ZEPHANIAH 2:7 - DAÜLANGPÜ LAIHING (BSI)

⁷ Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.

ZEPHANIAH 2:7 Referans Kwoze

ZEPHANIAH 3:20

Hapa nyih, ngei am haidaipüthü shemei müei leihen, mechem ngei am shao bümeiyangma leihühen, Kahdoknyü hangku peü khongkü ngei am kü dhüm shuohhen, hatü menvih shuohhen shei Shembüpai enyüke.

EZEKIEL 39:25

Hanangkü Shembüpa Kahvangi hapakei enyüke: Ngei shaang wüpküp leipü Jakob müei leihen, hatü Israel nanglak peü kü ngei shinshanghen, hatü ngei ngelei daülangpü men kü nyakeikenhen.

MÜLANGPÜ 4:31

Nanglakthüi hinglem; hatü mechem jomi Shembüpai jom ponghahpü eeyei junghen peipeih shei danpa, jom aümei shaei khümteke.

LUK SHAHSHA APPÜ 1:68

Shembüpa, Israel Kahvang moihimantuh; mehenangkü büpai laophülei nanglak kü phahjiyei veiteke, hatü jom angei leiteke.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

OBADIAH 1:19

Negeb leipü shennyakthüi Esaulei kahshangthü khüamlanghen, hatü heshüphi kahshangla kübü shennyakthüi Philistia yahlanghen, jomi Ephraim hatü Samaria kaamlanghen, hatü Benjamin phangi Gilead yahlanghen.

JEREMIAH 33:7

Ngei Judah hatü Israel am wüpküp leipü müei leihen, hatü shelei nyupükei lingei leihen.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

ROM SHAHSHA APPÜ 11:5

Hanangkü shaangao phahjipai jelangpü aopüthü nyüpeih.

PHONGSHANTHÜ DOU 8:40

Shejao Philip Azotuslei vam, hatü mechem büpai hapa moidoi homei daipa büpai Kasarea mangngoi thahshi jila peü kü shahjangmei baongteke.

PHONGSHANTHÜ DOU 8:26

Hapheikü Shembüpalei vangsho phongshan hüki Philip kü, “Yaongtuh hatü Jerusalem leipü Gazalei yiüpü lem pehe philei daituh” shei e. (Hapayü jahpanei daipü lem.)

LUK SHAHSHA APPÜ 7:16

Jom peü nyempai madai, hatü jomi Kahvang müknyinshekhangei, “Jen touei thibü longpü hük vamteke” hatü “Kahvangi laophülei nanglak yanghen peiteke” shei e.

MIKA 4:10

Oh Zion nela, nyü hüki moi paishingkü tüngpü kü kei lepeilükei theptuh; Mehenangkü shaang nüng chingnyü tuhtü koshoya kü tapshaü shaüei nyunüng daihen. Nüng Babylonei daihen, halei Shembüpai nüng yangei tuhhen. Halei Shembüpai vepalei lak kübü nüng anglanghen.

JEREMIAH 32:44

Benjamin kahdok kü, Jerusalem shinpü chingthü, Judah jilathü, heshüphi kahshangla hatü Negeb kü kahthü shakei hapa kü füoshang shingei denpü shuohhen, mehenangkü ngei laphen lingei leihen” shei Shembüpai enyüke.

JEREMIAH 31:7

Shembüpai hapakei enyüke: “Jakob nangkü mongongpai kesho loktuh; jatthü khongkü peü mü shongpüba kü menvih kesho loktuh, hatü, ‘Oh Shembüpa, aoei nyupü nüngei Israel nanglak yangtuh’ shei etuh.”

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 23:3

Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

MENVIH KESHO 85:1

Shembüpa, nüngi nüngei kahdok kü phahjiei deihteke; nüngi Jakob shao daeisheyei leihüteke.

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

HAGGAI 2:2

Shieltielei cheha Zerubbabel, Judah amei governor, Jehozadakei cheha Joshua ngongchong hatü aopü nanglakthü kü hei etuh.

HAGGAI 1:12

Hahepak kü Shieltielei cheha Zerubbabel, Jehozadakei cheha Joshua ngongchong, hatü Babylon leipü leipü nanglakthü peü Shembüpa, jomei Kahvangei ngeü hatü Haggai thibülei shahjang ven bang; mehenangkü Shembüpa, jomei Kahvangi büpa shom, hatü nanglakthüi Shembüpa kü nyemteke.

ZEPHANIAH 2:9

Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

ISAIAH 14:1

Shembüpai Jakob kü shinshangei deihhen, hatü shao chem büpai Israel am jehen, hatü büpai jom jomei kahdokei chingchingei nyuhühen. Kung amao jom mü shephen, hatü Jakob phang mü mongjemhen,

RUTH 1:6

Mechem pinnyü Moab kahdokei nyupa, Shembüpai laophülei nanglak kü hahying moihiman longi shuohnyuja shei danei Naomi hatü cheha nyilei nyüha nyi müei Moab leipü layaongei leihen tem.

MENVIH KESHO 80:14

Ham philei lepkei, Oh Jeiyong Kahvang, Vangsho leipü ham kü veiyei shanshih! Hapa nyalingngupai kah kü veituh;

ISAIAH 11:16

Israel am Ijip leipü leishingkü lemnyüshong nyupü keiha, Israel am Assyria leipü aoei leipüthü shingvaishi lemnyüshong vamkahen.

ISAIAH 32:14

Mehenangkü ongshem yakphonghen, ngetnahcheüi nyupü chingnyü vüngmaki tuhphonghen; shangching hatü shangdü peü yakphonghen, hatü hapayü gaduthü ngaleshing, hatü mithü het yemhah shing leidaihen.

JEREMIAH 29:10

Shembüpai hapakei enyüke: Mechem bong pejempüan lomhenshang, ngei am touei peihen, hatü am hapa shingei müei leihen shei ngei lahpü jiühühen.

JEREMIAH 33:12

Jeiyong Shembüpai hapa enyüke: “Shennyak nevaijü yemhimak neshiüi lavüngtoiyei nyupü hapa shing kü jilathü peü kü mi yombüthü jomei mithü deiyei het ühhen thüngkon danghen.

JEREMIAH 47:5

Mahng theppai Gaza ami sho chaei kuptükhen; Ashkelon am nenmü nyudaiteke. Oh kahjilei aoei nyupüthü, meshük lushi am nyingi ma yahpü nyuhenang?

HOSEA 6:11

“Oh Judah, ngei ami dükpü dou nangkü am hanghihühen hepak ittüktü nyüpeih.”

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

ISAIAH 11:14

Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.