ZEPHANIAH 3:13 - DAÜLANGPÜ LAIHING (BSI)

¹³ Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

ZEPHANIAH 3:13 Referans Kwoze

SHAKEI VAMPÜ 14:5

hatü jomei ju kü shahshem neshiü, jom kü eela neshiü.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

MIKA 4:4

Shejao shennyak peüi laophülei nyalingngupai, hatü laophülei adhapü dhüm phangkü uohen, hatü üpaiyao jom nenyemhühen; Mehenangkü Jeiyong Shembüpai lah-ei eteke.

ISAIAH 17:2

Aroer chingnyü-ü den kü lavüngtoiyei tuhhen; Üpa kao nenyemi yemhimakthüi lemlemleyei het hahshing leidaihen.

JOHAN 1:47

Mechem Jisui Nathanael ngoijapü eepa, “Meheyao shahshem neshiüpü hingshangpü Israel am hatouei nyüke” shei büpai büpa nang e.

JOEL 3:17

Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

EZEKIEL 39:26

Jom nyemhühen üpayao neshiüi mechem hapa kahdok kü nyiushemmei kü nyuhenshang, jomi ngei touei veü pongpü hatü hingnelempü peü betükhen.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

JEREMIAH 23:4

Ngei jom haümhen mi yombüthü tuhhen, hatü jom hajük kü nenyemhen nevaijü nehanhen, nevaijü nemahnechahhen” shei Shembüpai enyüke.

ISAIAH 54:14

Daülangshemshepü kü am chonglingei nyuhen; shüveidoidei am toueipü taishi lüdaihen, am nenyemhen, nehanhen, mehenangkü hapayü am yopailei nepeikahen.

SHAKEI VAMPÜ 21:27

Shejao halei nedaünelangpü, nevaijü jiühitnalai dou dükpü nevaijü shahshem meheyao neshüaokhen, shejao Mi Chehalei yangnyu laitap kü men nyangei nyupüthü mon shühen.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.

1 PETER 3:14

Shejao ammi jiüpü dükpü kü shangpongjema, am moihimanpü. Jomi mehe kü nyem, ha kü ammi tenyem, nevaijü tehan,

KOLOSI 3:9

Am hüki hük mü shahshem te-e; mehenangkü ammi hathü dükhiling mü shennyak chang yaktükteke,

MATHI 13:41

Shennyak Ha-i büpalei vangsho phongshan shomhen, hatü büpalei ongching kü mang thahhüpüthü hatü mang dükpüthü peü thaihen,

MIKA 7:14

Nüngei lenshuoh-i nüngei nanglak mithü, nüngei mükjüp mi khong haümtuh. Jom yingnyü yingmongei paüeiyonei lüdaijao, jom shonei phenha vunglak nyüke. Peihdaipü aivang nyih kü keiha, jomphong Bashan hatü Gilead phenni üh-ei haümtuh.

JOEL 3:21

Jomei iy yenpü bhüh ngei yemhen, hatü ngei nejiüpü am neyanghen; Mehenangkü Shembüpa ngei, Zionlei nyunyüpeih.”

ISAIAH 65:10

Ngei yempü ngelei nanglakthü shingvaishi Sharonü jomei mithüi het hahshing, hatü Akhor kahjiyü jomei yemhathü lemeilehen shing vaihen.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

MENVIH KESHO 119:3

Jomi nejiüpü meheyao nedüknyu, jomi büpalei lemthü kü kamnyüke.

MENVIH KESHO 23:2

Büpai ngei thüngkon shangkü lemhünyeih; büpai ngei nenmü nyupü yung touei münyeih;

LEVI 26:6

Ngei ammei kahdok kü chingmeivangmei shuohhen hatü am lakbowlayangei nyuhen; üpaiyao am nenyemhühen: Ngei kahdok kübü meishih nyahmang nüngtükhen hatü ammei kahdok kü vehok nevamhühen.

JOB SHAHSHA APPÜ 11:19

Nüng doeile-i lemhen, üpaiyao nüng nenyemhühen; hatü longshi shingi nüng khüambakei yaongkahen.

MENVIH KESHO 120:2

Shahshem epü ju hatü lueilempü yeijaang kübü ngei yangshihma, Oh Shembüpa.

MENVIH KESHO 120:3

Am kü mehe shuohhen? Mehe nyeinya am kü dükphahen Oh lueilempü yeijaang?

ZEPHANIAH 3:5

Shejao daülangpü Shembüpa jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

ZEKHARIAH 8:16

Hathü dou ammi dükhen vongbong: Hüki hük mü shahhing eteituh, hatü shahphen shingei chingmei shingvaishi shahhing hatü jiüpü shahphen shuohtuh,

2 SHÜPPÜKENGPÜ 20:30

hatü Jehoshaphatei ongching chingmeivangmei kü nyu; mehenangkü Kahvangi büpa kü lem peü philei nyiumei shuohteke.

ZEKHARIAH 8:12

“Jomi chingmeivangmei kü sheili haihen, nyalingngupai-i betjük jükhen, kahdoki sheili kohhühen, hatü vangshothü nyien yethühen. Hathü dou kemei aopü nanglakthülei mükjüp vaihühen.