ZEPHANIAH 2:9 - DAÜLANGPÜ LAIHING (BSI)

⁹ Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

ZEPHANIAH 2:9 Referans Kwoze

ISAIAH 11:14

Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

ISAIAH 25:10

Shembüpalei lak hapa kahshangei haühen; shejao Moab amü kahcheü ngümshingei hahtang kü ngümpükei ngümtükhen.

JEREMIAH 50:40

Kahvangi Sodom hatü Gomorrah hatü jomei chingyowthü changtükpükei, üamao halei chingchingei nenyuhen shei Shembüpai enyüke.

JEREMIAH 48:1

Jeiyong Shembüpa, Israel Kahvangi hapakei enyüke: “Nebo am onyükei! Mehenangkü hayü lavüngtoiyei tuhphonghen. Kiriathaim am veü ponghühen, hatü neüei yahlanghen; jomei penyüsha veühühen hatü bentükhen.”

ISAIAH 49:18

Ammei mük vamei am shineileyei veituh; ammei nanglakthü peü chemi thaitü am touei peikünyüke. Ngeiyü vanyangyem Kahvang, ammi hathü kemei ownyülangha kei, doidainyüi ow owpükei hathü owhen.

ROM SHAHSHA APPÜ 14:11

Hapa nyangei nyüke: “Ngeiyü hingmei mü yemmü nyupü Kahvang shei Shembüpai enyüke. Peüi ngei touei lashüh-i shüngei aümei shahen; yei peüi Kahvang lahhen.”

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

ZEPHANIAH 2:14

Mi khong hatü mi yombüthü, hatü lemphü yemhimakthü paümshing leitükhen. Hapa chingnyü-ü langdathü, hatü ashühlaongkaong paümshing leitükhen. Ashühlaongkaongi ümha shaden kü baktü vaühen, ashapai shaden kü uotü lokhen. Cedar pü-i vetükpü shem kü shemnyü ajung vang hengei vamkahen.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.

AMOS 1:13

Shembüpai hapakei enyüke: Ammon amei mang jem nangkü, hatü ali shingvaishi ngei hanghi neyahlangpih; mehenangkü jomei kahmük viong dahen nangkü Gilead amei büm nekongpü nyühathülei vom shaaktükteke.

JEREMIAH 49:18

Sodom hatü Gomorrah nyi mü chingyowthü paoh-ei yaktükpü keiha, üpayao halei nenyuhen shei Shembüpai enyüke.

JEREMIAH 46:18

Ngeiyü vanyangyem Kahvang, Jeiyong Shembüpa, ongpa. Kahshangthü peü mü Tabor Kahshang shaopü keiha, yungching shangkü Karmel kahshang shaopü keiha, am hahhen hük peikahen.

BHEI-IE 14:21

Shejao hingmeipa, ngeiyü vanyangyem Kahvang, hatü kahdoknyü peü Shembüpalei müknyinshekhangi mahen.

JEREMIAH 49:1

Ammon am nangkü Shembüpai hapakei enyüke: “Israel kü yeshangthü neshiüpü je? Büpalei mükjüp yahhen am neshiüpü je? Shejü mehekei Molekh kahvang kü khümpüthüi Gad amei kahdok yahlangpa? Mehekei jom halei nyunya?

JEREMIAH 49:33

Hazor-ü shuwthülei baümshing leidaihen, lavüngtoipü shing leitükhen; halei üpayao nenyuhen nevaijü halei chingchingeinenyuhen.”

AMOS 2:1

Shembüpai hapakei enyüke: Moab amei mang jem nangkü, hatü ali shingvaishi ngei hanghi neyahlangpih. Mehenangkü büpai Edom ongpalei vang dhon kü cheüteke.

SHAHKÜP 29:22

Ngoikahen ammei pheiha deni hatü tailu leipü kung shennyakthüi hapa kahdok kü Shembüpai hapa keipü shangpong yakying hatü lomoh-aühaü shuohpü je shei veihen.

ZEKHARIAH 2:13

Hangkuli peü Shembüpa touei nenmü nyutuh; mehenangkü büpa laophülei daülangpü shing kübü peikünyüke.