ZEPHANIAH 3:19 - DAÜLANGPÜ LAIHING (BSI)

¹⁹ Ha nyih ngei am kü shüveipüthü kü shüveihen. Ngei lakkholanopüthü yanghen, hatü haidaipü nanglakthü thailanghen. Jom veüponghüpü kahdok peü kü veüpong nangjei menvih shuohhen.

ZEPHANIAH 3:19 Referans Kwoze

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

JEREMIAH 30:16

Shejao üami am lühtükpa jomao lühtükhen, hatü ammei vepathü jom peü wüpküpei daihen. Üami am leipü aeteishepa jom kao aeteishehen, hatü üami am kü shüvei, jom kao shüveihen.

ZEPHANIAH 3:15

Shembüpai ammei hanghi yahlangteke, büpai ammei vepa ngaümphei yaaktükteke. Shembüpa, Israel amei Ongpa am mü nyüke; am hajük kü mehe kao nenyempih.

MIKA 7:10

Hahepak kü ngelei vepai ha eehen, hatü ngei kü, “Shembüpa, nüngei Kahvang melei nyüpa shei epüthü veüpai dhe kü jümlanghen. Ngelei müki lekei pinnyü lomohpü eehen, hatü shaangao pinnyü-ü lemnyüvang kübü nyaühut kü nyeüpükei nyeütükhen.

EZEKIEL 34:16

Ngei mahdaipüthü yemhen, paüdaipüthü yemei leihen, hatü ngei jomei makaw thünghen, hatü ngei wong nekohpüthü wong kohhühen, shejao nitshüpü hatü wong kohpüthü mahtükhen. Ngei shahhingi jom kü ühyinghen.

ISAIAH 61:7

Am shelei longi veütükpü nangkü ammi moihiman shingnyi danghen; Am veü pongpü nangjei nedohnetenpü mongongü amphongei vaihen.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

HEBREW 12:13

Ammei lemthü pha jiüei lingtuh, shejüang lakhopüthü neaoknethangi nenyuhen, shejao meidaihen.

ISAIAH 60:18

Depülaopü nevaijü lomoh aühaü, benpülangpü jung ammei kahmük konmong kü nedanhen, shejao ami ammei bham kü Yemleipü hatü ammei penyüsha kü Menvih shei nyükhen.

EZEKIEL 39:26

Jom nyemhühen üpayao neshiüi mechem hapa kahdok kü nyiushemmei kü nyuhenshang, jomi ngei touei veü pongpü hatü hingnelempü peü betükhen.

SHAKEI VAMPÜ 20:9

Jomi kahdoknyü ba kü yaüei daiyei daülangpüthülei baümtap hatü daülangpü chingnyü kü shonteke. Hahepak kü vangsho leipü aw yiüei jom hahtük,

JEREMIAH 46:28

Nüng tenyem, Oh Jakob, ngelei chongphobü; mehenangkü ngei nüng mü nyüpeih shei Shembüpai enyüke. Am yaneipanei nyupü jatthü peü mahtükjao, ngei am chemjalak kü nemahtükpih. Ngei am kü dhaong kü shükhen, shejao shahhingi dükhen. Ngei am chemjalak kü nehanghi-i payü nepeihhüpih.

ISAIAH 62:7

Büpai Jerusalem mangling thahshi büpa kü nyiumeihen teshuoh, hatü hapayü kahdoknyü kemeilei men-e leihütuh.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

JEREMIAH 31:8

Veituh, ngei apshaphi kahdok leipü jom müei leikahen, hatü kahdok dohpü leipü jom thailanghen. Jom khongkü mükphüngpa, hatü la khodaipü nyuhen, hapeü anghen nyüthü hatü anghen tüngpü nyühathü nyuhen; khongnyü longpü hük leikahen.

EZEKIEL 16:27

Hanangkü ngei am khüei lak haongpeih hatü ammei kahmük maanei leitükpeih; ammei nemeipü nyingnyoi eeyei veüei deihpü hahnempü vepa Philistia am kü shuohtükpeih.”

EZEKIEL 16:57

ammei mang shakei vamei manghu shekü nenyuhampü je? Shejao shaangü am-ang Edom, Philistia hatü am kü jiühitpü am shei nyupü jatthü touei mihnyi pü leiteke.

EZEKIEL 39:13

Kahdok kü nyupü nanglakthü peüi mahng vühen, hatü ngelei müknyinshekhang hupü nyih jomi dhüm danghen, shei Shembüpa Kahvangi enyüke.

ZEKHARIAH 8:23

Jeiyong Shembüpai hapakei enyüke: “Hapa nyihhihe kü shahlem hatü jat laolao kübü shennyak an peiyei Jehoda amei shennyak hükei ashakjung kü shongtü, ‘Hamphongao nüng mü daiküshah; mehenangkü Kahvangü am mü nyüke shei hami danpeih’ shei ehen.”

SHAHKÜP 26:19

Büpai lingpü lebü jatthü peü shak kü büpai amphong vihpülüpü, menmei hatü dhüm kü tuhhen hatü Shembüpa, ammei Kahvangi lahpükei amphongü büpa lompü daülangpü nanglak vaihen.

SHAHPHENBÜTHÜ 1:7

Hahepak kü Adoni-bezeki, “Ngelei nükdü phangei ongthü pejempüan jomei lakphiennyü hatü laphiennyü dehtüktü nükkuk homei hahshi nyuhampeih. Ngei mehe hathü kü dükshuohpa, shaang Kahvangi ha ngei kü nyokei yahphopü khih” shei e. Jomphongi büpa Jerusalemei yah-ei lei, hatü büpa halei didai.

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

JEREMIAH 30:19

Jom leipü menvihpü kesho vamhen, hatü mongongpü ngeü vamhen. Ngei jomei nanglak bhei-ie nyeinya dahühen, hatü jom maanei neleihen; Ngei jom kü dhüm koei peihen, hatü jom nevüshihhen.