ZEPHANIAH 1:7 - DAÜLANGPÜ LAIHING (BSI)

⁷ Shembüpa tou kü nenmü nyutuh; mehenangkü Shembüpai shahphenhen nyih ngoikünyüke. Shembüpai jakpü moila shuohhen temnyüke; büpai laophülei nanglakthü ha kü jakhen.

ZEPHANIAH 1:7 Referans Kwoze

HABAKKUK 2:20

Shejao Shembüpayü laophülei daülangpü khümshemei nyüke; kahdoknyü peüi büpa touei nenmü nyutuh!

ZEKHARIAH 2:13

Hangkuli peü Shembüpa touei nenmü nyutuh; mehenangkü büpa laophülei daülangpü shing kübü peikünyüke.

ZEPHANIAH 1:14

Shembüpalei nyih longpü yopailei nyüke, yopai-i hatü lomi peikünyüke. Bangtuh! Shembüpalei nyih kü theppeyü shahyaki nyukahen. Ha nyih wong kohpü veshanthüiyao nyempai thephen.

JEREMIAH 46:10

Hapayü Shembüpa, Jeiyong Kahvangei nyih, hapayü bhüh yempü nyih, hapayü büpai vepathü kü bhüh yempü nyih hük. Büpalei yanlui mangmoh thahshi hahhen, hatü iy-i yungle mangmei thahshi ha yinghen. Mehenangkü Shembüpa, Jeiyong Kahvangi apshaphi kahdok kü Euphrates yungyenei moila hük shuohhen.

ISAIAH 34:6

Shembüpalei yanlu-ü moila shuohpü mi, hatü yum iy, milei she kübü cheü keiha, jomei iy-i haiyei hatü cheüi jümshi nyüke. Mehenangkü Shembüpai Bozrahlei moila shuohhennyüke, hatü Edomei jühen longi nyüke.

ISAIAH 13:6

Theptuh, mehenangkü Shembüpalei nyih yopailei nyüke; hapayü Shembüpai mahpüchahpü koei peipü nyih vaihen.

MATHI 22:4

Shao büpai lebü chongphobüthü kü, “Nyükpüthü kü hapakei etuh: Veituh, ngei mo temtepih, ngei mohohbaong hatü nitshüpü mohoh chehathü jütepih, hatü lemphü temei nyüpeih; yiükjing molei peikei” shei ehen shom.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

1 SAMUEL 16:5

Samueli “Hih, ngei Shembüpa kü moila shuohhen peiküpeih. Amphong laophü nyingi daüeilangtüktuh hatü ngei mü moila shuohhen peikei” shei e. Hapheikü büpai Jesse hatü hapeüthü daühü hatü jomphong kü moila shuohhen nyük.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

AMOS 6:10

hatü dipü shennyakei shem ami mahng vühen shingvaishi shem leipü mahng ngaihen shüei tukshoukei nyupü hanei am kü phehen, “Nüng mü lebü hanei nyüla?” Ngeü hüki janghen, “Üpayao neshiü.” Hahepak kü shem ami, “Nenmü nyutuh! Jeni Shembüpalei men houmei ne-eteihen vongbong” shei ehen.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

EZEKIEL 7:10

Veituh, hapa nyih peiteke! Lomoh-aühaühen ngaiheyei vamteke. Üpteilenteipü madaiteke, changmeileüpüpü vangsho kü shongdaiteke.

EZEKIEL 7:7

Am lomohhen peiteke, am hapa kahdokei nyupüthü. Hepak ngoiteke, nyih yopailei nyüke; kahshangthü kü mongong nevai, shanghah nyüke.

ISAIAH 6:5

Ngei, “Onyükei!” shei lenteke. “Ngeiyü yahlak neshiü! Mehenangkü ngeiyü jubenyeijaang nedaüpü shennyak, hatü ngeiyü jubenyeijaang nedaüpü shennyakthü mü nyunyüpeih; shejao ngelei müki Ongpa, Jeiyong Shembüpa eeteke.”

KOLOSI 1:12

amphong vangngai ongching kü daülangpüthü mü mükjüp hanteihen mü amphong mükjüp yahpü am leihüpü Pa kü menvih shuohtuh.

PHILIPPI 4:5

Amphong inpünyaipü peü kü nyinghütuh. Shembüpa yopailei nyüke.

ROM SHAHSHA APPÜ 9:20

Shejao Kahvang mü shah dakteihen hangku nüng üpaang? Ashemi dük shükbü kü, “Mehekei nüngi ngei hapakei shükpa?” shei eaokhen je?

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

MENVIH KESHO 46:10

Nenmü nyutuh, hatü ngeiyü Kahvang shei nyingtuh! Ngeiyü jatthü khongkü longei anshihhen, ngeiyü kahdoknyü kü longei anshihhen.

1 SAMUEL 20:26

Shejao Sauli ha nyih meheyao ne-e; mehenangkü David nedaü-i leihen mü lemhük vamjapü vaaishang; hingmei büpa nedaüi shiühen khih shei büpai deih.

JOB SHAHSHA APPÜ 24:1

Mehekei Jeiyong Kahvangi shahphenhen hepak vangpan ne-itnya? Mehekei büpa nyingpüthü kü büpalei nyihthü ne-eehünya?

ISAIAH 13:3

Ngei mongshihpü show laihen ngei ngelei daülangpüthü kü etepih, ngelei vehokbüthü hatü monglongpü veshanthü kü nyüktepih.

ISAIAH 29:2

Ngei Ariel kü shangpong yakying koei peihen, halei theppü, hatü youngpü mon nyuhen, hatü Jerusalemü moidülei iy yenei mapükei nyuhen.

ISAIAH 34:5

Shembüpai büpalei yanlu vangsholei temteke; veituh, hapayü Edom am büpai mahtükhen shei tempü shennyakthü touei yüshihhen.

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

AMOS 8:3

Hapa nyih phopshemei lokpü haipeyü mahng theppü leihen. Shing peüei mahmahng longi nyuhen. Jomü lavüngtoipü shing kü yakphonghen.”

ZEKHARIAH 14:1

Veituh, Shembüpalei nyih peikünyüke; am leipü aetpüshepü douthü ammei müki eeshi hanteikahen.