ZEPHANIAH 3:20 - DAÜLANGPÜ LAIHING (BSI)

²⁰ Hapa nyih, ngei am haidaipüthü shemei müei leihen, mechem ngei am shao bümeiyangma leihühen, Kahdoknyü hangku peü khongkü ngei am kü dhüm shuohhen, hatü menvih shuohhen shei Shembüpai enyüke.

ZEPHANIAH 3:20 Referans Kwoze

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

MALAKI 3:12

Hahepak kü jat peüi am kü moihimanpü am shei nyükhen; mehenangkü ammei kahdok nyuhübenüng vaikahen shei Jeiyong Shembüpa Kahvangi enyüke.

ISAIAH 56:5

Ngei ngelei Phopshem hatü hapa pekon mongkü nebeyaong hük, hatü hapeüthü mao meipü men shuohhen; Mechemao nekatihen nedohnetenpü men ngei jomphong kü shuohhen.

ZEPHANIAH 3:19

Ha nyih ngei am kü shüveipüthü kü shüveihen. Ngei lakkholanopüthü yanghen, hatü haidaipü nanglakthü thailanghen. Jom veüponghüpü kahdok peü kü veüpong nangjei menvih shuohhen.

AMOS 9:14

Ngei wüpküpei lüdaipü ngelei Israel nanglakthü müei leihen. Jomi bentükpü chingnyüthü ja lingei leihen, hatü halei chingchingei nyuhen. Jomi nyalingngupai sheihen, hatü haleipü yiü yinghen. Jomi pe showhen hatü haleipü betjük hahhen.

JOEL 3:1

Shembüpai enyüke: Hathü nyih kü hatü hapa hepak kü ngei Judah hatü Jerusalem kü nükhah nyiamhaümhen nyokei shuohhen.

EZEKIEL 34:16

Ngei mahdaipüthü yemhen, paüdaipüthü yemei leihen, hatü ngei jomei makaw thünghen, hatü ngei wong nekohpüthü wong kohhühen, shejao nitshüpü hatü wong kohpüthü mahtükhen. Ngei shahhingi jom kü ühyinghen.

ISAIAH 60:15

Üpaiyao am peih-ei nekamtei-i peüi am yaktük hatü jiühitteke, shejao ngei am den kü müknyinshekhangpü hatü denshem peü kü mongongmonglepü leihühen.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.

EZEKIEL 39:28

Shejüang jomi ngeiyü Shembüpa, jomei Kahvang shei nyinghen; mehenangkü ngei jom wüpküpei deishih, hatü hükao ne-aophongi jomei kahdokei müei leipeih shei nyinghen.

EZEKIEL 37:21

hatü Shembüpa Kahvangi hapakei enyüke shei hathü kü etuh: Ngei Israel am jatthü touei yandaipü peü leihen, ngei jomphong peü lemeipü thaihen, hatü jomei kahdokei müei leihen.

EZEKIEL 28:25

Shembüpa Kahvangi hapakei enyüke: “Mechem ngei Israel nanglakthü jatthü touei haidaipü thaiyei leihen, hatü jatthüi eeshi ngelei daülangshemshepü huhenshang, shejüang jomi ngei ngelei chongphopü Jakob kü shuohpü kahdokei chingchingei nyuhen.

ISAIAH 66:22

Shembüpai enyüke: “Ngei lingpü vangsho jathü, hatü kahdoknyü ja denden kü nyupü keiha ammei men hatü hühihathü denden kü nyuhen.

ISAIAH 61:9

Jatthüi jomei hühihathü, hatü shennyakthüi jomei lihilathü nyinghen. Jom eepü peüi jomü Shembüpai moihimanpü shennyakthü shei nyinghen.

MENVIH KESHO 35:6

Shembüpalei vangsho phongshanthüi changshing kü jomei lem shangmang hatü nyüshi leihütuh;

EZEKIEL 37:12

Hanangkü teteivanei hathü kü Shembüpai hapakei enyüke shei etuh: “Ngei ammei mahngchongthü aphen, hatü am mahngchong leipü paohühen, Oh ngelei nanglak, hatü ngei am Israel kahdokei müei leihen.

ISAIAH 62:12

Amphong keyü, “Daülangpü Nanglak, Shembüpai yanglangpüthü” shei nyükhen; hatü Jerusalem kü, “Yemei Dangpü, Kahvangi Neyakphongpü Chingnyü” shei nyükhen.

EZEKIEL 16:53

Ngei Sodom am hatü jomei yiükhathü hatü Samaria am hatü jomei yiükhathü lomohpü shao nyipabü daeisheyei leihühen. Hih, ngei Jerusalemao daeisheyei leihühen.

ISAIAH 62:7

Büpai Jerusalem mangling thahshi büpa kü nyiumeihen teshuoh, hatü hapayü kahdoknyü kemeilei men-e leihütuh.

ISAIAH 56:8

Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.

SHAHKÜP 26:18

Hatü shinnyih Shembüpai am kü büpalei nanglak, hatü büpai lahpükei büpalei mophimo shei baongteke, hatü amphongi büpalei shahkungthü peü banghen eteke.

SHAHKÜP 26:19

Büpai lingpü lebü jatthü peü shak kü büpai amphong vihpülüpü, menmei hatü dhüm kü tuhhen hatü Shembüpa, ammei Kahvangi lahpükei amphongü büpa lompü daülangpü nanglak vaihen.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

EZEKIEL 39:13

Kahdok kü nyupü nanglakthü peüi mahng vühen, hatü ngelei müknyinshekhang hupü nyih jomi dhüm danghen, shei Shembüpa Kahvangi enyüke.

ZEKHARIAH 8:8

hatü Jerusalemei nyuhen shingvaishi ngei jom nyokei leihen. Shahhing hatü daülangshemshepü kü jom ngelei nanglak vaihen, hatü ngei jomei Kahvang vaihen.”

JEREMIAH 23:3

Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

ZEKHARIAH 8:13

Oh Judah hatü Israel phang, jatthü khongkü am thaüvaütükpü jat nyuteke, shejao ngei am yanghen, hatü amü moihimanpü hük vaihen. Tenyem, shejao monglongtuh.”