ZEPHANIAH 2:14 - DAÜLANGPÜ LAIHING (BSI)

¹⁴ Mi khong hatü mi yombüthü, hatü lemphü yemhimakthü paümshing leitükhen. Hapa chingnyü-ü langdathü, hatü ashühlaongkaong paümshing leitükhen. Ashühlaongkaongi ümha shaden kü baktü vaühen, ashapai shaden kü uotü lokhen. Cedar pü-i vetükpü shem kü shemnyü ajung vang hengei vamkahen.

ZEPHANIAH 2:14 Referans Kwoze

AMOS 9:1

Ngei moidü touei Shembüpa yaongshi ee, hatü büpai eteke: Chongnyiam shing jenhen mü phopshem shemnyü ajung kü hateishuoh, hatü hathü benei nanglakthülei shangjing kü shükeishuoh, hatü ha kübü yangpüthü ngei ngelei yani mahtükhen. Jom hükao nyaiyei nedaiaokhen, jom hükao neyanghen.

JEREMIAH 22:14

“Ngei ngei nyingi jaandokei shing longi kohpü dungnukthü kohshi shem vehen” shei büpai enyüke. Hanangkü büpai ha kü ümha shadenthü longi kohshi, cedar pü yah-ei shihtü ha kü hakla long nyionyüke.

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

ISAIAH 14:23

Ngei pinnyü-ü ashühlaongkaong nyushing, hatü yung iishing leitükhen; ngei pinnyü-ü bhangmah lihümbenüng nyüpmaohani maoei yaktükhen shei Jeiyong Shembüpai enyüke.

ZEPHANIAH 2:6

Yungkung kü nyupü amei kahdokü mi yombüthü ngaleshing koshoya, hatü mi khaok veshing vaitükhen.

MENVIH KESHO 102:6

Ngeiyü phaüou keiha, hatü chingkong kübü ashühlaongkaong kei leidaiteke.