongthü peüi iy yenhühen laophülei wong nonyüke.

JEREMIAH 22:17

Shejao nüngei mükhimongü shahhing e-epü mop danghen, mang neshiüpü iy yenhen, mih kü shüveitü aettei daihen deihshi nyüke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

KANDOK 28:15

Ngüngei nyupü mailang, nevaijü kethen nyeandaipü sheptao keiha, taopathü shak kü nemeipü shennyaki vanglem lempü nyüke.

ISAIAH 5:29

Jomei ngeü mailang keiha, mailang cheha keiha jomi ngeü annyüke; jomi ngüngtü yemhathü yepnyüke, üpaiyao neyangaokhen mü jomi yah-ei lüdainyüke.

JEREMIAH 34:19

Judah hatü Jerusalem kü mübüthü, ban tüktükpüthü, ngongpathü, hatü kahdok kü nyupü nanglakthü üami ha aa kü peih-ei kamnya,

EZEKIEL 33:26

Ammi laophülei yanlu kü monglemnyüke, ammi jiühitnalaipü douthü düknyüke, hatü chingyowpalei nyüha mü mükbongjuyungnyüke; hapakei tuhtü ammi hapa kahdok yah-aokhen je?

JEREMIAH 23:11

“Thibü hatü ngongpa nyiphen Kahvang nenying; Ngelei shemei dangkao ngei mang eenyüke” shei Shembüpai enyüke.