ZEPHANIAH 2:11 - DAÜLANGPÜ LAIHING (BSI)

¹¹ Shembüpai jomphong nyemhühen, büpai kahdoknyü kahvangthü kong leihühen; Yungkung kübü chingthü peüha, hatü shübaong kübü jatthü peüha, laophü laophü nyushingei aümei büpa kü khümhen.

ZEPHANIAH 2:11 Referans Kwoze

ZEKHARIAH 13:2

Hapa nyih kü, deih-ei danghen shingvaishi kahmük kü nyupü lajeithü men peü katitükhen, hatü kahmük kü nyupü thibüthü hatü nedaüpü laanghathü changtükhen,

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

HOSEA 2:17

Ngei pinnyülei ju kübü Baal menthü yaktükhen, hatü jomi hapa men ne-yei nenoteihen.

MENVIH KESHO 138:4

Kahdoknyü ongthü peüi nüng kü vihhen, Oh Shembüpa, mehenangkü jomi nüngei shah danteke.

KAHBHAO 10:5

Yungkungei haiyei daipü shennyakthüyü hathü kübü nyüke. Hathüyü Japhethlei hühihathü jomei kahdokei jomei shah eshi, jomei mükhiphang, jomei jat shei nyuteke.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

ZEKHARIAH 8:23

Jeiyong Shembüpai hapakei enyüke: “Hapa nyihhihe kü shahlem hatü jat laolao kübü shennyak an peiyei Jehoda amei shennyak hükei ashakjung kü shongtü, ‘Hamphongao nüng mü daiküshah; mehenangkü Kahvangü am mü nyüke shei hami danpeih’ shei ehen.”

ZEKHARIAH 8:20

Jeiyong Shembüpai hapakei enyüke: “Shennyakthü longi hatü chingnyüthü kü nyupüthü longi peikahen;

ZEPHANIAH 3:9

Hahepak kü jom peü kemei Shembüpa kü nyükhen shingvaishi, hatü pang hük kü paaitü büpa chongphohen shingvaishi, ngei nanglakthülei jubenyeijaang daütükhen.

ZEPHANIAH 1:4

Ngei Judah hatü Jerusalemei nyupüthü khüei ngelei lak nohen; Ngei halei Baal kahvang kü khümteipü douhinang aopüthü peü mangtükhen, hatü lajei khümpü ngongpathülei men katitükhen.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

ISAIAH 49:1

Ngei epü bangtuh, am yungkungei nyupüthü, hapa bangtuh, tailu kahdok leipü shennyakthü! Ngei büh shekü Shembüpai ngei nyükpeih, onyülei vom mongei nyushi büpai ngei jepeih.

ISAIAH 42:10

Shembüpa kü kesho ja hük lokeishuoh, kahdoknyü dohpü jung ngoishi büpa menvihpü loktuh! Yungchingi ngeü antuh, hatü haleipü yemhamakhathüi, yungkung kahdokthüi hatü halei nyupüthüi menvih kesho loktuh.

ISAIAH 42:4

Büpai kahdoknyülei shahhing mangling thahshi büpai mongmah-ei, nevaijü mong maanei nenyukahen.

MENVIH KESHO 86:9

Nüngi lingpü jatthü peü peiyei nüng kü aümei khümhen, Oh Shembüpa, hatü nüngei men müknyinshekhanghen.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

SHAHKÜP 32:38

Ammi hathü kü ammei moila kübü cheü ühhamteke, hatü yinghen yiü shuohteke. Hathü peiyei nyemsheühpha, hathüi am loishing nyemyahpha.

JEREMIAH 10:11

Nüngi hathü kü hapakei etuh: Kahvangthü mepai kahdok hatü vangshothü neling, lomi hapa kahdok hatü vangsho phang kübü mahdaihen.

JEREMIAH 46:25

Jeiyong Shembüpa, Israel Kahvangi hapakei enyüke: “Ngei Thebes amei Amon kahvang, Pharaoh, Ijip hatü jomei kahvangthü, ongthü hatü Pharaoh kü mongnyangpüthü kü hanghi koei peihen.

DANIEL 11:18

Hapheikü yungnah phi kübü jatthü lemei dhe lepei leihen hatü hathü ching longi hahhen. Shejao veshan mübü hüki büpa nebahnevaipü dohtükhühen; hih, büpa nebahnevaipü büpa kü büpai nyokei shuohhen.

MALAKI 1:14

Mi khongkü meipü mi chebaong nyüpeih, hatü ha shuohhen shei lahtü üpai lueilemei kawhikang kohpü yem Shembüpa kü moilanya, büpa thaüvaüthemthetuh. Mehenangkü ngeiyü longpü ongpa hatü jatthü peüi ngelei men kü nyemhen shei Shembüpa Kahvangi enyüke.

ISAIAH 2:18

Lajeithü chemjalak kü mahdaihen.

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.